1.- Asemblea Xeral da SGAPEIO 2014
O vindeiro día 29 de xaneiro de 2015 terá lugar, ás 18:30 horas, a reunión da Asemblea Xeral da Sociedade do ano 2014 na Facultade de Matemáticas de Santiago de Compostela. Na páxina web da SGAPEIO, no apartado "A SOCIEDADE-Actas e informes", atópase a Acta da Asemblea Xeral do 25/10/2013 que se someterá a aprobación, e a convocatoria da Asemblea, que inclúe os balances económicos de 2013 e 2014, e o orzamento para o ano 2015.
Antes de celebrarse a Asemblea impartiranse dúas conferencias ás que pode asistir calquera persoa interesada. So a Asemblea é restrinxida a socios e socias da SGAPEIO.
O programa da xornada é o seguinte:
Programa:
- 17:00-17:40: Conferencia “Solucións estatísticas para retos actuais en enxeñería e ciencia de materiais”.
Prof. Javier Tarrío Saavedra
Universidade da Coruña
- 17:40-17:50: Pausa.
- 17:50-18:30: Conferencia “Votando secuencialmente”.
Prof. Julio González Díaz
Universidade de Santiago de Compostela
- 18:30-20:00: Asemblea Xeral da SGAPEIO.
2.- Cambios na web da SGAPEIO
No menú de “FORMACIÓN E ACTIVIDADES” creouse unha nova opción chamada “Outras actividades” que agrupa as actividades organizadas ou co-organizadas pola SGAPEIO, agás os congresos da Sociedade e os premios, que teñen un apartado propio. A información que inclúe actualmente a nova opción é a seguinte:
- Curso de introdución a R: software libre para PEMES
- I Encontro Luso-Galaico de Estatística no Medio Ambiente e na Ecoloxía
- Curso de Estatística con R para profesorado de Ensino Medio
- I Encontro Luso-Galaico de Biometría
- 2013: Ano Internacional da Estatística
- Día Mundial da Estatística
A información das dúas xornadas de formación do profesorado, organizadas conxuntamente con AGAPEMA; incluíuse no menú “ESTATÍSTICA NO ENSINO – Ensino Medio”.
3.- Concesión dunha axuda da FECYT á SGAPEIO
No ano 2015 a SGAPEIO solicitou unha axuda á Fundación Española para la Ciencia y la Tecnología (FECYT) na Convocatoria de 2014 para o fomento da cultura científica, tecnolóxica e da innovación, dentro da modalidade 2.1 “Fomento da creatividade e as vocacións científicas”. O obxetivo desta solicitude era obter financiación para o Concurso da Incubadora de Sondaxes e Experimentos, tanto na Fase local coma na Fase Nacional, e para a Xornada de formación para profesores de ESO/Bacharelato.
A Comisión de Evaluación valorou positivamente a pretensión de chegar a máis de 160.000 estudantes de Galicia, aínda que finalmente só unhas decenas de grupos de catro ou cinco alumnos se involucren no concurso e tamén valorou de xeito positivo a iniciativa de formar ao profesorado para a mellora a calidade dos proxectos estatísticos e o impacto a máis longo prazo, outorgándolle ao proxecto unha nota de 92 sobre 100.
Por todo isto, a Xunta Rectora do Patronato da FECYT , a proposta da Comisión de Evaluación resolveu conceder unha axuda de ata 7.900€ para financiar as actividades para as que se fixo a solicitude.
4.- V Incubadora de Sondaxes e Experimentos
Lembramos que está aberta a convocatoria da V Incubadora de Sondaxes e Experimentos para proxectos de Estatística e Investigación de Operacións realizados por estudantes de ESO, PCPI, Bacharelato e Ciclos Formativos de Grao Medio da Comunidade Autónoma de Galicia.
O período de inscrición no concurso é do 1 ao 15 de abril de 2015.
Toda a información relativa a esta convocatoria pode consultarse na páxina web da SGAPEIO: www.sgapeio.es.
5.- I Xornadas Científicas de Estudantes da SEB
A Sociedad Española de Biometría organiza as Primeiras Xornadas Científicas de Estudantes, que se celebrarán os días 19 e 20 de xaneiro de 2015 no salón de graos da Facultade de Matemáticas da Universitat de València (Campus de Burjassot).
- Inscrición gratuíta e con certificado de asistencia.
- Todas as sesións son plenarias, incluída unha de pósteres.
- Curso gratuíto, de aproximadamente 2 horas de duración, e con certificado: Introdución á Inferencia Bayesiana; impartido por Anabel Forte (UV).
- Mesa redonda: Qué ofrece a SEB a os seus membros estudantes e viceversa.
Máis información: http://www.biometricsociety.net/primeras-jornadas-cientificas-de-estudiantes-de-la-seb%e2%80%8f/
6.- 2015 International Conference on Risk Analysis
The 2015 International Conference on Risk Analysis (ICRA6) is an international forum for disseminating recent advances in the field of Risk Analysis, with applications for the risk assessment and the risk management in Life, Biological and Environmental Sciences & Public Health, Economics and Finance, and Reliability of Engineering, Technical, Biological & Biomedical Systems.
The conference will also include the 6th Workshop on Risk Management and Insurance (RISK2015). ICRA6 and RISK2015 will be held in Barcelona (Spain), on May 26 - 29, 2015.
Further information: http://www.uoc.edu/portal/en/symposia/icra6/index.html
7.- 11th O-Bayes Workshop
The International Workshop on Objective Bayes Methodology, O-Bayes15, will be held in Valencia, Spain, June 1-4, 2015, and June 5 will be devoted to excursions. The principal objectives of O-Bayes15 will be to facilitate the exchange of recent research developments in objective Bayes theory, methodology and applications, and related topics, to provide opportunities for new researchers, and to establish new collaborations and partnerships.
O-Bayes15 will be dedicated to Susie Bayarri, to celebrate her life and contributions to Bayesian Statistics. O-Bayes15 will feature 21 invited talks and discussants, 3 tutorials and a poster session.
Further information: http://congresos.adeituv.es/OBayes15/
8.- Summer School GAME THEORY and ALGORITHMS
The Summer School GAME THEORY and ALGORITHMS will be held in Campione d’Italia on September 6-11, 2015.
The school is oriented to PhD students, post-doc, and young scholars. It has a distinguished interdisciplinary flavour, with speakers whose experiences come from Mathematics, Computer Science and Economics.
It is organized in order to provide incentives for direct contacts among the participants; the lectures will be delivered in the morning and the rest of the day will be devoted to informal talks and discussions also with the speakers.
Game Theory is assuming a wide relevance and several applications in various fields, from Mathematics, to Economics, Finance, Engineering, Political Science and so on. This makes of growing importance suitable algorithms. The aim of the school is providing insight in the computational aspects related to game theoretical tools.
Some fellowships will be available for participants and will be assigned on the basis of a curriculum vitae.
You may find this preliminary information on the website of the School at: http://gtaa.lakecomoschool.org/.
9.- Curso “Distributional Regression”
O Centro Interdisciplinar de Bioestatística da Universidade de Santiago de Compostela organiza o curso “Distributional Regression with Applications in Biomedicine, Biology, and Economics”, que terá lugar do 24 ao 26 de febreiro de 2015 no Centro de Estudos Avanzados da USC.
O curso está dirixido a estatísticos e investigadores das áreas de Biomedina, Bioloxía, Economía e outras disciplinas, que traballen con estruturas de datos complexos.
Máis información: http://icbusc.com/event/distributional_regression
10.- Axudas á FPU
O Ministerio de Educación, Cultura e Deporte convoca axudas destinadas á formación en programas de doutorado en calquera área do coñecemento científico para facilitar a futura incorporación dos beneficiarios ao profesorado universitario do sistema español de educación superior e investigación científica (axudas á FPU).
Máis información: www.boe.es/boe/dias/2014/12/27/pdfs/BOE-A-2014-13539.pdf
11.- Ofertas de emprego da USC
A Universidade de Santiago de Compostela convoca concurso público para os seguintes contratos:
1.- Aplicación e desenvolvemento de metodoloxía bioinformática relacionadas coa inmunoxenómica de enfermidades de peixes e moluscos.
- Retribución bruta mensual: 820,00€
- Duración do contrato: 7,5 meses
- Xornada laboral: tempo parcial
- Categoría: Técnico Superior de Apoio a Investigación - Requisitos: Licenciado/a ou Grao en Veterinaria, Bioloxía, Biotecnoloxía, Ciencias do Mar, Ciencias Ambientais e Matemáticas
2.- Revisión de técnicas estatísticas para xeolingüistica perceptiva. Deseño de ferramentas (estimadores, test de hipóteses) que permitan describir e facer inferência sobre a percepción dialectal.
- Retribución bruta mensual: 600, 00€
- Duración do contrato: 4 meses
- Xornada laboral: tempo parcial
- Categoría: Técnico Superior de Apoio a Investigación
- Requisitos: Licenciado/a ou Grao en Matemáticas
3.- Desenvolvemento de algoritmos de detección de estructuras coherentes de Lagrange en ríos atmosféricos.
- Retribución bruta mensual : 1173,00 €
- Duración do contrato: 12 meses
- Xornada laboral: tempo completo
- Categoría: Investigador en formación
- Requisitos: Licenciado /a ou Grao en Física ou Matemáticas. Deberán estar matriculados nun Programa de Doutoramento
Máis información: http://imaisd.usc.es/ftp/oit/documentos/1549_gl.pdf
1.- Actividades da SGAPEIO en 2014
Neste último boletín de novas do ano 2014, facemos balance das actividades realizadas pola SGAPEIO ao longo deste ano que remata:
- Renovación do convenio coa Fundación Barrié.
- Organización da IV edición do concurso Incubadora de Sondaxes e Experimentos.
- Envío dos representantes galegos á IV Fase Nacional dos Concursos tipo Incubadora de Sondaxes e Experimientos, celebrada en Granada.
- Participación no programa Efervesciencia da Radio Galega con motivo da Incubadora de Sondaxes e Experimentos.
- Reestruturación do contido do boletín Informest.
- Publicación dos números 37 e 38 de Informest.
- Organización, con AGAPEMA e educaBarrié, da Xornada de formación para elaborar proxectos de estatística. Aplicación á Incubadora.
- Organización, coa Sociedade Portuguesa de Estatística, do I Encontro Luso-Galaico de Estatística no Medio Ambiente e na Ecoloxía, celebrado en Vila Real.
- Organización do curso semipresencial de R: software estatístico libre para PEMES.
- Asistencia dun representante da SGAPEIO ao Pleno do Consello Galego de Estatística.
- Mantemento e actualización da páxina web e envío quincenal do boletín de novas.
- Envío de novas a través de Linkedin e Twitter.
2.- InvestigArte 2014/2015
InvestigArte é un concurso de arte visual científico e tecnolóxico dirixido a tres perfís específicos:
- Investigación: Científicos profesionais.
- Educación: Alumnos de ESO, Bacharelato e Formación profesional.
O obxectivo de InvestigArte é achegar a investigación científica e a súa importancia á sociedade utilizando como vehículo os medios visuais (fotografía, ilustración, vídeo, etc), medios accesibles e visualmente atractivos que permiten, acompañados de pequenos textos, a divulgación de forma sinxela de descubrimentos científicos actuais doutro modo inaccesibles para a maioría da poboación.
Data límite para participar: 20 de xaneiro de 2015
Máis información: www.investigarte.es
3.- Premio José Luis Rubio de Francia 2014
A Real Sociedad Matemática Española, co patrocinio da Universidad Autónoma de Madrid e a Universidad de Zaragoza, convoca o premio “José Luis Rubio de Francia” para xovenes investigadores e investigadoras en Matemáticas na súa edición do ano 2014.
Presentación de candidaturas: ata o 31 de decembro de 2014.
Máis información: http://www.rsme.es/content/view/66/73/
4.- Axudas predoutorais da Xunta de Galicia 2014
No Diario Oficial de Galicia do día 10 de decembro de 2014 publicouse a orde do 28 de novembro pola que se establecen as bases para a concesión, en réxime de concorrencia competitiva, das axudas de apoio á etapa predoutoral do Plan Galego de Investigación, Innovación e crecemento 2011-2015 (Plan I2C).
O obxecto do programa de apoio á etapa predoutoral é outorgar axudas ás universidades do SUG que contraten persoas tituladas superiores para a súa formación como doutores e doutoras nos seus centros, nas seguintes modalidades:
– Modalidade A (70 axudas): Axudas de carácter xeral de apoio á etapa predoutoral.
– Modalidade B (12 axudas): Axudas de carácter específico de apoio á etapa predoutoral no ámbito do Campus de Excelencia Internacional «Campus do Mar».
– Modalidade C (12 axudas): Axudas de carácter específico de apoio á etapa predoutoral no ámbito do Campus de Excelencia Internacional «Campus Vida».
Presentación de solicitudes: antes das 14 horas do día 5 de xaneiro de 2015.
Máis información: http://www.xunta.es/dog/Publicados/2014/20141210/AnuncioG0164-011214-0003_gl.pdf
5.- Bolsas para prácticas en empresas 2014-15
A Universidade de Santiago de Compostela, ao abeiro do convenio de colaboración entre a Conferencia de Reitores das Universidades Españolas (CRUE), a Confederación Española da Pequena e Mediana Empresa (CEPYME) e o Banco Santander, convoca 141 bolsas para a realización de prácticas externas en pequenas e medianas empresas. Este programa está dirixido a a estudantes de grao e posgrao das universidades españolas para realizar prácticas formativas durante un período de tres meses.
O obxectivo das bolsas é complementar a formación dos estudantes, achegándolles a realidade do ámbito profesional, ampliando os seus coñecementos e favorecendo o seu contacto con empresas que poderán facilitarlles a súa posterior inserción laboral.
Prazo de inscrición: 15 de novembro 2014 - 31 de xaneiro 2015.
Máis información: http://www.becas-santander.com/
6.- Bolsas de posgrao de “la Caixa” 2015
A Obra Social "la Caixa" convoca 145 bolsas internacionais e nacionais para cursar estudos de posgrao en España, Europa, América do Norte e a zona Asia – Pacífico.
Peche das convocatorias:
- España: 23 de febreiro de 2015.
- Europa: 9 de febreiro de 2015.
- América do Norte: 27 de abril de 2015.
- Zona Asia-Pacífico: 23 de marzo de 2015.
Máis información: http://obrasocial.lacaixa.es/ambitos/becas/becasdeposgrado_es.html
7.- Contrato na Unidade de Bioestatística da Facultade de Medicina
Convocatoria pública de contratación de persoal na Universidade de Santiago de Compostela mediante contrato de obra ou servizo:
- Título: Consolidación e estruturación REDES GI-2127. INBIOEST: Novas ferramentas estatísticas e computacionais aplicadas á investigación en Sáude, Deporte e Medio Ambiente.
- Centro de traballo : Unidade de Bioestatística da Facultade de Medicina.
- Investigador principal: Carmen Cadarso Suárez.
- Traballo a realizar: Apoio na elaboración de memorias cientifico-técnicas, xestión das ferramentas web e organización de actividades científicas e de divulgación no marco da rede INBIOEST.
- Requisitos: Licenciado/a ou Grao en Matemáticas. Nos méritos puntúase a formación en Estatística.
Presentación de solicitudes: ata o 20 de decembro de 2014.
Máis información: http://imaisd.usc.es/ftp/oit/documentos/1529_gl.pdf
8.- Contrato na Facultade de Matemáticas
Convocatoria pública de contratación de persoal na Universidade de Santiago de Compostela mediante contrato de obra ou servizo:
- Título: Consolidación e estruturación (GRC) GI-1914. Modelos de optimización, decisión, estatística e aplicacións (MODESTYA).
- Centro de traballo : Facultade de Matemáticas.
- Investigador principal: Wenceslao González Manteiga.
- Traballo a realizar: Modelización de recursos na xestión de extinción de incendios forestais e modelización na predición de indicadores medioambientais.
- Requisitos: Licenciado/a ou Grao ou Diplomatura en Matemáticas ou Estatística.
Presentación de solicitudes: ata o 20 de decembro de 2014.
Máis información: http://imaisd.usc.es/ftp/oit/documentos/1529_gl.pdf
1.- Número 38 de INFORMEST
Está dispoñible na páxina web da SGAPEIO, apartado de PUBLICACIÓNS, o número 38 de INFORMEST. Este número ten o seguinte sumario:
• Colaboración: Aplicacións e técnicas da Estatística e a Investigación Social
• Software: O programa R.
• Actividades da SGAPEIO:
-Xornada de formación para elaborar proxectos de Estatística.
-I Encontro sobre a Estatística no Medio Ambiente e na Ecoloxía en Portugal.
• Novas do IGE: Últimas novidades en publicacións e documentos do IGE.
• Traballos de Estatística no SUG: Teses e traballos fin de máster.
• Coñecendo a un socio de SGAPEIO: Mª José Ginzo Villamayor.
• Sabías qué?: A Estatística no fútbol.
Máis información: http://goo.gl/NLlnvG
2.- 6th International Workshop on Compositional Data Analysis
CoDaWork2015 (International Workshop on Compositional Data Analysis) terá lugar en Girona do 1 ao 5 de xuño de 2015.
CoDaWork2015 ofrece un foro de discusión para persoas interesadas no tratamento estatístico e a modelización de datos composicionais, e na interpretación de modelos ou aplicacións con este tipo de datos.
Datas importantes:
Inscrición: empezou en setembro de 2014
Envío de resumos: antes do 15 de decembro de 2014
Máis información en:
http://www.compositionaldata.com/codawork2015/
3.- Curso de Recursos didácticos do portal educativo do IGE
Lembramos que a Consellería de Cultura, Educación e Ordenación Universitaria, en colaboración co Instituto Galego de Estatística (IGE) convoca o curso en rede titulado "Recursos didácticos do portal educativo do Instituto Galego de Estatística".
Este curso está dirixido a profesores de ESO/Bacharelato de Matemáticas, Xeografía e Historia e Economía, e impartirase no segundo trimestre do curso 2014/15.
Data límite de inscrición: 12 de decembro de 2014.
Máis información: http://goo.gl/QiSrB3
4.- Terceira Olimpíada de Estatística
O INE, a Facultad de Estudios Estadísticos (FEE) da Universidad Complutense de Madrid e a SEIO convocan a Terceira Olimpíada Estatística para estudantes de Ensinanza Secundaria Obrigatoria, Bacharelato e Ciclos Formativos de grao medio.
Prazo de inscrición: do 8 ao 29 de xaneiro de 2015, ambos inclusive.
Máis información: http://www.ine.es/explica/olimpiada2015_inicio.htm
5.- Seminario na Facultade de Matemáticas
O día 11 de decembro de 2014 o Departamento de Estatística e Investigación Operativa de Santiago celebrará no salón de graos da Facultade de Matemáticas o seminario IAP-StUDyS co seguinte programa:
17:00 – 18:00: Quantiles, expectiles and extremiles: a new perspective on asymmetric least squares
Irène Gijbels. Department of Mathematics and Leuven Statistics Research Centre - KU Leuven (Belgium).
18:00 – 18:30: Descanso
18:30 – 19:30: High-dimensional tests for spherical location
Christophe Ley. Department of Mathematics - Université Libre de Bruxelles (Belgium).
6.- Oferta de emprego para o ITMATI
O Instituto Tecnolóxico de Matemática Industrial (ITMATI) busca 1 investigador/a para o proxecto “UNIDAD MIXTA DE INVESTIGACIÓN (UMI) REPSOL-ITMATI”. O persoal que se incorpore nesta convocatoria realizará tarefas de investigación nalgún dos ámbitos de investigación que se desenvolven na UMI: modelización, optimización, simulación numérica (modelos EDP´s), programación e computación.
Perfís dos candidatos: Doutores/as relacionados coas Matemáticas, a Física, a Enxeñería e a Informática.
As persoas interesadas neste contrato deberán enviar antes do 5 de Decembro de 2014 ás 14:00 horas as solicitudes, que deberán incluir unha carta de presentación que resuma a traxectoria do solicitante coas experiencias adicionais a valorar na convocatoria, curriculum vitae (con teléfono móvil e correo electrónico) e o expediente académico de Grao/Licenciatura/Enxeñería, Máster ou Doutorado. Se os candidatos o estiman oportuno tamén poderán achegar á súa solicitude cartas de recomendación. Toda a documentación remitirase á seguinte dirección de correo electrónico:
Máis información: http://goo.gl/5IL2Xm
7.- Oferta de emprego en Biostatech S.L.
Biostatech S.L., spin off de biostatística da Universidade de Santiago de Compostela, vai ofertar novos contratos laborais entre finais deste ano e principios de 2015.
Piden estatísticos que desenvolverán labores de asesoramento, principalmente enmacardas en traballos da área de biomedicina, con posibilidades de extensión a outros sectores como a publicidade, seguros, financeiro, etc.
Os interesados enviar o CV resumido a
8.- Convocatoria de axudas predoutorais da Xunta de Galicia 2014
En breve publicarase a convocatoria de axudas á etapa predoutoral do Plan I2C para o ano 2014. A data de remate para a presentación de solicitudes na Xunta de Galicia será o 16 de xaneiro de 2015.
Máis información: http://imaisd.usc.es/ftp/oit/documentos/1527_gl.pdf
1.- Curso de introdución á xenética cuantitativa
Obxectivo: Ofrecer unha introdución conceptual e práctica dos obxectivos e protocolos da xenética cuantitativa que permita poñer en valor coñecementos en matemáticas, estatística e programación para aplicalos neste campo da bioloxía.
Dirixido a: Alumnado de Grao, Máster e Doutoramento con formación matemática, e en xeral, todos aqueles profesionais das matemáticas que teñan interese en potenciais aplicacións no campo da bioloxía evolutiva e/ou a mellora xenética.
Lugar: Aula 4 da Facultade de Matemáticas.
Datas: 1-5 e 9-12 de decembro de 2014.
Inscrición:
Para inscribirse no curso mandar un correo ó seguinte enderezo de correo electrónico:
Prazo de inscrición: do 10 ó 21 de novembro.
Máis información: http://xtsunxet.usc.es/cxm/#organizacion
2.- Curso da UNED “Matemáticas para todos” A UNED convoca o curso presencial "Matemáticas para todos. Como mellorar o teu rendemento en Matemáticas", dirixido ao público en xeral, e orientado a fomentar o interese e mellorar o rendemento en Matemáticas, explicando a súa importancia na sociedade contemporánea dende unha perspectiva científica, cultural e histórica.
Lugar: Aula Magna do centro UNED A Coruña.
Datas: 27 de novembro ao 18 de decembro.
Máis información: http://extension.uned.es/actividad/7659&codigo=CDN
3.- X Foro de Interacción Matemática Industria
O día 21 de novembro de 2014 terá lugar na Facultade de Matemáticas da USC o X Foro de Interacción Matemática Industria, unha proposta dos grupos de Matemática Aplicada, Estatística e Investigación Operativa das 3 universidades galegas que consolidan o seu labor de transferencia de tecnoloxía á industria e ao sector produtivo a través do Instituto Tecnolóxico de Matemática Industrial (ITMATI). Neste X Foro, as empresas invitadas plantearán problemas que xurden no seu ámbito e que son susceptibles de ser tratados mediante métodos matemáticos e numéricos, estatística e investigación operativa: modelado, simulación de procesos e dispositivos, enxeñería asistida por ordenador (CAE), etc. Entre outros, pódense presentar problemas relacionados con mecánica de fluidos, cálculo de estructuras, transferencia de calor, acústica, electromagnetismo, finanzas cuantitativas, apoio á toma de decisións, asesoramento estatístico e análise de datos, control de calidade, análise de riscos, optimización de procesos, control de stocks, etc.
Máis información: http://www.itmati.com/x-foro-de-interacci%C3%B3n-matem%C3%A1tica-industria.
4.- Premio José Luis Rubio de Francia 2014
A Real Sociedad Matemática Española (RSME), co patrocinio da Universidad Autónoma de Madrid e a Universidad de Zaragoza, convoca o Premio “José Luis Rubio de Francia” (edición 2014) para xóvenes investigadores/as en Matemáticas. O prazo de presentación das candidaturas estará aberto ata o 31 de decembro de 2014, e poden presentarse no enderezo:
Máis información: http://www.rsme.es/content/view/1593/73/