1.- Palabrario estatístico de educaBarrié
Os últimos termos estatísticos que se engadiron ao Palabrario de educaBarrié son:
- Histograma, definido por Soly Santiago Pérez.
- Programación lineal, definido por José Mª Alonso Meijide.
- Algoritmo heurístico, definido por Julio González Díaz.
- Percentil, definido por Antonio Vaamonde Liste.
Páxina web: http://www.educabarrie.org/gl/palabrario
2.- Premio Conferencia Española de Biometría
A doutoranda do Dpto. de Estatística e Investigación Operativa, María Oliveira Pérez, vén de recibir o premio á mellor investigadora novel na XIV Conferencia Española de Biometría, celebrada do 22 ao 24 de maio en Ciudad Real.
No traballo “Study of crack distribution around cemented femoral components using nonparametric circular methods” analízase o patrón de distribución das microfracturas producidas en próteses de cadeira cementadas, a partir de datos obtidos dun estudo in vitro realizado na Upstate Medical University de Nova York. A principal contribución de Oliveira consiste no deseño e implementación dunha ferramenta exploratoria para a análise de datos circulares que permite a identificación de direccións preferentes de fractura.
Esta contribución forma parte da tese doutoral que María Oliveira está a realizar baixo a dirección dos profesores Rosa M. Crujeiras e Alberto Rodríguez, e que se centra no estudo de técnicas estatísticas nonparamétricas para a análise de datos circulares.
A conferencia é un dos eventos bianuais organizados pola Sociedad Española de Biometría, delegación da International Biometric Society, cuxos obxectivos son impulsar e difundir o desenvolvemento e aplicación de métodos estatísticos e matemáticos en bioloxía, medicina, psicoloxía, farmacoloxía e agricultura, entre outras áreas.
Ligazón á conferencia: http://areaestadistica.uclm.es/biometria2013/index.html
Ligazón ao dpto.: http://eio.usc.es
3.- Asociación Española de Estadística para la Salud
En febreiro deste ano constituíuse a Asociación Española de Estadística para la Salud (AESA), con sede en Granada. Esta asociación ten como obxectivo establecer colaboracións entre profesionais da estatística que desenvolven o seu labor no ámbito das ciencias da saúde, incluíndo igualmente a profesionais doutras disciplinas afíns.
A Asociación ten previsto realizar a súa primeira asemblea xeral o vindeiro sábado 22 de xuño no Hospital Virgen de las Nieves de Granada, sede social da asociación.
Máis información: http://www.aesaweb.es
4.- Conferencia: Beyond Mean Regression
O vindeiro xoves 6 de xuño, ás 12 h, terá lugar na Aula 0 da Facultade de Matemáticas a conferencia titulada "Beyond Mean Regression" do profesor Thomas Kneib, Georg-August-Universität Göttingen (Alemania).
Máis información: http://goo.gl/OlG8W
5.- Minicurso “Advances and Challenges in Space-time Modelling"
O 17 e 18 de xuño de 2013 celebrarase na Facultade de Ciencias da Universidade de Lisboa, un minicurso titulado "Advances and Challenges in Space-time Modelling: Bayesian modelling and inference with Gaussian Markov random fields and stochastic Partial Differential Equations", impartido polo profesor Finn Lindgren do Department of Mathematical Sciences da University of Bath, Reino Unido.
Para participar no minicurso hai que encher o formulario de inscrición que se encontra na páxina web do minicurso (http://ceaul-course-acstm.weebly.com/) tan pronto como sexa posible.
6.- VII Summer School MEIO
A Summer School do Master universitario en Estatística e Investigación Operativa (MEIO) da UPC-UB é un programa de formación especializada que aumenta a oferta de formación do Master, dos estudos de segundo ciclo da licenciatura de Ciencias e Técnicas Estatísticas, do grao en Estatística e dos programas de doutoramento en Estatística e Investigación Operativa da UPC, en Estatística da UB e en Economía da UB.
Neste curso 2012-2013 celébrase a sétima edición da Summer School do MEIO cunha oferta de cursos aberta a tódolos membros da UPC, da UB, e das comunidades universitaria, científica e profesional en xeral.
Máis información: http://meioupcub.masters.upc.edu/Summer-School
7.- Consultor SAS
A empresa de consultoría Deloitte busca un consultor de SAS para traballar en Madrid. Os requisitos de formación son: licenciado/a en Ciencias Físicas, Matemáticas, Estatística ou enxeñeiros da rama intelixencia artificial.
Máis información: http://www.linkedin.com/jobs?viewJob=&jobId=5868059
8.- Oferta de traballo para un bioestatístico/a
- Posto ofertado: bioestatístico/a.
- Empresa: empresa de Biotecnoloxía que investiga, fabrica e comercializa produtos para o diagnóstico clínico.
- Formación: doutorado en Estatística con 3 anos de experiencia ou licenciado en Estatística con experiencia mínima de 6 anos realizando funcións de análise de datos estatísticos aplicados ao diagnóstico in vitro preferentemente ou na industria farmacêutica.
Máis información: http://eio.usc.es/pub/mte/index.php/es/noticias/337-oferta-de-trabajo-perfil-bioestadisticoa
1.- Palabrario estatístico de educaBarrié
Os dous termos estatísticos que se engadiron ao Palabrario de educaBarrié nesta semana son:
- Varianza e desviación típica, definido por Mª José Lombardía Cortiña.
- Programación matemática, definido por Luisa Carpente Rodríguez.
Páxina web: http://www.educabarrie.org/gl/palabrario
2.- Concurso de posters MTE
Con motivo do Ano Internacional da Estatística, o Máster en Técnicas Estatísticas das tres universidades galegas convoca o concurso Posters MTE para posters de estatística e investigación de operacións realizados por estudantes do máster.
A SGAPEIO financia os premios deste concurso, que consistirán nun ano de inscrición á Sociedade, e a cota de inscrición ao XI Congreso Galego de Estatística e Investigación de Operacións, que terá lugar do 24 ao 26 de outubro de 2013 na cidade da Coruña.
Mais información: http://eio.usc.es/pub/mte/index.php/es/noticias/332-concurso-de-posters-estadistica-mte-2013
3.- Mini-cursos en optimización e aplicacións
CURSO 1:
- Título: An introduction to stochastic programming with applications to the gas industry.
- Docente: Asgeir Tomasgard (Norwegian University of Science & Technology).
- Datas: 6-7 de xuño de 2013.
- Horario:
- 6 de xuño (xoves): 11:30-13:30 e 16:30-19:00
-7 de xuño (venres): 9:30-12:00 e 16:30-19:00
CURSO 2:
- Título: Introducción a la optimización matemática.
- Docente: Emilio Carrizosa Priego (Universidad de Sevilla).
- Datas: 11-13 de xuño de 2013
- Horario:
- 11 de xuño (martes): 10:00-13:30
- 12 de xuño (mércores): 10:00-13:30
- 13 de xuño (xoves): 10:00-13:30
Inscrición: ata o 4 de xuño de 2013 (gratuita).
Máis información: http://eio.usc.es/index.php/es/noticias/7-noticias-del-departamento/151-mini-cursos-en-optimizacion-y-aplicaciones
1.- III Fase Nacional da Incubadora
A Sociedad de Estadística e Investigación Operativa (SEIO) convoca a III Fase Nacional dos concursos tipo "Incubadora de Sondeos y Experimentos", que está organizada pola SGAPEIO e terá lugar en Santiago de Compostela os días 3 e 4 de xullo de 2013.
O programa das xornadas inclúe un acto de presentación do Ano Internacional da Estatística. Máis información na web da SGAPEIO: www.sgapeio.es
2.- Palabrario estatístico de educaBarrié
Os dous termos estatísticos que se engadiron ao Palabrario de educaBarrié nesta semana son:
- Estatística pública, definido por Carlos L. Iglesias Patiño.
- Teoría de colas, definido por Silvia Lorenzo Freire.
Páxina web: http://www.educabarrie.org/gl/palabrario
3.- Billete conmemorativo do Ano Internacional da Estatística
Con motivo do Ano Internacional da Estatística, e a fin de concienciar á sociedade da importancia da Estatística e da súa omnipresencia en tódolos aspectos do coñecemento, a Sociedad de Estadística e Investigación Operativa (SEIO) chegou a un acordo coa Sociedad Estatal Loterías (Selae) para emitir un billete de Lotería Nacional conmemorativo deste evento. O sorteo terá lugar o día 25 de maio de 2013.
4.- I Encontros de Educación Matemática para Infantil e Primaria
Os I Encontros de Educación Matemática para Infantil e Primaria de AGAPEMA celebraranse o sábado 28 de setembro de 2013 na Facultade de Ciencias da Educación, no Campus Sur da USC. A inscrición será de balde para todos os/as asistentes, contando cunha homologación de 8 horas pola Consellería de Cultura, Educación e Ordenación Universitaria.
Máis información: http://www.agapema.org/?q=node/230
5.- Premio en Estatística Oficial 2013
O Instituto Nacional de Estadística convoca o Premio en Estatística Oficial 2013 "Premios iNE, Eduardo García España" (BOE de 2 de maio de 2013) en colaboración coa Sociedad de Estadística e Investigación Operativa (SEIO) no marco do Congreso Nacional de Estadística e Investigación Operativa e as Jornadas de Estadística Pública que se celebrarán conxuntamente dentro das actividades da SEIO.
Máis información: http://www.boe.es/boe/dias/2013/05/02/pdfs/BOE-A-2013-4648.pdf
6.- XI Concurso STUDENT de Estatística Aplicada
O Servei d'Estadística Aplicada da Universitat Autònoma de Barcelona convoca a XI edición do Concurso STUDENT de Estatística Aplicada.
Poderán optar ao concurso tódolos estudantes de primeiro e segundo ciclo (diplomatura, licenciatura ou enxeñería), estudantes de grao ou de máster que estean matriculados este curso académico 2012-13 en calquera universidade do Estado Español. Os aspirantes deberán afrontar a análise dun conxunto de datos, enmarcado nun problema real, para o que terán que propoñer unha solución. O contido do traballo deberá ser inédito e de temática libre. Outorgaranse tres premios:
- Premio Idescat ao mellor traballo de máster: dotación económica de 500 €.
- Premio SEA ao mellor traballo de grao: dotación económica de 500 €.
- Premio Almirall ao mellor traballo en bioestatística: dotación económica de 500 €.
Data límite para enviar os traballos: 10 de setembro de 2013.
Máis información: http://goo.gl/cbnw4
1.- III Incubadora de Sondaxes e Experimentos
O pasado martes, día 30 de abril de 2013, rematou o prazo para que os grupos inscritos na III Incubadora de Sondaxes e Experimentos enviasen os seus traballos. En total estaban inscritos 49 grupos, dos que se recibiron 23 traballos (47%). Os datos por categorías son os seguintes:
- 1º e 2º de ESO: 18 inscritos, 8 traballos recibidos (44%)
- 3º e 4º de ESO: 18 inscritos, 14 traballos recibidos (78%)
- 1º e 2º de Bacharelato: 13 inscritos, 1 traballos recibidos (7%)
A principios do mes de xuño darase a coñecer o fallo do xurado.
2.- Palabrario estatístico de educaBarrié
A Fundación Barrié, con motivo da celebración do Ano Internacional da Estatística, convidou á SGAPEIO a colaborar no Palabrario de educaBarrié aportando unha lista de termos de Estatística e de Investigación Operativa.
Segundo educaBarrié "Palabrario é un glosario de termos de distintas disciplinas relacionadas co Patrimonio, a Ciencia e a Economía. Os termos son definidos por expertos e investigadores en cada área e veñen acompañados dun breve resumo da súa traxectoria profesional. Palabrario pretende acercar á escola a investigación actual e as persoas que a fan posible".
Dende SGAPEIO elaborouse unha lista de termos de Estatística e de Investigación Operativa para incluir no Palabrario; estes termos foron definidos polos membros do Consello Executivo e outros socios e socias, aos que agradecemos a súa colaboración. Ao longo das vindeiras semanas, iranse poñendo na web de educaBarrié dous termos por semana. Comezamos a serie cos seguintes:
- Teoría de xogos (http://www.educabarrie.org/palabrario/teoria-de-juegos), definido por Ignacio García Jurado.
- Bioestatística (http://www.educabarrie.org/palabrario/teoria-de-juegos), definido por Sonia Pértega Díaz.
Páxina web: http://www.educabarrie.org/palabrario
3.- Conferencia na Facultade de Informática da UDC
Conferencia “Calibration of stochastic volatility models from option prices” do profesor Jorge Zubelli, IMPA (Brasil):
- Data: 8 de maio de 2013.
- Horario: 10:00-11:00h.
- Lugar: aula do máster de Enxeñería Matemática da UDC.
Poderá seguirse por videoconfencia dende as aulas do máster de Enxeñería Matemática na USC e UVigo.
4.- Máster en Técnicas Estatísticas
O Máster en Técnicas Estatísticas é un máster interuniversitario organizado polas tres Universidades galegas: A Coruña, Vigo e Santiago de Compostela (universidade coordinadora). Ademais, participan profesores invitados de recoñecido prestixio de universidades nacionais e estranxeiras.
A duración do mesmo é dun ano e medio. Para obter o título de máster débense completar 90 créditos (en xeral, 60 o primeiro ano e 30 o segundo). A modalidade de ensino é presencial e os cursos séguense por videoconferencia.
O Máster divídese en tres cuadrimestres:
- Primeiro cuadrimestre: Fundamentos de Estatística e Investigación Operativa.
- Segundo cuadrimestre: Materias avanzadas.
- Terceiro cuadrimestre: Materias especializadas e Traballo Fin de Máster (traballo relacionado coa abordaxe e proposta de solución dun problema práctico, ou co inicio á investigación). Existe a posibilidade de realizar o Traballo Fin de Máster a través de prácticas en empresas.
Obxectivos:
- Orientación académica: obter unha formación avanzada en Estatística e Investigación Operativa, tanto no aspecto teórico como no aplicado.
- Orientación investigadora: capacitar ao estudante para a investigación no ámbito da Estatística e a Investigación Operativa. Dar os primeiros pasos na investigación, que se culminan na elaboración dunha tese de doutoramento.
- Orientación profesional: proporcionar formación sobre á aplicación dos métodos da Estatística e a Investigación Operativa que son valiosos na práctica profesional en múltiples sectores: biosanitario, finanzas, enxeñería, entre outros, así como nas actividades que requiren investigación, para as cales os métodos estatísticos son indispensables.
O Máster está dirixido a graduados e profesionais interesados en obter formación avanzada en técnicas estatísticas. Ademais, da acceso a un programa de doutorado (tamén interuniversitario) na área de Estatística e Investigación Operativa e, por tanto, diríxese tamén a aquelas persoas interesadas en iniciar unha etapa pre-doutoral.
O título del Máster ofrece a posibilidade de emplearse como profesional da estatística en:
- Empresas do sector financeiro.
- Empresas do ámbito da saúde.
- Administracións públicas.
- Empresas de investigación social.
- Laboratorios de investigación e desenvolvemento.
- En moitas outras actividades profesionais.
Contacto:
Hai un coordinador por cada universidade.
- Balbina Casas Méndez - Coordinador Xeral e da Universidade de Santiago de Compostela (
- Jacobo de Uña Álvarez - Coordinador da Universidade de Vigo (
- Germán Aneiros Pérez - Coordinador da Universidade da Coruña (
Sitio da web: http://eio.usc.es/pub/mte
5.- Curso "Introduction to Bayesian Item Response Modeling"
O días 6 e 7 de xuño de 2013 celebrarase na Facultade de Ciencias da Universidade de Lisboa, un minicurso titulado "Introduction to Bayesian Item Response Modeling", impartido polo profesor Jean-Paul Fox do Department of Research Methodology, Measurement and Data Analysis da University of Twente, Países Baixos.
A Teoría da Resposta ao Ítem (TRI) é un paradigma xeral para a planificación e a análise dos cuestionarios, medindo as habilidades e as actitudes dos individuos observados nos estudos da Educación, Psicoloxía, Investigación, Saúde, etc. Este minicurso está dirixido a estatísticos, psicometristas, profesionais en Ciencias da Educación, Sociais e Biomédicas, e outros investigadores que estean interesados en participar neste enfoque de modelado estatístico baixo a perspectiva bayesiana.
Para participar no minicurso hai que encher o formulario de inscrición que se encontra na páxina web do minicurso (http://ceaul-course-birm.weebly.com) tan pronto como sexa posible.