1.- I Encontro Luso-Galaico de Estatística no Medio Ambiente e na Ecoloxía
Xa está dispoñible na web o programa do I Encontro Luso-Galaico de Estatística no Medio Ambiente e na Ecoloxía (EES2014), que terá lugar en Vila Real, na Universidade de Trás-os-Montes e Alto Douro, do 6 ao 8 de novembro de 2014.
Este encontro temático está organizado pola Sociedade Portuguesa de Estatística (SPE) e pola Sociedade Galega para a Promoción da Estatística e da Investigación de Operacións (SGAPEIO) co apoio do Centro de Investigação e de Tecnologias Agroambientais e Biológicas (CITAB), Centro de Matemática da UTAD (CM-UTAD), Centro de Estatística e Aplicações da Universidade de Lisboa (CEAUL) e Centro de Matemática da Universidade do Minho (CMAT). Máis información: http://eio.usc.es/pub/ees2014/index.php/gl
2.- Curso de introdución a R: Software libre para PEMES
Lembramos que a SGAPEIO, en colaboración coa Facultade de Matemáticas, organiza o curso Introdución a R: software estatístico libre para PEMES dirixido a pequenas e medianas empresas que queren iniciarse no tratamento de datos estatísticos con R (empresas que fan actividades demoscópicas, estudos de mercado, análise de datos en departamentos de I+D,...).
O curso conta cunha parte presencial (12 horas) e unha parte non presencial (9 horas) na que o alumno deberá resolver prácticas con bases de datos e envialas por correo electrónico.
Parte presencial:
- Lugar: Facultade de Matemáticas (Santiago de Compostela).
- Datas: 10, 17, 24 de novembro e 1 de decembro de 2014.
- Horario: 17:00 - 20:00 h.
Prezo:
- Socios/as de SGAPEIO: 50 €.
- NON socios/as: 80 €.
O programa detallado e o formulario de inscrición están na páxina web da SGAPEIO (www.sgapeio.es). O prazo de inscrición remata o 31 de outubro de 2014.
3.- Xornada de formación para elaborar proxectos de estatística
Lembramos que a SGAPEIO e a Asociación Galega de Profesorado de Educación Matemática (AGAPEMA), en colaboración con educaBarrié, organizan unha Xornada de formación para elaborar proxectos de estatística. Aplicación á Incubadora. Esta xornada, que da continuidade á xornada sobre o ensino da Estatística celebrada en novembro de 2013, está dirixida a profesores de ESO e Bacharelato e vaise impartir en dúas edicións, unha na Coruña e outra en Vigo.
Esta actividade, que conta coa homologación da Consellería de Cultura, Educación e Ordenación Universitaria, inclúe exposición de experiencias, obradoiros, unha conferencia e unha ponencia práctica sobre a elaboración de traballos para presentar á Incubadora.
- Lugar: A Coruña e Vigo nas sedes da Fundación Barrié.
- Datas:
- A Coruña: 15 de novembro de 2014.
- Vigo: 29 de novembro de 2014.
- Horario: 9:30 - 14:00 e 15:30 - 19:30.
O programa detallado e o formulario de inscrición están na páxina web da SGAPEIO (www.sgapeio.es) . O prazo de inscrición remata o 31 de outubro de 2014.
4.- Publicouse a versión 4.1 de Epidat
O servizo de Epidemioloxía da Dirección Xeral de Innovación e Xestión da Saúde Pública acaba de publicar a versión 4.1 de Epidat, programa de libre distribución orientado á análise estatística e epidemiolóxica de datos. Epidat 4.1 ten as seguintes novidades con respecto á versión anterior:
- Inclúe dous módulos novos: Inferencia sobre parámetros e Regresión loxística.
- É una versión multilingüe, que permite seleccionar entre castelán, galego e portugués.
- Ten melloras no contorno do programa e nalgúns dos módulos existentes.
- Ten corrixidos algúns erros detectados na versión anterior.
Igual que as versións anteriores, Epidat 4.1 pódese descargar desde a páxina web da Dirección Xeral de Innovación e Xestión da Saúde Pública (apartado "Aplicacións e Datos"), na que tamén está toda a información sobre o contido e as novidades detalladas do programa. O arquivo que se descarga non precisa instalación. Só é necesario descomprimilo nunha carpeta do sistema con permisos de escritura, e executar o arquivo epidat.jar que está dentro da carpeta do programa (chamada Epidat 4.1).
Máis información: http://www.sergas.es/MostrarContidos_N3_T01.aspx?IdPaxina=62714
5.- Bolsas de posgrao do INE
O Instituto Nacional de Estadística (INE) convoca 12 bolsas coa finalidade de fomentar e promover a investigación estatística, así como o desenvolvemento e implantación de procesos estatísticos, mediante a formación de posgraduados. O período de desfrute de cada unha das bolsas será dun máximo de doce meses.
Presentación de solicitudes: ata o 13 de novembro de 2014.
Máis información: http://www.boe.es/boe/dias/2014/10/23/pdfs/BOE-A-2014-10781.pdf
6.- Oferta de emprego no CITIUS
O Centro Singular de Investigación en Tecnoloxías da Información da Universidade de Santiago de Compostela (CITIUS) oferta un contrato de traballo a tempo completo asociado á actividade “Adaptation of Direct Kernel Perceptron for the classification of chemical-genetic patterns in the pharmacological domain”.
Requisitos mínimos:
- Estar en posesión dalgún dos seguintes títulos ou equivalentes: graduado en Informática, enxeñeiro técnico en Informática, licenciado en Matemáticas, licenciado en Física.
- Experiencia en programación na linguaxe C++.
- Manexo de sistemas GNU/Linux.
Habilidades valorables:
- Coñecemento de tecnoloxías de análise intelixente de datos.
- Coñecemento de estratexias de paralelismo e supercomputación.
As persoas interesadas poden enviar o seu currículo mediante correo electrónico a
Máis información: http://imaisd.usc.es/guiaconvocatorias.asp?i=gl&s=-2-26-30&id=2635&t=9&st=0
7.- Oferta de emprego en CONENTO
A empresa CONENTO selecciona un analista cuantitativo para o seu equipo de investigación. O candidato seleccionado traballará en diferentes proxectos de investigación realizando as seguintes tarefas:
- Desenvolvemento de cuestionarios e mostraxes.
- Explotacións estatísticas e análise de datos.
- Aplicación de técnicas estatísticas multivariantes.
- Elaboración de informes e conclusións estratéxicas.
Formación:
Diplomados ou Licenciados en Estatística, Matemáticas, Investigación e Técnicas de Mercado ou Económicas.
Requisitos:
- Mínimo 2-3 anos de experiencia en empresas de investigación de mercado.
- Nivel medio/alto de inglés.
- Valorarse calquera coñecemento adicional en Analytics (Marketing Mix Modelling, Geomarketing, CRM).
Más información: http://goo.gl/qMAJO2
8.- Seminario na Facultade de Matemáticas
O departamento de Estatística e Investigación Operativa de Santiago organiza o seguinte seminario:
Learning and stability in population games by E Kalai and E Shmaya. Ehud Kalai (Northwestern University (Evanston, Illinois))
Día: 11 de novembro de 2014.
Hora: 14:30 – 15:30.
Lugar: aula 0 da Facultade de Matemáticas (Santiago de Compostela). Poderá seguirse por vídeo conferencia dende as aulas do máster en Técnicas Estatísticas da UDC e da UVigo
Abstract: Hindsight stability implies predictable non-chaotic behavior in large population games, e.g., interaction on the web, market games, etc. To be applicable to economic environments, we extend the analysis of stability from one-shot Bayesian games with independent players to repeated games with imperfect monitoring and with players whose information is correlated through unknown states of fundamentals.
We study Markov equilibrium in an imagined continuum model in which each of n Bayesian players views himself as a negligible member of an infinitely large population. A complete Bayesian analysis of the behavior of such n players illustrates that hindsight stability is obtained asymptotically as n→∞
1.- Acta da SGAPEIO
Está dispoñible na web da SGAPEIO, no apartado de “A SOCIEDADE – Actas e informes” que ten acceso restrinxido a socios e socias, a seguinte acta:
- Acta da Sesión Extraordinaria do Consello Executivo da SGAPEIO celebrada o 10 de setembro de 2014.
2.- Curso de introdución a R: Software libre para PEMES
Están confirmadas as novas datas do curso Introdución a R: software estatístico libre para PEMES: 10, 17, 24 de novembro e 1 de decembro de 2014.
Esta curso, organizado pola SGAPEIO en colaboración coa Facultade de Matemáticas, está dirixido a pequenas e medianas empresas que queren iniciarse no tratamento de datos estatísticos con R (empresas que fan actividades demoscópicas, estudos de mercado, análise de datos en departamentos de I+D,...).
O curso conta cunha parte presencial (12 horas) e unha parte non presencial (9 horas) na que o alumno deberá resolver prácticas con bases de datos e envialas por correo electrónico.
Parte presencial:
- Lugar: Facultade de Matemáticas (Santiago de Compostela).
- Datas: 10, 17, 24 de novembro e 1 de decembro de 2014.
- Horario: 17:00 - 20:00 h.
Prezo:
- Socios/as de SGAPEIO: 50 €.
- NON socios/as: 80 €.
O programa detallado e o formulario de inscrición están na páxina web da SGAPEIO (www.sgapeio.es). O prazo de inscrición remata o 31 de outubro de 2014.
3.- Xornada de formación para elaborar proxectos de estatística
Lembramos que a SGAPEIO e a Asociación Galega de Profesorado de Educación Matemática (AGAPEMA), en colaboración con educaBarrié, organizan unha Xornada de formación para elaborar proxectos de estatística. Aplicación á Incubadora. Esta xornada, que da continuidade á xornada sobre o ensino da Estatística celebrada en novembro de 2013, está dirixida a profesores de ESO e Bacharelato e vaise impartir en dúas edicións, unha na Coruña e outra en Vigo.
Esta actividade, que conta coa homologación da Consellería de Cultura, Educación e Ordenación Universitaria, inclúe exposición de experiencias, obradoiros, unha conferencia e unha ponencia práctica sobre a elaboración de traballos para presentar á Incubadora.
- Lugar: A Coruña e Vigo nas sedes da Fundación Barrié.
- Datas:
- A Coruña: 15 de novembro de 2014.
- Vigo: 29 de novembro de 2014.
- Horario: 9:30 - 14:00 e 15:30 - 19:30.
O programa detallado e o formulario de inscrición están na páxina web da SGAPEIO (www.sgapeio.es) . O prazo de inscrición remata o 31 de outubro de 2014.
4.- Solución ao “Dilema do tesoureiro” publicado no Informest Nº 36
A sección de Estatística Recreativa do boletín Informest Nº 36, publicado en outubro de 2013 (páx. 19), incluía un desafío estatístico titulado “O dilema do tesoureiro”, coa indicación de que se publicaría a solución ao problema no seguinte número do boletín. Debido ao cambio de estrutura do Informest, que xa non ten unha sección de Estatística recreativa, non apareceu no número 37 a solución, polo que a reproducimos aquí:
Solución ao dilema do tesoureiro:
Trátase dunha versión libre do coñecido “dilema do prisioneiro”, que adoita ilustrarse coa historia de dous ladróns que son detidos sen probas, pero a cada un deles por separado ofréceselles a pena mínima a cambio da súa confesión. De acordo coa análise clásica ambos confesarán, delatando ao seu compañeiro. Aínda que sería claramente mellor para os dous non confesar, non é unha opción racional.
Para analizar os resultados estableceremos números de orde (canto máis baixo mellor) para cada un. Indícanse na táboa seguinte entre parénteses os dous resultados (primeiro para o partido, segundo para o corrupto) para as catro combinacións posibles de estratexias:
R,O: (1,4) R,C: (3,3)
D,O: (2,2) D,C: (4,1)
Dando por válida a ordenación dos resultados posibles, podemos observar como para o partido QQ a estratexia de “repudiar” (R) é sempre mellor que “defender” (D), calquera que sexa a opción do corrupto (resultado 1 fronte a 2; 3 fronte a 4). Dise que a segunda –defender- é unha estratexia dominada pola primeira –repudiar- e polo tanto aquela non será utilizada en ningún caso.
Para o outro protagonista da nosa historia ocorre o mesmo, a súa estratexia “cantar” (C) domina a “ocultar” (O), xa que o seu resultado será sempre mellor (tamén 1 fronte a 2; 3 fronte a 4), e polo tanto, atendendo a criterios estritos de racionalidade, a súa decisión non pode ser outra que cantar.
A decisión, polo tanto, soamente pode ser o repudio do corrupto e a saída á luz da información comprometedora, cuxo resultado (3,3) é peor para ambos que o da combinación defender-ocultar (2,2); pero esta última non é racional: de aí el dilema. Non obstante, a realidade supera sempre á ficción, e quizais o ser humano non é tan racional como pensamos.
5.- Curso “Optimality Conditions and Algorithms in Nonlinear Optimization”
Julio González Díaz (departamento de Estatística e Investigación de Operacións - USC) e Alfredo Bermúdez de Castro (departamento de Matemática Aplicada - USC) organizan o seguinte curso:
- Título: Optimality Conditions and Algorithms in Nonlinear Optimization.
- Docente: Gabriel Haeser. University of São Paulo.
- Datas: do 28 ao 30 de outubro de 2014.
- Horario: 11:30-14:00h.
O curso é gratuíto, pero é necesario inscribirse, antes do 24 de outubro de 2014, enviando un correo electrónico a
Máis información: http://eio.usc.es/index.php/es/noticias/7-noticias-del-departamento/175-course-optimality-conditions-and-algorithms-in-nonlinear-optimization
6.- Curso sobre Innovación na formación continua e ferramentas 2.0
A Escuela Andaluza de Salud Pública organiza un curso sobre innovación na formación continua e ferramentas 2.0.
Destinatarios:
- Profesionais interesados na integración da web social e ferramentas 2.0 nos seus ámbitos de traballo.
- Responsables e membros das unidades de formación continuada e de unidades docentes, titores de residentes e profesionais sanitarios que exerzan labores docentes.
- Profesionais do ámbito da formación continua, especialmente asesores de centros de profesorado, responsables de áreas de formación e recursos humanos de empresas, etc.
Datas: 3 de novembro a 14 de decembro de 2014
Máis información: http://www.easp.es/easpmooc13/blog/2014/09/22/innovacion-en-la-formacion-continua-y-herramientas-2-0/
7.- XXVII Congreso ENCIGA
O XXVII Congreso de ENCIGA terá lugar en Moaña os días 20, 21 e 22 de novembro de 2014.
Lugar: IES As Barxas de Moaña.
Datas importantes:
- Data límite para a inscrición: 14 de novembro de 2014.
- Data límite para o envío de resumos: 18 de outubro de 2014.
- Data límite para o envío de ponencias completas: 25 de outubro de 2014
Máis información: http://www.enciga.org/?q=node/327
8.- Oferta de emprego ITMATI
Oferta de emprego:
- Proxecto: unidade mixta de investigación (UMI) Repsol-ITMATI.
- Referencia da oferta: ITMATI-OT-05/2014.
- Convocatoria: contratación no marco da resolución do 6 de outubro de 2014 pola que se adxudican as axudas a organismos de investigación de Galicia para a creación, posta en marcha e impulso de unidades mixtas de investigación.
Esta convocatoria conta coa financiación da Axencia Galega de Investigación e do Ministerio de Economía y Competitividad no marco da Estratexia Española de Innovación en Galicia.
- Descrición dos postos: ata un máximo de 8 contratos como investigador/a da unidade mixta de investigación (UMI) Repsol-ITMATI.
As persoas interesadas deberán enviar antes do 29 de outubro de 2014 ás 14:00 horas as solicitudes, que incluirán unha carta de presentación que resuma a traxectoria do solicitante coas experiencias adicionais a valorar na convocatoria, curriculum vitae (con teléfono móbil e correo electrónico) e o expediente académico de Grao/Licenciatura/Enxeñería, Máster e/ou Doutorado. Toda a documentación debe remitirse á seguinte dirección de correo electrónico:
Más información: http://eio.usc.es/pub/mte/descargas/OfertaTrabajoITMATI-OT-05-2014_ESP_141014.pdf
1.- Curso de introdución a R: Software libre para PEMES
A SGAPEIO decidiu aprazar a realización do curso de Introdución a R: software estatístico libre para PEMES, debido a que o número de inscritos non acadou o mínimo necesario. Avisaremos das novas datas.
2.- Xornada de formación para elaborar proxectos de estatística
Lembramos que a SGAPEIO e a Asociación Galega de Profesorado de Educación Matemática (AGAPEMA), en colaboración con educaBarrié, organizan unha Xornada de formación para elaborar proxectos de estatística. Aplicación á Incubadora. Esta xornada, que da continuidade á xornada sobre o ensino da Estatística celebrada en novembro de 2013, está dirixida a profesores de ESO e Bacharelato e vaise impartir en dúas edicións, unha na Coruña e outra en Vigo. Esta actividade, que conta coa homologación da Consellería de Cultura, Educación e Ordenación Universitaria, inclúe exposición de experiencias, obradoiros, unha conferencia e unha ponencia práctica sobre a elaboración de traballos para presentar á Incubadora.
- Lugar: A Coruña e Vigo nas sedes da Fundación Barrié.
- Datas:
- A Coruña: 15 de novembro de 2014.
- Vigo: 29 de novembro de 2014.
- Horario: 9:30 - 14:00 e 15:30 - 19:30.
O programa detallado e o formulario de inscrición están na páxina web da SGAPEIO (www.sgapeio.es) . O prazo de inscrición remata o 31 de outubro de 2014.
3.- I Encontro Luso-Galaico de Estatística no Medio Ambiente e na Ecoloxía
Ampliouse ata o 10 de outubro o prazo de inscrición a prezo reducido no I Encontro Luso-Galaico de Estatística no Medio Ambiente e na Ecoloxía, EES 2014, que terá lugar en Vila Real, na Universidade de Trás-os-Montes e Alto Douro, do 6 ao 8 de novembro de 2014.
Este encontro temático está organizado pola Sociedade Portuguesa de Estatística (SPE) e pola Sociedade Galega para a Promoción da Estatística e da Investigación de Operacións (SGAPEIO) co apoio do Centro de Investigação e de Tecnologias Agroambientais e Biológicas (CITAB), Centro de Matemática da UTAD (CM-UTAD), Centro de Estatística e Aplicações da Universidade de Lisboa (CEAUL) e Centro de Matemática da Universidade do Minho (CMAT). Máis información: http://eio.usc.es/pub/ees2014/index.php/gl
4.- Curso de Estatística con R para profesorado de Ensino Medio
A Universidade de Vigo organiza o curso “Estatística con R para Profesorado de Ensino Medio” homologado pola Consellería de Educación da Xunta de Galicia como actividade de formación do profesorado. O curso é totalmente non presencial para que poda ser realizado en horario libre e desde calquera lugar, de xeito compatible con outra actividade. A Universidade de Vigo valida 2,5 créditos de libre elección para os seus estudantes.
- Importe da matrícula: 125 € (90 € parados, estudantes e socios de SGAPEIO).
- Período de matrícula: do 1 ao 25 de outubro de 2014.
- Período de docencia: do 1 ao 30 de novembro de 2014.
Non se precisa ter un nivel elevado de Estatística ou coñecer previamente o programa R, aínda que sen dúbida eses coñecementos poden aumentar o rendemento do alumno. O curso é eminentemente práctico e aplicado, e vaise facer de xeito virtual mediante secuenciación das unidades didácticas a traveso de Faitic, a plataforma de teledocencia da Universidade de Vigo.
Máis información: https://bubela.uvigo.es/curso/2349
5.- II Xornadas Virtuais en Didáctica da Estatística, Probabilidade e Combinatoria
O Grupo de Investigación en Didáctica da Estatística, Probabilidade e Combinatoria da Sociedad Española de Investigación en Educación Matemática (SEIEM) e o Grupo de Educación Estatística da Universidad de Granada organizan as “Segundas Xornadas Virtuais en Didáctica da Estatística, Probabilidade e Combinatoria”, que se celebrarán de maneira virtual do 10 ao 12 de abril de 2015.
Máis información: http://www.jvdiesproyco.es
6.- Convocatoria de contrato na UDC
Convocatoria de contratación de persoal na Universidade da Coruña:
- Título: Desenvolvemento de solucións intelixentes para unha loxística verde (SIGSOL)
-Programa Conecta Peme.
- Referencia: IN852A 2014/17.
- Investigador principal: Ignacio García Jurado.
- Tarefas a realizar: Colaborar nas tarefas de modelización e resolución matemática dos problemas de optimización asociados ao deseño dunha operativa de transporte de elementos eólicos. Colaborar na implementación dos algoritmos obtidos e na comprobación experimental dos modelos, métodos e programas.
- Xustificación da duración do contrato: O candidato seleccionado dedicará dous meses a participar nas tarefas de modelización e resolución matemática, tres meses a participar na implementación dos algoritmos deseñados e tres meses á comprobación experimental dos modelos, métodos e programas.
Requisitos dos candidatos:
- Licenciado, graduado ou enxeñeiro.
- Valorarase ter un mestrado en estatística, investigación de operación ou áreas análogas.
- Coñecementos de linguaxes de programación.
- Coñecementos de técnicas de programación matemática.
- Non ter vinculación laboral coa Universidade dá Coruña nin a ter tido nos dous últimos anos.
Criterios e valoración de méritos:
- Expediente académico da titulación superior (máximo 2 puntos). Neste apartado precísase obter polo menos 0.5 puntos sobre 2.
- Expediente académico do mestrado (máximo 1 punto). Neste apartado precísase obter polo menos 0.25 puntos sobre 1.
- Publicacións e outros méritos de investigación e práctica profesional relacionados coas tarefas a realizar (máximo 3 puntos).
- Entrevista persoal, no caso de considerarse necesaria (máximo 4 puntos).
Prazo de presentación de solicitudes: 10 días dende a publicación da convocatoria no páxina web da UDC (30/09/2014).
Máis información: http://eio.usc.es/pub/mte/descargas/2014-CP-113.pdf
7.- Bolsas do Centro de Investigaciones Sociológicas
O Centro de Investigaciones Sociológicas convoca sete bolsas destinadas a titulados superiores universitarios para a formación en métodos e técnicas empregados na investigación social aplicada (BOE nº 233 do 25 de setembro de 2014). Presentación de solicitudes: ata o 10 de outubro de 2014.
Máis información: http://www.boe.es/boe/dias/2014/09/25/pdfs/BOE-A-2014-9736.pdf
1.- Curso de introdución a R: Software libre para PEMES
Como xa anunciamos no mes de xullo, a SGAPEIO, en colaboración coa Facultade de Matemáticas, organiza o curso Introdución a R: software estatístico libre para PEMES dirixido a pequenas e medianas empresas que queren iniciarse no tratamento de datos estatísticos con R (empresas que fan actividades demoscópicas, estudos de mercado, análise de datos en departamentos de I+D,...).
O curso conta cunha parte presencial (12 horas) e unha parte non presencial (9 horas) na que o alumno deberá resolver prácticas con bases de datos e envialas por correo electrónico.
Parte presencial:
- Lugar: Facultade de Matemáticas (Santiago de Compostela).
- Datas: 6, 13, 20, e 27 de outubro de 2014.
- Horario: 17:00 - 20:00 h.
Prezo:
- Socios/as de SGAPEIO: 50 €.
- NON socios/as: 80 €.
O programa detallado e o formulario de inscrición están na páxina web da SGAPEIO (www.sgapeio.es). O prazo de inscrición remata o 30 de setembro de 2014.
2.- Xornada de formación para elaborar proxectos de estatística: aplicación á Incubadora
Lembramos que a SGAPEIO e a Asociación Galega de Profesorado de Educación Matemática (AGAPEMA), en colaboración con educaBarrié, organizan unha Xornada de formación para elaborar proxectos de estatística: aplicación á Incubadora. Esta xornada, que da continuidade á xornada sobre o ensino da Estatística celebrada en novembro de 2013, está dirixida a profesores de ESO e Bacharelato e vaise impartir en dúas edicións, unha na Coruña e outra en Vigo. Esta actividade, que conta coa homologación da Consellería de Cultura, Educación e Ordenación Universitaria, inclúe exposición de experiencias, obradoiros, unha conferencia e una ponencia práctica sobre a elaboración de traballos para presentar á Incubadora.
- Lugar: A Coruña e Vigo nas sedes da Fundación Barrié.
- Datas:
- A Coruña: 15 de novembro de 2014.
- Vigo: 29 de novembro de 2014.
- Horario: 9:30 - 14:00 e 15:30 - 19:30.
O programa detallado e o formulario de inscrición están na páxina web da SGAPEIO (www.sgapeio.es) . O prazo de inscrición remata o 31 de outubro de 2014.
3.- Curso de Estatística con R para profesionais da saúde (2ª edición)
A Universidade de Vigo, en colaboración coa Fundación Biomédica de Vigo, organiza a segunda edición do curso de formación “Estatística con R para Profesionais da Saúde”. O curso é totalmente non presencial para que os médicos e outros titulados do ámbito bio-sanitario (ou estudantes universitarios de últimos cursos, 2 créditos de libre elección) poidan seguilo en horario libre e dende calquera lugar de modo compatible coa súa actividade. - Importe da matrícula: 125 € (90 € parados).
- Período de matrícula: do 15 de setembro ao 10 de outubro de 2014.
- Período de docencia: do 15 de outubro ao 15 de novembro de 2014.
O curso inclúe algunhas das técnicas estatísticas avanzadas máis utilizadas na investigación médica, con datos e exemplos paso a paso, asequibles para usuarios non expertos. Non é necesario ter un nivel elevado de Estatística ou coñecer previamente o programa R, aínda que sen dúbida eses coñecementos poden aumentar o rendemento do alumno. É eminentemente práctico e aplicado, e realizarase de forma virtual mediante secuenciación das unidades didácticas a través de Faitic, a plataforma de tele docencia da Universidade de Vigo.
Este curso está recoñecido con 5,3 créditos como actividade de formación continua -para todas as profesións sanitarias- pola Consellería de Sanidade da Xunta de Galicia.
Máis información: https://bubela.uvigo.es/curso/2314
4.- Oferta de traballo en ABANCA
ABANCA está buscando un experto en CRM analítico co seguinte perfil:
- Licenciado en Matemáticas, Estatística, Físicas, Informática ou Enxeñería.
- Experiencia ou coñecemento en creación de modelos predictivos e explicativos con técnicas estatísticas e/ou de intelixencia artificial (regresión loxística, árbores de decisión, redes neuronais, redes bayesianas, análise cluster, análise factorial, análise conxunto,…).
- Experiencia ou coñecemento en utilización de suites de modelización como Clementine, pass modeler, SAS, R e similares.
- Coñecemento de SQL.
- Visión de negocio e orientación a resultados pragmáticos.
- Valoraranse moi positivamente os coñecementos de ferramentas de xeomarketing, xestión de campañas e/ou business intelligence (Geostats,TCRM, ARM, OBIEE, Business objects, Microstrategy ).
Funcións do posto:
- Deseño, entrenamento, validación e implementación de modelos predictivos e explicativos: (campañas e accións comerciais, produtos e servizos, ect).
- Deseño de segmentacións estratéxicas e tácticas.
- Deseño de mostras para experimentos/test de produtos, campañas e accións comerciais.
- Estudo e categorización de redes de relacións entre clientes e oportunidades de negocio asociadas.
A data límite para recibir candidatos é o 17 de setembro de 2014.
Os posibles interesados deben poñerse en contacto con Julián Gutiérrez no enderezo de correo electrónico:
5.- Chamada a candidatos para a Oficina Europea de Patentes
A EPO (European Patent Office - Oficina Europea de Patentes) está recrutando enxeñeiros e científicos para traballar como examinadores de patentes (http://www.epo.org/jobs).
O día 30 de setembro de 2014, ás 9:00 horas, terá lugar unha presentación no salón de actos da Escola de Enxeñería Industrial (Sede Campus) da Universidade de Vigo, na que se dará a coñecer a labor da organización, en qué consiste o traballo de examinador de patentes na EPO e as oportunidades de traballo que ofrece nun entorno estimulante e internacional, á vangarda da tecnoloxía e con amplas oportunidades de desenvolvemento profesional.
Despois da presentación, realizaranse algunhas entrevistas informais aos posibles candidatos interesados. O evento está aberto a estudantes, graduados e doutorandos en Enxeñerías, Matemáticas, Física, Bioloxía e Química.
As persoas interesadas en participar nas entrevistas deberán presentar o seu CV usando o modelo europeo Europass (https://europass.cedefop.europa.eu/es/documents/curriculum-vitae). É necesario confirmar a participación en:
Programa do evento:
- 09:00-09:10: Introducción.
- 9:10-09:35: A Oficina Europea de Patentes (EPO).
J. Santacroce, Director da Oficina Europea de Patentes.
- 09:35-10:15: O traballo de examinador de patentes na EPO.
C. Quesson, Examinador de Patentes na Oficina de Patentes.
N. González, Examinadora de Patentes naOficina de Patentes.
- 10:45-13:30: Primeira fase de entrevistas individuais.
- 14:30-17:30: Segunda fase de entrevistas individuais.
Máis información: http://www.epo.org/about-us/jobs.html
Persoa de contacto: Noelia González Carballo,
6.- 7ª Reunión Española de Usuarios de Stata
O día 23 de outubro de 2014 terá lugar, na Facultade de Medicina da Universidad de Barcelona a 7ª Reunión Española de Usuarios de Stata.
Esta reunión proporcionará aos usuarios de Stata a oportunidade de intercambiar ideas, experiencias e información sobre as novas aplicacións de Stata. Calquera persoa interesada no uso deste programa será benvida.
A esta reunión asistirán dous oradores invitados de StataCorp: Enrique Pinzón, do eido da Econometría e Isabel Cañette, do eido da Estatística. O orador invitado será Xavier Bosch-Capblanch do Centro Suízo para a Saúde Internacional.
O prezo para asistir á reunión é de 60€ (30€ para estudantes).
Máis información: http://www.timberlakeconsulting.com/?id=622
7.- Cursos da Universitat Autònoma de Barcelona
O Servei d'Estadística Aplicada da Universitat Autònoma de Barcelona organiza os seguintes cursos para os próximos meses:
- Curso de introdución á Estatística con Deducer: 30 de setembro, 2, 7 e 9 de outubro.
- Curso de Modelización Estatística Básica con Deducer: do 20 ao 22 de outubro de 2014.
- Curso de introdución ao Sistema SAS® (Enterprise Guide - SAS System): do 3 ao 6 de novembro de 2014.
- Curso de Técnicas Estatísticas con SAS®: do 17 ao 20 de novembro de 2014.
- Curso de programación con SAS®. Sintaxe avanzada: do 1 ao 4 de decembro de 2014.
Máis información: http://sct.uab.cat/estadistica/es/content/cursos-regulares