Desde a SGAPEIO queremos compartir convosco unha noticia moi especial: a creación da Fundación Carmen Cadarso, que nace para dar continuidade á traxectoria de Carmen, froito de máis de trinta anos de dedicación á docencia, á investigación e á transferencia no ámbito da Bioestatística.
Moitos de vós coñecestes a Carmen e sabedes da pegada que deixou, tanto polo impacto do seu legado científico como pola súa enorme calidade humana e xenerosidade.
O acto de presentación oficial da Fundación será:
O acto estará presidido pola reitora da Universidade de Santiago de Compostela, Rosa María Crujeiras Casais, xunto cos membros do Padroado e do Comité Científico da Fundación.
- Data: martes, 1 de decembro de 2026.
- Hora: 11:00, cun aperitivo posterior para as persoas asistentes.
- Lugar: Salón Nobre do Pazo de Fonseca, Santiago de Compostela.
Confirmar a asistencia antes do 23 de novembro neste formulario: https://forms.cloud.microsoft/r/w0DctqHN7e
O pasado 23 de outubro de 2026 celebrouse en Vigo a sexta edición do PhDay-EIO, unha xornada dirixida ao alumnado de doutoramento no ámbito da Estatística e a Investigación Operativa, que se consolidou un ano máis como un espazo de encontro para a difusión da investigación.
No marco desta xornada, o Comité Organizador do PhDay-EIO acordou por unanimidade conceder o premio á mellor comunicación oral á presentación titulada “De datos con ruido a variedades: estimación minimax de hipersuperficies”, realizada por Héctor González Vázquez, da Universidade de Santiago de Compostela (USC).
A entrega do galardón contou coa colaboración da SGAPEIO. Na fotografía recóllese o momento da entrega do premio.
De esquerda a dereita: Nora Martínez Villanueva (socia da SGAPEIO e encargada da entrega do premio), Paula Soto Rodríguez (membro do comité organización do VI PhDay-EIO), Héctor González Vázquez, gañador do premio e Alejandro Bernárdez Ferradás, (membro do comité organización do VI PhDay-EIO).
Desde a SGAPEIO queremos felicitar a Héctor González Vázquez por este recoñecemento e agradecer ao comité organizador do VI PhDay-EIO o seu traballo e compromiso coa promoción da investigación e da formación das novas xeracións de investigadores e investigadoras en Estatística e Investigación Operativa.
A xornada rematou cunha fotografía de grupo de parte das persoas asistentes ao VI PhDay-EIO.
A Sociedade Galega para a Promoción da Estatística e a Investigación de Operacións (SGAPEIO) e a Asociación Galega de Profesorado de Educación Matemática (AGAPEMA) organizan a XIII XORNADA DE FORMACIÓN PARA ELABORAR PROXECTOS DE ESTATÍSTICA. Esta xornada está dirixida a profesorado de materias STEM de educación secundaria en centros públicos e concertados máis este ano ábrese a participación a profesorado de último ciclo de primaria. Impartirase nunha única edición presencial na Facultade de Matemáticas da USC
Páxina 1 de 2