1.- V Incubadora de Sondaxes e Experimentos
Lembramos que está aberta a convocatoria da V Incubadora de Sondaxes e Experimentos para proxectos de Estatística e Investigación de Operacións realizados por estudantes de ESO, PCPI, Bacharelato e Ciclos Formativos de Grao Medio da Comunidade Autónoma de Galicia.
O período de inscrición no concurso é do 1 ao 15 de abril de 2015.
Toda a información relativa a esta convocatoria pode consultarse na páxina web da SGAPEIO: www.sgapeio.es.

2.- Olimpíada Matemática Galega 2015
Está aberta a convocatoria da Olimpíada Matemática Galega 2015 de 2º da ESO, un evento internacional organizado por AGAPEMA e dirixido á procura dun ensino das Matemáticas máis orientado á resolución de problemas, á creatividade e á reflexión. Este ano, a fase final terá lugar na cidade de Lugo.
As principais datas a ter en conta á hora de participar son as seguintes:
- Inscrición dos centros: 26 de febreiro
- Inscrición do alumnado: 26 de marzo
- Fase de zona: 23 de abril
- Fase final galega: 21 de maio
Máis información: http://www.agapema.org/?q=node/153

3.- Seminario na Universidade de Vigo
O día 17 de marzo de 2015, ás 13:00 h, terá lugar o seguinte seminario no Salón de Graos da Facultade de Económicas de Vigo:
- Title: Some step-up procedures that control the false discovery rate for discrete tests.
- Speaker: Sebastian Doehler, Darmstadt University of Applied Sciences.
- Abstract: In many multiple testing problems control of the false discovery rate is desired. In this talk we develop some step-up procedures that control the false discovery rate under arbitrary dependence of the p-values. When the test statistics are discrete, these new procedures can provide improvements over classical procedures like the Benjamini-Yekutieli procedure by incorporating discreteness in a straightforward way. We illustrate these new procedures with an application to pharmacovigilance data.
Organiza: Grupo SiDOR (http://sidor.uvigo.es)

4.- III Congreso de Jóvenes Investigadores RSME
Do 7 ao 11 setembro de 2015 terá lugar en Murcia o Terceiro Congreso de Novos Investigadores (3CJI 2015) da RSME. Trátase da terceira edición deste congreso consolidado da RSME, despois das exitosas edicións previas que tiveron lugar en Soria en 2011 e en Sevilla en 2013.
Datas importantes:
- Inscrición temprana: 31 de maio de 2015
- Envío de comunicacións: 30 de abril de 2015
Máis información: http://www.um.es/jovenesrsme2015/index.php

5.- Axudas do programa ComFuturo
O Consejo Superior de Investigaciones Científicas (CSIC) e a Fundación General CSIC (FGCSIC) presentaron a primeira convocatoria de axudas do Programa ComFuturo, unha iniciativa de colaboración público-privada que pretende dar resposta ao desemprego de científicos novos altamente cualificados, captando o mellor talento investigador e facendo posible que desenvolva proxectos de alcance en centros do CSIC.
Concédense axudas para trece proxectos, cinco para liñas de investigación específicas e oito de temática xeral, aberta a dez áreas de coñecemento, unha das cales é Matemáticas, Física e Tecnoloxías Químicas.
Presentación de solicitudes: ata o 15 de marzo de 2015, ás 23:00 horas.
Máis información: http://www.comfuturo.es/

6.- Bolsas do Instituto de Estudios Fiscales
O Instituto de Estudios Fiscales convoca 12 bolsas de formación para titulados universitarios de cinco áreas de coñecemento:
A. Área de Economía e Facenda Pública (cinco bolsas): Graduados ou Licenciados en Economía, Administración e Dirección de Empresas ou Socioloxía.
B. Área de Dereito Financeiro e Tributario (dúas bolsas): Graduados ou Licenciados en Dereito.
C. Área de Estatística (dúas bolsas): Graduados ou Licenciados en materias relativas a Estatística ou Matemáticas.
D. Área de Tecnoloxía da Información e as Comunicacións (dúas bolsas): Graduados, Licenciados ou Enxeñeiros Superiores relacionados con Tecnoloxías da Información e Comunicacións (TIC).
E. Área de Biblioteca e Documentación (unha bolsa): Graduados, Licenciados e/ou Diplomados en Biblioteconomía e Documentación.
Presentación de solicitudes: ata o 15 de marzo de 2015.
Máis información: http://www.boe.es/boe/dias/2015/02/16/pdfs/BOE-A-2015-1540.pdf

7.- Contratos predoutorais no ICMAT
O “Programa Doctoral Internacional la Caixa-Severo Ochoa” no Instituto de Ciencias Matemáticas (ICMAT) ofrece formación en Matemáticas nun entorno científico internacional do máis alto nivel. Ofrécense dous contratos en 2015. Os candidatos deberán posuír un currículo académico excepcional, un sólido coñecemento de inglés, algunha experiencia previa e as certificacións académicas esixidas pola convocatoria.
Máis información: http://www.icmat.es/lacaixa-predoc-2015

8.- Curso de Estatística avanzada con R para profesionais da saúde
A Universidade de Vigo organiza o curso de formación “Estatística avanzada con R para profesionais da saúde”. O curso é totalmente non presencial para que os titulados deste ámbito poidan seguilo en horario libre e dende calquera lugar de modo compatible coa súa actividade.
- Importe da matrícula: 125 € (90 € parados).
- Período de matrícula: do 15 de febreiro ao 10 de marzo de 2015.
- Período de docencia: do 15 de marzo ao 15 de abril de 2015.
O curso inclúe algunhas das técnicas estatísticas avanzadas máis utilizadas na investigación médica (análise de supervivencia, deseños de investigación, meta-análise, regresión de Cox, regresión de Poisson, regresión ordinal, regresión loxística multinomial), con datos e exemplos paso a paso, asequibles para usuarios non expertos. Non é necesario ter un nivel elevado de Estatística ou coñecer previamente o programa R, aínda que sen dúbida eses coñecementos poden aumentar o rendemento do alumno. É eminentemente práctico e aplicado, e realizarase de forma virtual mediante secuenciación das unidades didácticas a través de Faitic, a plataforma de tele docencia da Universidade de Vigo.
Este curso ten concedido o recoñecemento da Consellería de Sanidade da Xunta de Galicia -Sistema Público de Saúde- como actividade de formación continua para todos os profesionais sanitarios titulados.
Máis información: https://bubela.uvigo.es/curso/2428

1.- Acta da Asemblea Xeral da SGAPEIO 2014
Está dispoñible na web da SGAPEIO, no apartado de “A SOCIEDADE – Actas e informes” que ten acceso restrinxido a socios e socias, a seguinte acta:
- Acta da Asemblea Xeral da SGAPEIO 2014 celebrada o 29 de xaneiro de 2015 na Facultade de Matemáticas de Santiago de Compostela.

2.- V Incubadora de Sondaxes e Experimentos
Lembramos que está aberta a convocatoria da V Incubadora de Sondaxes e Experimentos para proxectos de Estatística e Investigación de Operacións realizados por estudantes de ESO, PCPI, Bacharelato e Ciclos Formativos de Grao Medio da Comunidade Autónoma de Galicia.
O período de inscrición no concurso é do 1 ao 15 de abril de 2015.
Toda a información relativa a esta convocatoria pode consultarse na páxina web da SGAPEIO: www.sgapeio.es.

3.- Publicouse a versión 2.0 de BioStatFLOSS
BioStatFLOSS é unha recopilación de software xa preparado para o seu uso (non precisa instalación), de utilidade para a realización de estudos (bioestatísticos, epidemiolóxicos e de saúde en xeral), investigación biomédica e/ou formación bioestatística. Ademais, inclúe a suite LibreOffice e o navegador Firefox polo que tamén está indicado para o traballo ofimático (procesador de texto, folla de cálculo, presentacións, ..) e para Internet. Todo o software incluído é gratuíto e de libre distribución.
Máis información: http://www.sergas.es/MostrarContidos_N3_T01.aspx?IdPaxina=62658

4.- Bolsas da Fundación Barrié 2015
A Fundación Barrié convoca un total de 30 bolsas para realizar estudos de Máster e estadías de investigación predoutoral, dirixidas a titulados universitarios vinculados a Galicia cunha excelente traxectoria académica, investigadora e/ou profesional.
O obxectivo do programa é apoiar a formación de posgrao de titulados universitarios vinculados a Galicia, así como de fomentar a investigación, o desenvolvemento e a innovación en todos os ámbitos do coñecemento.
As bolsas teñen unha duración máxima de dous cursos académicos e cobren o total da matrícula, unha dotación inicial para gastos de desprazamento e instalación e unha asignación mensual en concepto de aloxamento, manutención, asistencia a seminarios, libros e outros.
Presentación de solicitudes: ata o 23 de marzo de 2015.
Máis información: http://goo.gl/4vq9YJ

5.- IX Feira Matemática 2015
A Feira Matemática, organizada por AGAPEMA, é unha xornada pensada para a divulgación das Matemáticas e dirixida ós alumnos e alumnas de Educación Infantil, Primaria, ESO, BAC e Formación Profesional así como ó profesorado de Matemáticas e a todo o público en xeral. O propósito co que se formula esta cita é a de crear un espazo educativo no ámbito matemático.
Este ano celébrase a IX edición da Feira, que terá lugar o sábado 16 de maio de 2015 no Hall de Proa de PALEXCO, dende as 11 h ata as 19 h.
Ademais do tradicional concurso de Fotografía Matemática que se convocou nas edicións anteriores da Feira, dende a pasada edición convócase tamén un concurso de ESOPÍAS e outro de MATMONÓLOGOS, coa colaboración da Fundación Barrié. Toda a información dos tres concursos, así como o envío de materiais e a votación do público, farase a través de Mateblog: http://mateblog.educabarrie.org/.
Máis información: http://www.agapema.org/?q=node/208

6.- Concurso Explícoche Matemáticas 2.0
Explícoche Matemáticas 2.0 é un concurso dirixido ao alumnado do Sistema Universitario de Galicia (Universidade de Santiago de Compostela, Universidade da Coruña e Universidade de Vigo) e a estudantes de 3º e 4º da ESO e 1º e 2º de Bacharelato dos centros de educación secundaria de Galicia.
Organizado pola Facultade de Matemáticas da USC en colaboración con educaBarrié, a iniciativa da Fundación Barrié para a comunidade educativa, o obxectivo do concurso é promover a utilización do galego como medio de transmisión das Matemáticas, así como a creatividade do alumnado, a través da realización de curtametraxes de dous minutos de duración nas que se explique en galego un concepto matemático.
Para concursar no Proxecto Explícoche Matemáticas 2.0, cada participante ou grupo participante debe preparar un vídeo de 2 minutos de duración máxima sobre un tema relacionado coas Matemáticas e onde a lingua empregada sexa o galego.
Os proxectos deberán remitirse ata o 8 de abril de 2015.
Máis información en Mateblog: http://mateblog.educabarrie.org/

7.- Premios de investigación Ernesto Viéitez Cortizo
A REAL ACADEMIA GALEGA DE CIENCIAS convoca os Premios de Investigación Ernesto Viéitez Cortizo correspondentes ao ano 2015, co obxecto de promover a investigación e o desenvolvemento nas áreas de coñecemento integradas na Academia, a través do recoñecemento académico e social do esforzo dos investigadores.
A RAGC outorga dous premios, un para un traballo de Investigación realizado por investigadores sénior e outro para incentivar a promoción de novos investigadores menores de 28 anos.
Os traballos que se presenten ao Premio haberán de ser realizados en Centros de Investigación de Galicia ou versar sobre temas directamente relacionados con Galicia. Os traballos tratarán sobre temas ou aspectos relacionados coas áreas temáticas seguintes: Matemáticas, Física, Física do Cosmos, Química, Xeoloxía, Bioloxía, Farmacia, Ciencias Sociais, Económicas e Ciencias Técnicas.
O prazo da convocatoria finalizará ás 13.00 horas do 18 de Xuño de 2015.
Máis Información: http://www.usc.es/export/sites/default/gl/centros/matematicas/descargas/Convocatoria_Premios_2015.pdf

8.- Premios Vicent Caselles RSME-Fundación BBVA
A Fundación BBVA e a Real Sociedad Matemática Española (RSME) colaboran na convocatoria e adxudicación dos Premios de investigación Matemática “Vicent Caselles”. Estes Premios están dirixidos a investigadores en matemáticas, españois ou que teñan realizado o seu traballo de investigación nunha universidade ou centro científico de España, cuxa idade sexa como máximo 30 anos ao finalizar o ano 2015 (salvo o disposto no Art. 6 das bases).
Nesta convocatoria concederanse seis premios, cada un cunha dotación bruta de 2.000 euros, e todos eles na mesma modalidade de Investigación Matemática. Entre as ramas de Investigación Matemática ás que se refiren os Premios, atópase a Estatística. Convocatoria: http://www.fbbva.es/TLFU/dat/Folleto_Premios_Investigacion_Matematica_Vicent_Caselles.pdf
Máis información: http://www.rsme.es/content/view/1669/135/

9.- Ofertas de emprego da USC
A Universidade de Santiago de Compostela convoca concurso público para os seguintes contratos:
1.- Desenvolvemento de técnicas eficientes para o procesamento de información LiDAR.
- Retribución bruta mensual: 1200,00€
- Duración do contrato: 21 meses
- Xornada laboral: tempo parcial
- Categoría: Técnico Superior de Apoio a Investigación
- Requisitos: Licenciado/a ou Grao en Enxeñaría Informática Enxeñería Superior en Informática , Fisica ou Matemáticas

2.- Implementación de interfaces e difusión de software científico do ámbito da Estatística e a Investigación Operativa que integran a Rede TMATI.
- Retribución bruta mensual: 1462,50€
- Duración do contrato: 6 meses
- Xornada laboral: tempo completo
- Categoría: Técnico Superior de Apoio a Investigación
- Requisitos: Enxeñaría Técnica/Superior Informática. Licenciado/a ou Graduado/a en Matemáticas ou Estatística

3.- Implementación de interfaces e difusión de software científico do ámbito da Matemática Aplicada que integran a Rede TMATI.
- Retribución bruta mensual : 1462,50€
- Duración do contrato: 6 meses e 21 días
- Xornada laboral: tempo completo
- Categoría: Investigador en formación
- Requisitos: EnxeñaríaTécnica/Superior. Licenciado/a ou Graduado/a en Física o Matemáticas

4.- Prestar apoio na planificación e organización de actividades de divulgación no marco do proxecto “Bioestatística para Vivir e como Vivir da Estatística” FCT-14-8405.
- Retribución bruta mensual : 780,00€
- Duración do contrato: 3 meses
- Xornada laboral: tempo parcial
- Categoría: Investigador en formación
- Requisitos: Licenciatura ou grao en: matemáticas e /ou Estatística. Diplomatura, licenciatura ou grao en Empresariais, Administración e Dirección de Empresas ou Economía

Máis Información: http://imaisd.usc.es/ftp/oit/documentos/1573_gl.pdf

1.- Asemblea Xeral da SGAPEIO 2014
Lembramos que o vindeiro día 29 de xaneiro de 2015 terá lugar, ás 18:30 horas, a reunión da Asemblea Xeral da Sociedade do ano 2014 na Facultade de Matemáticas de Santiago de Compostela.
Na páxina web da SGAPEIO, no apartado "A SOCIEDADE-Actas e informes", atópase a Acta da Asemblea Xeral do 25/10/2013 que se someterá a aprobación, e a convocatoria da Asemblea, que inclúe os balances económicos de 2013 e 2014, e o orzamento para o ano 2015.
Antes de celebrarse a Asemblea impartiranse dúas conferencias ás que pode asistir calquera persoa interesada. So a Asemblea é restrinxida a socios e socias da SGAPEIO.
Máis información: www.sgapeio.es

2.- Seminarios
1. Universidade de Santiago
- Data: 5 de febreiro de 2015, ás 17:00 h.
- Lugar: Aula 4 da Facultade de Matemáticas.
- Título: Do-validating local linear hazards.
- Ponente: María Dolores Martínez-Miranda. University of Granada (Spain) & City University London (UK).

2. Universidade de Vigo
- Data: 10 de febreiro de 2015, ás 13:00 h.
- Lugar: Salón de Graos da Facultade de Económicas de Vigo.
- Título: Estimating Time to Disease Progression Using Panel Data, with Application to Multiple Sclerosis.
- Ponente: Micha Mandel. Department of Statistics, The Hebrew University of Jerusalem.

3. Universidade de Santiago
- Data: 11 de febreiro de 2015.
- Lugar: Aula 4 da Facultade de Matemáticas.
- Títulos e ponentes:
17:00-18:00: Robust Inference in Nonlinear Regression for Samples with Possible Missing Responses. Ana Bianco, Universidad de Buenos Aires y CONICET.
18:00-19:00: Statistics of Dynamic Random Networks: A Depth function approach. Ricardo Fraiman, Universidad de San Andrés (Buenos Aires - Argentina).

3.- XI edición de IMATXINA
A Fundación Escola Rosalía e Educa Barrié, co patrocinio de La Caixa e o Concello de Vigo, a colaboración da Asociación Escola Rosalía de Castro, e o asesoramento da Asociación Galega de Profesores de Educación Matemática (AGAPEMA) volta a organizar en Vigo este ano a XI Edición de IMATXINA.
Obxectivos xerais:
- Sacar as matemáticas das aulas e achegalas á sociedade dende un punto de vista manipulativo e participativo.
- Favorecer o uso de materiais didácticos para o tratamento dos programas curriculares.
- Amosar a través destas tarefas que todos os cidadáns poden facer matemáticas, é dicir: argumentar, analizar, decidir, demostrar, descubrir, razoar ...
- Sensibilizar aos distintos sectores educativos, de que as matemáticas poden ensinarse e aprenderse de xeito atractivo.
- Acadar o apoio das distintas institucións do eido da educación e da cultura para seguir espallando en todos os niveis unha maior e máis axeitada formación matemática.
- Aprender a traballar en equipo valorando e respetando as opinións propias e ás dos demais e fomentando a imaxinación e a creatividade.
Máis información: http://goo.gl/z2NCxM

4.- Día de GeoGebra de Galicia
O Instituto GeoGebra de Galicia (IGG) e a Asociación Galega de Profesorado de Educación Matemática (AGAPEMA) convocan o Día GeoGebra de Galicia (DGG), unha xornada de traballo sobre o programa de xeometría dinámica GeoGebra, que se vai celebrar o sábado 11 de abril de 2015 na Facultade de Ciencias da Educación, Campus de Elviña, A Coruña.
Máis información: http://www.agapema.org/?q=node/326

5.- Cursos da Universitat Autònoma de Barcelona
O Servei d'Estadística Aplicada da Universitat Autònoma de Barcelona organiza os seguintes cursos para os próximos meses:
- Mini-Curso de apoio á docencia con Deducer: 5 de febreiro de 2015.
- Curso de introdución á sintaxe de R mediante RStudio – MODULO I: 23, 25 de febreiro e 2 de marzo de 2015.
- Curso de Estatística Básica con R mediante RStudio – MODULO II: 16, 18 e 23 de marzo de 2015.
Máis información: http://sct.uab.cat/estadistica/es

6.- Workshop: Methodological Advances in Statistics related to Big Data
Do 8 ao 12 de xuño de 2015 terá lugar en Castro-Urdiales (Cantabria) un obradoiro sobre Big Data: Methodological Advances in Statistics related to Big Data.
Este obradoiro é unha reunión científica internacional organizada polo Instituto de Matemáticas de la Universidad de Valladolid (IMUVA) en representación da Red de Institutos Universitarios de Matemáticas (REDIUM).
O programa do obradoiro, que terá lugar no Centro Internacional de Encuentros Matemáticos (CIEM) de Castro-Urdiales, inclúe dous cursos breves, de 6 horas cada un, que serán impartidos por destacados investigadores expertos neste campo. Tamén inclúe conferencias plenarias e comunicacións orais.
Máis información: http://157.88.39.7/workshop/

7.- Bolsas da Axencia Galega de Innovación
A Axencia Galega de Innovación convoca bolsas para a realización de estadías durante o ano 2015 fóra da Comunidade Autónoma de Galicia, preferentemente no estranxeiro, dirixidas a investigadores e técnicos contratados en centros tecnolóxicos e organismos públicos de investigación (OPI), que teñen centros de I+D+i radicados en Galicia, alleos ao Sistema universitario de Galicia (SUG), co fin de que este persoal poida realizar actividades que melloren a súa formación, así como entrar en contacto con ambientes de investigación e innovación diferentes, mellorando os seus contactos neste ámbito.
Presentación de solicitudes: ata o 13 de febreiro de 2015.
Máis información: http://www.xunta.es/dog/Publicados/2015/20150113/AnuncioG0198-020115-0001_gl.pdf

8.- Bolsas Fulbright para ampliación de estudos en EEUU
Está aberta a convocatoria de Bolsas Fulbright para ampliación de estudos en EEUU no curso 2016-2017. Estas bolsas están destinadas a titulados superiores que estean interesados en programas de Master, Ph.D. ou, excepcionalmente, en proxectos de investigación predoutoral nunha universidade estadounidense durante o curso académico 2016-2017.
Presentación de solicitudes: ata o 16 de marzo de 2015.
Máis información: http://www.fulbright.es/convocatorias/ver/1453/ampliacion-de-estudios/2016-2017

9.- Oferta de emprego como consultor estatístico
A empresa de consultoría AIS selecciona un persoa para integrarse dentro da empresa como CONSULTOR nos proxectos de bigdata analytics que desenvolve para os seus clientes, grandes empresas de diferentes sectores en España e Latinoamérica. As súas tarefas serán participar no desenvolvemento de modelos estatísticos sobre big data.
Requisitos:
- Titulación superior en Estatística ou Matemáticas.
- Experiencia laboral en análise e modelización estatística de grandes volumes de datos (mínimo 2 anos).
- Experiencia en R, Python, SAS, SPSS.
- Dispoñibilidade para viaxar puntualmente.
- Bo nivel de inglés e/ou francés.
Máis información: http://goo.gl/tNrRFi