Asociarse

¿Que che ofrecemos? | Cota | ¿Como asociarse?

¿Que che ofrecemos?
Dende a SGAPEIO queremos animarte a unirte ao noso colectivo, que ten como obxectivo promocionar e divulgar os métodos e aplicacións da Estatística e da Investigación de Operacións no ámbito galego (Artigo 2.1 dos Estatutos).

Deste xeito poderás disfrutar dos servizos e actividades que a nosa Sociedade ofrece:

• Cada ano recibirás un número do Informest, que é a publicación periódica da SGAPEIO, na que se inclúen varias seccións que poden ser do teu interese, e na que podes participar con suxerencias, comentarios ou escribindo unha colaboración sobre un tema que poida ser de interese para o resto de socios e socias.

• Semanalmente recibirás unha mensaxe de correo electrónico con anuncios sobre eventos de interese (cursos, xornadas, seminarios, ...) e ofertas de emprego.

• Se eres estudante, poderás beneficiarte dun desconto na cota anual da Sociedade.

• A SGAPEIO ten firmados acordos de reciprocidade coa Real Sociedad Matemática Española (RSME) e coa Sociedade Galega de Profesores de Educación Matemática (AGAPEMA). En virtude destes acordos, podes ser tamén socio desas sociedades cun desconto do 50% na súa cota anual.

• A SGAPEIO vén de actualizar o acordo de reciprocidade coa SEIO, en virtude do cal, ao ser unha persoa socia de ambas as dúas sociedades, redúcese a cota ordinaria da SGAPEIO.

Ademáis realizamos unha serie de actividades como os congresos bianuais da Sociedade, nos que se presentan traballos sobre a investigación en estatística, o ensino medio, ou aplicacións en distintos campos como a bioestatística ou a estatística oficial. Estes encontros serven para poñernos ao día na nosa profesión é coñecer aplicacións da Estatística e a Investigación de Operacións noutros ámbitos distintos ao propio e facilitan o intercambio e a colaboración entre persoas da nosa Sociedade.
Unha vez ao ano celebramos unha asemblea xeral ordinaria; os anos que hai congreso da Sociedade, a asemblea celébrase coincidindo co congreso, e nos anos que non hai congreso, organízase algunha actividade complementaria, como unha conferencia ou charla de interese.

Cota
A cota establecida é anual:

¿Cómo asociarse?
Para solicitar a alta na SGAPEIO é preciso cumprimentar o seguinte formulario.