1.- Palabrario estatístico de educaBarrié
Os dous termos estatísticos que se engadiron esta semana ao Palabrario de educaBarrié son:
- Regresión, definido por María Amalia Jácome Pumar.
- Correlación, definido por Esther Calvo Ocampo.
Páxina web: http://www.educabarrie.org/gl/palabrario
2.- Novo Consello Executivo da SGAPEIO
Na última Asemblea Xeral da SGAPEIO, celebrada o pasado 25 de outubro de 2013 na cidade da Coruña, durante a celebración do XI Congreso Galego de Estatística e Investigación de Operacións, quedou elixido o novo Consello Executivo da Sociedade, composto por:
- Balbina Casas Méndez. Universidade de Santiago de Compostela.
- Mª Esther López Vizcaíno. Instituto Galego de Estatística.
- Soly Santiago Pérez. Dirección Xeral de Innovación e Xestión da Saúde Pública.
- Tomás Cotos Yáñez. Universidade de Vigo.
- Silvia María Lorenzo Freire. Universidade da Coruña.
- Maria Jesús Casado Barrio. IES Fco. Daviña Rey, Monforte de Lemos (Lugo).
- Javier Roca Pardiñas. Universidade de Vigo.
- María José Ginzo Villamayor. Universidade de Santiago de Compostela.
- Rebeca Villaverde López. ANOVA Multiconsulting.
- Paula Raña Míguez. Universidade da Coruña.
Como xa é habitual, proximamente publicarase a acta da Asemblea na web da SGAPEIO.
3.-Premio investigadores novos no XI Congreso SGAPEIO
O xurado do premio á mellor comunicación presentada no XI Congreso Galego de Estatística e Investigación de Operacións por un investigador novo acordou conceder o premio a Eduardo García Portugués pola comunicación "GOODNESS OF FIT TESTS FOR DIRECTIONAL AND LINEAR DATA", da que son coautores Rosa M. Crujeiras e Wenceslao González Manteiga. O premio foi convocado pola SGAPEIO en colaboración con educaBarrié e tivo unha dotación económica de 500 €.
Resumo da comunicación: http://xisgapeio.udc.es/resumenes/245_40_paper.pdf
4.-Xornada sobre o Ensino da Estatística
Lembramos que o vindeiro xoves día 31 de outubro de 2013 remata o prazo para inscribirse na Xornada sobre o Ensino da Estatística que organizan conxuntamente a SGAPEIO e AGAPEMA en colaboración con educaBarrié, e que terá lugar os días 9 e 16 de novembro de 2013 na Coruña e Vigo, respectivamente.
Máis información: http://goo.gl/N0Pbse
5.- Xornada: "A modelización da Terra en Galicia"
Con motivo da declaración do ano 2013 pola Unesco como Ano internacional das Matemáticas para o Planeta Terra, o Consello da Cultura Galega (CCG) organiza a xornada "A modelización da Terra en Galicia. Unha nova ollada sobre o pais", que terá lugar o vindeiro día 7 de novembro de 2013 en Santiago de Compostela.
A xornada estará coordinada por Elena Vázquez Cendón, da Sección de Ciencia, Natureza e Sociedade do CCG, e contará coa presenza dos expertos Amable Liñán, Rafael Crecente, Vicente Pérez Muñuzuri, Jerónimo Puertas, Ramón Gómez Gesteira, María Loureiro, Julio Rodríguez Taboada e Juan M. Viaño Rey.
Máis información: http://consellodacultura.org/evento.php?id=200148
6.-Presentación do libro “Betanzos magic town”
O día 6 de novembro, ás 20:00 horas, presentarase na Librería Couceiro de Santiago o libro “Betanzos magic town. Análise da validez do test Betanzos nas eleccións autonómicas de Galicia”. Intervirán os seus autores, Carmen Cotelo e Salvador Naya, presentados por Xosé Luis Barreiro Rivas.
7.- Actividades do Ano internacional da Estatística
- II Ciclo de Conferencias AIE: Programa do segundo ciclo de conferencias organizadas no Dpto de Estatística e I.O. da UGR con motivo da celebración do Ano Internacional da Estatística. A dirección web da páxina creada en Granada para celebrar este evento é http://www.ugr.es/~cctecnie/AIE/AIE.html
- Mesa redonda: O vindeiro 7 de novembro, ás 18:00 horas terá lugar na Facultad de Estudios Estadísticos da Universidad Complutense de Madrid unha mesa redonda titulada "Unha panorámica do ensino da Estatística en España: dificultades e estratexias de mellora".
Pretende ser un foro de discusión, análise e debate sobre o ensino da Estatística nos niveis preuniversitarios (Ensino Medio e Bacharellato, principalmente) e mostrar a súa relevancia na continuación dos estudios universitarios de Estatística.
Esta actividade enmárcase dentro das iniciativas que se están levando a cabo na Facultad de Estudios Estadísticos con motivo da celebración do Ano Internacional da Estatística.
Inscrición: https://estudiosestadisticos.ucm.es/formulario-inscripcion-mesa-redonda
- Unconference on the Future of Statistics ("Desconferencia sobre o Futuro da Estatística"): está organizada por dous autores do blog "Simply Statistics" (http://simplystatistics.org/) e terá lugar o mércores día 30 de outubro de 2013 dende o mediodía ata a 1 da madrugada, en Google Hangouts e simultaneamente en YouTube.
Máis información: http://simplystatistics.org/unconference
- The Future of the Statistical Sciences Workshop (“Obradoiro sobre o Futuro das Ciencias Estatísticas"): terá lugar os días 11 e 12 de novembro de 2013 e as sesións de presentación deste obradoiro poderán seguirse en liña grazas á editorial Wiley.
Máis información: http://www.statistics2013.org/about-the-future-of-the-statistical-sciences-workshop/
1.- Palabrario estatístico de educaBarrié
Os dous termos estatísticos que se engadiron esta semana ao Palabrario de educaBarrié son:
- Contraste de hipóteses, definido por María del Carmen Iglesias Pérez.
- Nivel de significación, definido por María del Carmen Iglesias Pérez.
Páxina web: http://www.educabarrie.org/gl/palabrario
2.-Número 36 de Informest
Xa está dispoñible na web da SGAPEIO, no apartado de PUBLICACIÓNS, o número 36 do boletín Informest, que ten o seguinte sumario:
Colaboracións:
- A Lotería do Nadal
- Os avatares de MEeN en Galicia
- E ti como empezas o día?
- Estatística recreativa
- Novas da SGAPEIO
- IGE
3.-XI Congreso SGAPEIO
Lembramos que o vindeiro xoves 24 de outubro de 2013 comeza o XI Congreso Galego de Estatística e Investigación de Operacións, que se vai celebrar na sede da Fundación Barrié na cidade da Coruña. Dentro do programa do Congreso terá lugar, o venres 25 ás 19:00 horas, a Asemblea Xeral da SGAPEIO na que sairá elixido o novo Consello Executivo.
Máis información: http://xisgapeio.udc.es/
4.- Conferencias na Facultade de Matemáticas
A vindeira semana impartiranse dúas conferencias na Facultade de Matemáticas.
- Día: 29 de outubro de 2013
- Lugar: Aula Departamento de Análise, Facultade de Matemáticas
- Conferencia 1 (12:00 h): An Introduction to Bayesian Structured Additive Distributional Regression. Nadja Klein, Chair of Statistics, Georg-August-University Göttingen.
- Conferencia 2 (13:00 h): Structured Additive Distributional Regression in Fishery Research. Valeria Mamouridis, Institut de Cièncias del Mar (ICM-CSIC).
5.- Curso de Meta-análise en rede
O curso Metanálise en rede (NETWORK META-ANALYSIS) terá lugar os días 13 e 14 de decembro de 2013 en Lisboa. Está organizado pola Facultade de Medicina de Lisboa en colaboración co Centro Colaborador Portugués da Red Cochrane Iberoamericana e o Grupo de Revisión Cochrane de Enfermedades de Movimiento.
O curso vaise impartir en castelán, e está dirixido a profesionais sanitarios, persoal de investigación en ciencias da saúde, ciencias sociais ou economía, con coñecementos básicos de revisións sistemáticas e metanálise, e con interese na aplicación das comparacións indirectas e a súa extensión ao metanálise en rede.
Máis información: http://www.fm.ul.pt/#4572
1.- Palabrario estatístico de educaBarrié
Os dous termos estatísticos que se engadiron esta semana ao Palabrario de educaBarrié son:
- Estimación puntual, definido por María José Lombardía Cortiña.
- Intervalo de confianza, definido por Antonio Vaamonde Liste.
Páxina web: http://www.educabarrie.org/gl/palabrario
2.- Bolsas de formación para posgraduados
O Ministerio da Presidencia convoca, en réxime de concorrencia competitiva, e de acordo cos principios de obxectividade e publicidade, sete bolsas destinadas a titulados superiores universitarios para a formación en métodos e técnicas utilizados na investigación social aplicada (BOE nº 242 de 9 de outubro de 2013).
Presentación de solicitudes: ata o 24 de outubro de 2013.
Máis información: http://www.boe.es/boe/dias/2013/10/09/pdfs/BOE-A-2013-10525.pdf
3.- 97 European Study Group for Industry (ESGI)
Do 11 ao 14 de novembro de 2013 celebrarase en Santiago de Compostela o 97 European Study Group for Industry, grazas á colaboración entre o Instituto Tecnolóxico de Matemática Industrial (ITMATI) e a Red Española Matemática - Industria (math-in), e á financiación recibida a través dun proxecto co goberno noruego.
Os problemas presentados e as empresas participantes nesta edición son:
- Electric Scale up for a carbothermic Al-process | Teknova AS e Alcoa Norway ANS.
- Process models for the production of Microalumina | Elkem AS Silicon Materials.
- Deseño dunha rede óptima de sensores de medida para monitorización de recurso renovable en áreas xeográficas | Centro Nacional de Energías Renovables (CENER).
Máis información: http://math-in.net/97ESGI/index.html
4.- Xornada de celebración do Ano Internacional da Estatística
O venres 18 de outubro de 2013 terá lugar en Barcelona (Palau del Parlament) unha xornada de celebración do Ano Internacional da Estatística (Jornada de celebració de l'Any Internacional de l'Estadística).
Máis información: http://e2013.wordpress.com/2013/10/12/palau-del-parlament-de-catalunya/
1.- Palabrario estatístico de educaBarrié
Os dous termos estatísticos que se engadiron esta semana ao Palabrario de educaBarrié son:
- Algoritmo simplex, definido por Balbina Virginia Casas Méndez.
- Poboación e mostra, definido por Pedro Faraldo Roca.
Páxina web: http://www.educabarrie.org/gl/palabrario
2.- Xornada sobre o Ensino da Estatística
Xa está dispoñible o programa completo da Xornada sobre o Ensino da Estatística que se celebrará en Vigo e A Coruña, organizada por SGAPEIO , AGAPEMA e a Fundación Barrié. Recordade que o prazo para inscribirse finaliza o 15 de outubro.
Toda a información en: http://bit.ly/18PO4Ul
3.- Xornada sobre léxico matemático
A Comisión de Normalización Lingüística da Facultade de Matemáticas organiza unhas Xornadas sobre léxico matemático os próximos días 5 e 6 de novembro, coincidindo coa semana da ciencia. Estas Xornadas van dirixidas a todas as persoas que usan o galego para transmitir matemáticas. Entre outros obxectivos, pretenden que sirvan para ir tecendo uns medios que permitan a colaboración regular no terreo do léxico.
A Facultade vén esforzándose desde hai un tempo en facer agromar algúns destes medios, e estas Xornadas queren tamén servir de escaparate para difundilos e dinamizalos. Entre estes medios contamos coa rolda de léxico, o concurso de vídeos Explícoche matemáticas 2.0 e a nova iniciativa sobre Galipedia, que pode axudar a visualizar as matemáticas en galego.
Máis información en: http://www.usc.es/gl/centros/matematicas/CNL/actividades.html
4.- Bolsas de formación para titulados universitarios no IGAPE
O obxecto destas axudas é a concesión dun máximo de 135 bolsas para a realización de prácticas formativas incardinadas en programas de mellora nas pemes galegas coa finalidade de formar a titulados universitarios en diversas áreas relacionadas coa profesionalización e o desenvolvemento estratéxico da empresa.
Titulacións requeridas: Física, Enxeñaría, Matemáticas, Química, Ciencias Económicas e Empresariais, Administración e Dirección de Empresas, Ciencias Empresariais, Economía e Dereito.
Dotación económica: 9960 € anuais (830 € mensuais)
Prazo de presentación solicitudes: 4 de novembro de 2013
Máis información en: http://www.xunta.es/dog/Publicados/2013/20131001/AnuncioO92-240913-0001_gl.pdf
5.- Día da ciencia en galego: 4 de novembro de 2013
O 4 de novembro de 2013 celébrase o Día da ciencia en Galego adicado a R. Buckminster Fuller, Florence Nighingale e Isaac Díaz Pardo
Máis información en: http://www.cienciaengalego.org/drupal6/taxonomy/term/64
6.- Novela “Los privilegios del azar”
Recentemente Carlos Felipe Martell, Profesor Titular de Estatística na Universidad de La Laguna (ULL) publicou a novela “Los Privilegiados del Azar” (Chiado Editorial). O índice desta novela coincide co de calquer manual académido de Estatística Aplicada ás Ciencias Sociais.
Pero… ¡non te enganes! “Los Privilegiados del Azar” é máis que un libro de Estatística. Descansa (por unha vez) dos libros académicos e sumérxete nun psicothriller bastante adictivo e de final desconcertante, ambientado na ULL, cunha denuncia social como fondo da trama.
Web da novela: https://sites.google.com/site/losprivilegiadosdelazar/