1.- Actas da SGAPEIO
Están dispoñibles na web da SGAPEIO, no apartado de “A SOCIEDADE – Actas e informes” que ten acceso restrinxido a socios e socias, as seguintes actas:
- Acta da Asemblea Xeral da SGAPEIO celebrada o 25 de outubro de 2013 no marco do XI Congreso Galego de Estatística e Investigación de Operacións.
- Acta da reunión do Consello Executivo da SGAPEIO celebrada o 25 de marzo de 2014.

2.- Obradoiro de R
O Grupo de amigos de Linux de Pontevedra (GALPon), en colaboración coa Asociación Xuvenil Altamar, e coa Axencia para a Modernización Tecnolóxica de Galicia (AMTEGA) organiza o obradoiro “R: Entornos gráficos e creación de paquetes”, dentro do 2º Ciclo dos Sábados Libres na Altamar. Este obradoiro terá lugar en Vigoo día 26 de abril de 2014. Programa
- Introdución.
- Entornos de usuario para R.
- Desenvolvemento de entornos gráficos para os nosos programas.
- Distribución e publicación das nosas aplicacións: creación de paquetes.
O obradoiro é gratuíto pero é necesario inscribirse.
Máis información: https://www.galpon.org/content/sabados-libres-na-altamar-r-entornos-graficos-e-creacion-paquetes-0

3.- VIII Summer School MEIO
A Summer School do Master universitario en Estatística e Investigación Operativa (MEIO) da UPC-UB é un programa de formación especializada que aumenta a oferta de formación do Master, dos estudos de segundo ciclo da licenciatura de Ciencias e Técnicas Estatísticas, do grao en Estatística e dos programas de doutoramento en Estatística e Investigación Operativa da UPC, en Estatística da UB e en Economía da UB.
Neste curso 2013-2014 celébrase a oitava edición da Summer School do MEIO cunha oferta de cursos aberta a tódolos membros da UPC, da UB, e das comunidades universitaria, científica e profesional en xeral.
- Período de inscrición: do 5 ao 9 de maio de 2014.
- Período de matrícula: do 12 ao 16 de maio de 2014.
O programa inclúe cursos de R, de Big Data e de simulación.
Máis información: https://meioupcub.masters.upc.edu/viii-summer-school-2014

4.- Escuela de Educación Matemática Miguel de Guzmán 2014
A Real Sociedad Matemática Española (RSME) e a Federación de Sociedades de Profesores de Matemáticas (FESPM) organizan a oitava edición da Escuela de Educación Matemática "Miguel de Guzmán" en colaboración coa Universidad Complutense de Madrid (UCM) e o Instituto Nacional de Evaluación Educativa (INEE). Esta edición leva por título “As matemáticas que necesitamos: creatividade e boas prácticas na educación obrigatoria” e terá lugar os días 9, 10 e 11 de xullo de 2014 na Facultade de Matemáticas da UCM.
Máis información: http://www.rsme.es/content/view/1502/1/

5.- Congreso RSME 2015
O vindeiro congreso bienal da Real Sociedad Matemática Española (RSME) terá lugar do 2 ao 6 de febreiro de 2015 en Granada. Está prevista a celebración de sesións especiais, polo que o Comité Científico do congreso invita a todos os interesados en organizar dunha sesión a presentar a súa proposta antes do 20 de xuño de 2014.
Máis información: http://www.rsme.es/content/view/1495/1/

6.- III Congreso de software libre para educación
O III Congreso de software libre para educación celebrarase en Santiago os días 1 e 2 de xullo de 2014. A actividade está orientada a facilitar a actualización do profesorado de Galicia, difundir os novos vieiros de software libre, impulsar o desenvolvemento da investigación en educación e en software libre, dar a ocasión de coñecer innovacións educativas e difundir distintas liñas para a aprendizaxe e ensinanza das distintas materias da educación.
- Lugar: Centro de Novas Tecnoloxías de Galicia da Consellería de Traballo e Benestar.
- Horario: de 10 a 14 h e de 16 a 20 h.
- Horas de formación: 16 (solicitada homologación á Consellería de Educación).
- Envío de comunicación: ata o 1 de xuño de 2014.
Mais información: http://www.igaciencia.eu/drupal7/?q=node/126

7.- Cursos da Universitat Autònoma de Barcelona 2014
O Servei d’Estadística Aplicada da Universitat Autònoma de Barcelona organiza os seguintes cursos para os próximos meses:
Curso de introdución aos modelos mixtos con R:
- Datas: 13-16 de maio de 2014.
- Horario: 10:00 a 13:00 e 15:00 a 18:00 h.
- Duración: 24 horas.
- Máis información: http://sct.uab.cat/estadistica/content/curs-dintroducci%C3%B3-als-models-mixtes-amb-r-17

Curso de modelización estatística co paquete INLA de R:
- Datas: 4, 5 e 6 de xuño de 2014.
- Horario: 10:00 a 13:00 e 15:00 a 18:00 h (o día 6 só pola mañá).
- Duración: 15 horas.
- Máis información: http://sct.uab.cat/estadistica/content/curs-de-modelitzaci%C3%B3-estad%C3%ADstica-amb-el-paquet-inla-dr

Curso de introducción á regresión loxística e ás curvas ROC:
- Datas: 14, 15 e 16 de xullo de 2014.
- Horario: 10:00 a 14:00.
- Duración: 24 horas.
- Máis información: http://sct.uab.cat/estadistica/content/curs-dintroducci%C3%B3-la-regressi%C3%B3-log%C3%ADstica-i-les-corbes-roc-5

8.- Bolsas para análise de datos
A empresa PRAGSIS, de Madrid, ofrece 5 bolsas para o Departamento técnico de Big Data. Requisitos mínimos: estudantes de último curso, a falta de proxecto fin de carreira, de Enxeñería Técnica/Superior/Grao en Informática, Estatística ou Matemáticas ou recén concluído, con coñecementos en Análise de Datos, Técnicas de Modelado, Big Data... Coñecementos: análise de datos, big data, creación do modelo de datos, inglés, data mining, data modelling, interpretación de datos.
A empresa ofrece unha bolsa a tempo completo durante 6 meses con posibilidade de incorporarse á compañía con contrato indefinido e plan de formación.
Máis información: http://www.infojobs.net/madrid/beca-analisis-datos-data-scientist-big-data/of-iac9cf87c134a97af1bfab47a37f401

1.- IV Incubadora de Sondaxes e Experimentos
O día 1 de abril iniciouse o prazo de inscrición no IV Concurso Incubadora de Sondaxes e Experimentos, organizado por SGAPEIO en colaboración con educaBarrié e dirixido a profesores e estudantes de ESO, PCPI, Bacharelato e Ciclos Formativos de Grao Medio. A inscrición pode realizarse na páxina web do concurso ata o día 15 de abril de 2014.
Máis información: http://goo.gl/YDU62f

2.- Curso de Estatística avanzada con R para profesionais da saúde
A Universidade de Vigo, en colaboración coa Fundación Biomédica de Vigo, organiza o curso de formación “Estatística Avanzada con R para Profesionais da Saúde”. O curso é totalmente non presencial para que os médicos e outros titulados do ámbito bio-sanitario (ou estudantes universitarios de últimos cursos) poidan seguilo en horario libre e dende calquera lugar de modo compatible coa súa actividade.

- Importe da matrícula: 125 € (90 € parados)
- Período de matrícula: do 7 ao 30 de abril de 2014.
- Período de docencia: do 1 ao 31 de maio de 2014.

O curso inclúe algunhas das técnicas estatísticas avanzadas máis utilizadas na investigación médica, con datos e exemplos paso a paso, asequibles para usuarios non expertos. Non é necesario ter un nivel elevado de Estatística ou coñecer previamente o programa R, aínda que sen dúbida eses coñecementos poden aumentar o rendemento do alumno. É eminentemente práctico e aplicado, e realizarase de forma virtual mediante secuenciación das unidades didácticas a través de Faitic, a plataforma de tele docencia da Universidade de Vigo.
Está en trámite o recoñecemento como actividade de formación continua -para todas as profesións sanitarias- da Consellería de Sanidade da Xunta de Galicia. Ese recoñecemento xa foi concedido para o curso básico realizado o ano pasado.
Máis información: https://bubela.uvigo.es/curso/2258

3.- Curso de Deseño e validación de cuestionarios
A Escuela Andaluza de Salud Pública (EASP) organiza o curso “Deseño e validación de cuestionarios” dirixido a profesionais de servicios sociais e sanitarios interesados no deseño e validación de cuestionarios, e a estudantes de terceiro ciclo do ámbito das ciencias sociais e da saúde.

- Lugar: Granada.
- Datas: 9 a 13 de xuño de 2014.
- Duración: 30 horas.
- Matrícula: 580 €.
- Preinscrición: ata o 30 de abril de 2014.

Máis información: http://www.easp.es/cursos/?idCurso=314301NA14

4.- Short course on Flexible Bayesian Methods
Do 4 ao 6 de xuño terá lugar en Lisboa o curso “Short course on Flexible Bayesian Methods for Diagnosis and ROC Curve Estimation”, impartido por Vanda Inácio e Miguel de Carvalho, da Pontificia Universidad Católica de Chile.
O curso inclúe sesións teóricas e prácticas con R e WinBUGS e o prezo da matrícula é de 150 €.
Este curso está baseado en materiais dun libro escrito por Vanda Inácio de Carvalho (Pontificia Universidad Católica de Chile), Wesley Johnson (University of California), Adam Branscum (Oregon State University), and Miguel de Carvalho (Pontificia Universidad Católica de Chile), e que será publicado a finais de 2014 por Chapman & Hall/CRC Biostatistics Series.
Máis información: http://ceaul-course-fbm.weebly.com/

5.- VII Congreso de AGAPEMA
O VII Congreso de Educación matemática de AGAPEMA celebrarase na Facultade de Matemáticas de Santiago os días 26 e 27 de setembro de 2014. Esta actividade pretende ser un foro de presentación dos traballos e iniciativas máis salientables realizados en Galicia no eido da educación matemática.
Dende AGAPEMA, conscientes da importancia do ensino dende os primeiros niveis educativos, invitan dun xeito especial ao profesorado de Infantil e Primaria a participar neste congreso.
Máis información: http://www.agapema.org/?q=node/297

6.- Bolsas de introducción á investigación
A Agencia Estatal Consejo Superior de Investigaciones Científicas (CSIC) convoca 100 bolsas de introdución á investigación para estudantes universitarios, no marco do Programa “Junta para la Ampliación de Estudios” (BOE nº 78 do 31 de marzo de 2014).
AS bolsas están dirixidas a alumnos matriculados en asignaturas dos últimos cursos académicos, e o traballo desenvolverase nos institutos ou centros do CSIC baixo a dirección dos seus investigadores. A duración das bolsas é de 3 meses.
Presentación de solicitudes: ata o 20 de abril de 2014.
Máis información: http://www.boe.es/boe/dias/2014/03/31/pdfs/BOE-A-2014-3460.pdf

7.- Bolsa para estatístico en EQUIFAX
A empresa EQUIFAX, adicada á tecnoloxía da información, ofrece un posto de bolseiro a xornada completa para o departamento TAS-Analytics.
Requisitos:

- Licenciado/Diplomado en Estatística, Matemáticas, etc.
- Inglés Alto.
- Imprescindible coñecementos básicos de SAS (valoraranse coñecementos de R, SPSS, Angoss).
- Imprescindible coñecementos estatísticos (modelos predictivos, distribucións de probabilidade, etc).
- Capacidade analítica, habilidade no manexo e manipulación de datos procedentes de diferentes fontes.
- Capacidade de resolver problemas de forma autónoma.
- Valorarase manexo de Excel, Access e Power Point.

Máis información: http://www.seio.es/Becas-y-Ofertas-de-empleo/Becario-para-departamento-de-TAS-Analytics.html

1.- IV Incubadora de Sondaxes e Experimentos
Lembramos que a SGAPEIO convoca o IV Concurso Incubadora de Sondaxes e Experimentos, organizado para estudantes de ESO, PCPI, Bacharelato e Ciclos Formativos de Grao Medio, e que a inscrición pode realizarse na páxina web do concurso entre o 1 e o 15 de abril de 2014.
Máis información: http://goo.gl/YDU62f

2.- Seminario na Facultade de Matemáticas
O departamento de Estatística e Investigación Operativa de Santiago organiza un seminario sobre Modelización estatística con datos de incendios forestais que terá lugar o día 27 de marzo de 2014 no salón de graos da Facultade de Matemáticas (Santiago de Compostela). Programa do seminario:

• 17:00 – 18:00: Estudo dos incendios forestais en Galicia. Miguel Boubeta Martínez (Universidade da Coruña).
• 18:00 – 19:00: Anthropogenic fingerprints in continental and global vegetation burning. Jose Miguel Pereira (Universidade de Lisboa). 

3.- Seminario de iniciación á investigación
O mércores 2 de abril terá lugar na Facultade de Matemáticas a conferencia titulada "Regresión cuantil: unha posición condicionada", a cargo de Mercedes Conde Amboage, no marco do Seminario de Iniciación á Investigación.
- Lugar: Aula 5 da Facultade de Matemáticas.
- Data e hora: 2 de abril de 2014 ás 17:00 h.
Resumo:
Un modelo de regresión permítenos establecer a relación entre unha variable resposta e unha ou varias variables explicativas. Aínda que a regresión en media ou media condicional é a máis coñecida, unha medida da posición (cuantil) condicionada pode ser tanto ou máis interesante e gozar de mellores propiedades. A estratexia consiste en substituír os mínimos cadrados por outro criterio de penalización, que ademais resultará máis robusto fronte a observacións atípicas. Ao longo desta charla presentaremos o que se coñece como o problema da regresión cuantil así como as principais propiedades do estimador. Ademais, aplicaremos modelos de regresión cuantil a un conxunto de datos reais.

4.- Workshop on Spatial-Temporal Models in Epidemiology and Health
The Centre of Statistics and its Applications of the University of Lisbon (CEAUL) kindly invites to participate in the One-day Workshop on Spatial-temporal Models in Epidemiology and Health, taking place in Lisbon on June 20th, 2014.
The workshop aims to i) bring together researchers who work with epidemiology and health sciences; ii) promote a fruitful discussion on the role of statistical methods, such as time series analysis and spatial statistics.
The invited speakers will present their methodological advancements with a heavy emphasis on applications. A poster session with contributed papers will complement the scientific program. The official language of the Workshop is English. The two/three best posters presented in the Workshop will be invited to submit/publish their (refereed) articles in an issue of RevStat: Statistical Journal.

Invited Speakers:

Andrea Riebler (Norwegian University of Science and Technology, Norway).
Daniela Cocchi (University of Bologna, Italy).
David Conesa (University of Valencia, Spain).
Ines Sousa (University of Minho, Portugal).
Lola Ugarte (Public University of Navarra, Spain).
Sujit K. Sahu (Univeristy of Southampton, UK).

Important dates:

24 March 2014 - Early Bird Registration Opens & Call for Abstract Submission Opens.
07 May 2014 - Abstract Submission Deadline.
20 May 2014 - Notification of Acceptance.
31 May 2014 - Early Bird Registration Closes.
15 June 2014 - General Registration Closes.
Further information: http://spatialtemporalepihealth.weebly.com/

5.- Xornada “Estatística e Big Data”
A Societat Catalana d’Estadística organiza a xornada "Jornada Estadística i Big Data" que se celebrará o día 3 de abril ás 10:00 horas na sala de actos da Facultat de Matemàtiques i Estadística da Universitad Politècnica de Catalunya.
Os ponentes desta xornada son Pepe Al-magro (Bayes Frescat), Pau Agulló (Kernel Analytics) e Marcelo Soria-Rodríguez (BBVA); e actuará como moderador Pedro Delicado (UPC). A inscrición a este evento é gratuita.
Máis información en: www.socestadistica.org/