Xornada de formación SGAPEIO-AGAPEMA 2023

A Sociedade Galega para a Promoción da Estatística e a Investigación de Operacións (SGAPEIO) e a Asociación Galega de Profesorado de Educación Matemática (AGAPEMA) organizan a XI XORNADA DE FORMACIÓN PARA ELABORAR PROXECTOS DE ESTATÍSTICA.  Esta xornada está dirixida a profesorado de materias STEM de educación secundaria en centros públicos e concertados. Impartirase nunha única edición presencial na Facultade de Matemáticas da USC

Ler máis: Xornada de formación SGAPEIO-AGAPEMA 2023

Día Europeo da Estatística

Hoxe 20 de outubro celébrase o Día Europeo da Estatística baixo o lema "Estatísticas para un mellor desenvolvemento nun mundo en rápido cambio". 

Este día celebrouse por primeira vez o 20 de ooutubro de 2016 e foi iniciado polo European Statistical Advisory Committee (ESAC) e conta co apoio do Sistema Estatístico Europeo (ESS) e do Sistema Europeo de Bancos Centrais.

A ESAC adoptou a seguinte declaración para o Día Europeo da Estatística durante a súa 40ª reunión o 27 de xuño de 2023, que se pode resumir en que debemos reforzar o papel central das estatísticas oficiais na creación dun mundo máis xusto e sostible.

O luns 23 de outubro, para conmemorar esta data, o Instituto Nacional de Estadística (INE) organiza a sesión "European Statistics Day 2023: Session on Statistical Innovation in the European Statistical System". Nela participará o profesor Ricardo Cao da Universidade da Coruña impartindo a charla "Patnerships for Innovation. Spanish experience".

A sesión pode seguirse de maneira presencial ou ben en remoto, pero é preciso rexistrarse a través do formulario dispoñible na seguinte ligazón: 

https://www.ine.es/actosINE/registration_form_european_statistics_day_2023.pdf 

FASE NACIONAL | XIII Concurso Incubadora de Sondaxes e Experimentos

Do 27 ao 29 de xuño, os gañadores da fase autonómica do XIII Concurso Incubadora de Sondaxes e experimentos viaxaron a Zaragoza para defender os seus traballos na fase nacional.

Presentáronse os traballos premiados na fase nacional:

• 1º e 2º da ESO: "Caldo de áreas" de Sergio Castro Baliñas; Diego Guimeráns Guillén e Xavi Riomao Hernández. Titorizado por Ana María Rodríguez Sánchez. IES de Cacheiras.
• 3º e 4º da ESO: “Arden los parques infantiles” de Saray Pedreira Domínguez; María Irene Martín Estévez; Pablo Fernández Pérez e Sabela Feijoo Iglesias. Titorizado por Mariña López Yunta e María Estrella Rial Pan. IES Ribeira do Louro. Porriño.
• Bacharelato e ciclos formativos: “Rompendo o cristal da Xeración Z” de Lucía Fernandez Negreira; Juan Fernandez Romero; Lucas García Barreiro; Nerea Giurumescu Velasco e Sofía Sanchez Corrales. Titorizado por María José Bargados Varela. IES Miraflores. A Coruña.

Finalmente o traballo “Caldo de Áreas”, feito por Sergio Castro Baliñas, Diego Guimeráns Guillén e Xavi Riomao Hernández e titorado pola profesora Ana María Rodríguez Sánchez do IES de Cacheiras, gañou un dos dous premios ex aequo na categoría de 1º e 2º da ESO.

Parabéns a todas e a todos polo voso fantástico traballo!