Premios Fundación BBVA Fronteiras do Coñecemento

Os Premios Fundación BBVA Fronteiras do Coñecemento, cuxa décimo terceira edición convócase agora, recoñecen e incentivan a investigación e creación cultural de excelencia, en especial contribucións de singular impacto pola súa orixinalidade e significado. A denominación destes premios quere denotar tanto o traballo de investigación capaz de ampliar significativamente o ámbito de coñecemento —desprazando cara adiante a fronteira do coñecido— canto o solapamento e a interacción entre diversas áreas disciplinares e a emerxencia de novos campos.
Os Premios Fundación BBVA Fronteiras do Coñecemento desenvólvense coa colaboración do Consello Superior de Investigacións Científicas (CSIC).
CATEGORÍAS

• Ciencias Básicas (Física, Química, Matemáticas)
• Bioloxía e Biomedicina
• Tecnoloxías da Información e a Comunicación
• Ecoloxía e Bioloxía da Conservación
• Cambio Climático
• Economía, Finanzas e Xestión de Empresas
• Humanidades e Ciencias Sociais
• Música e Ópera

DOTACIÓN
A dotación dos Premios Fundación BBVA Fronteiras do Coñecemento é de 400.000 €, un diploma e un símbolo artístico, en cada unha das oito categorías.

CANDIDATOS
Os/as candidatos/as serán unha ou máis persoas físicas de calquera nacionalidade, sen límite de número, que realizasen achegas independentes ou converxentes a un determinado avance, ben a través de colaboración formal (formando parte dun ou máis equipos), ben de maneira paralela. Poderán tamén ser candidatos organizacións científicas ou culturais ás que poidan atribuírse de maneira agregada contribucións excepcionais nos ámbitos do coñecemento científico, a creación cultural e as actuacións fronte ao cambio climático.
Os premios non poderán outorgarse a título póstumo.

NOMEAMENTO
Poderán nomear sociedades científicas ou artísticas, centros de I+D, departamentos universitarios ou de hospitais, conservatorios de música, orquestras, axencias públicas, e organizacións científicas, culturais e ambientais, así como outras organizacións e persoas recollidas nas bases.
Información e consultas: Este enderezo de correo está a ser protexido dos robots de correo lixo. Precisa activar o JavaScript para velo.
O prazo de nomeamentos finaliza o 30 de xuño de 2020 ás 23 horas GMT.
Máis información e bases completas: https://www.premiosfronterasdelconocimiento.es/informacion-e-bases/