1.- XIV Congreso da SGAPEIO
24 de outubro de 2019-26 outubro de 2019
Vigo, España
Descrición: Desde o 24 ao 26 de outubro de 2019, celebrarase en Vigo o XIV Congreso Galego de Estatística e Investigación de Operacións. O congreso, organizado polo Departamento de Estatística e Investigación de Operacións da Universidade de Vigo en colaboración coa Sociedade Galega para a Promoción da Estatística e a Investigación de Operacións (SGAPEIO), forma parte dos congresos bianuais promovidos por esta sociedade. O congreso terá lugar na Escola de Enxeñería Industrial da Universidade de Vigo (sede cidade).
Nesta ocasión, queremos informar da ampliación do prazo para o envío de traballos e de inscrición con cota súper reducida ata o 31 de xullo.
Continuando coa información científica programada para o congreso, anunciamos a organización dos seguintes talleres formativos:
O contido teórico-práctico de ambos os talleres pode ser consultado a través da web do congreso http://sgapeio2019.webs.uvigo.es/, onde se informará entre outras cousas do procedemento, contía e prazos de inscrición.
Proximamente iremos informando do resto de actividades a celebrar no XIV Congreso Galego de Estatística e Investigación de Operacións. A información relativa ao congreso irase actualizando na páxina da internet http://sgapeio2019.webs.uvigo.es/
Esperamos a vosa participación.
2.- Gañadores Fase Galega do IX Concurso Incubadora de Sondaxes e Experimentos
O día 18 de xuño, na Facultade de Matemáticas da Universidade de Santiago de Compostela, coa presenza da conselleira de Educación, Universidade e Formación Profesional, Carmen Pomar, da vicerreitora de Titulacións da USC, María Victoria Otero Espinar, da decana da Facultade de Matemáticas, Elena Vázquez Cendón, do subdirector de Produción Estatística do IGE, Manuel Mateo Díaz, da secretaria xeral da SGAPEIO, María José Ginzo Villamayor, e da presidenta do xurado do certame, Covadonga Rodríguez-Moldes Rey, tivo lugar a culminación da fase galega do concurso de Sondaxes e Experimentos cos seguintes resultados:
Desde a SGAPEIO queremos agradecer a todos os alumnos e tutores a súa inestimable participación, a calidade dos traballos presentados, a súa contaxiosa ilusión e fantástica actitude.
Notas de prensa:
https://www.noticiasvigo.es/carmen-pomar-salienta-a-paridade-entre-os-finalistas-do-concurso-incubadora-de-sondaxes-e-experimentos-para-fomentar-a-colaboracion-entre-o-alumnado/
https://www.elcorreogallego.es/galicia/ecg/premios-do-ix-concurso-incubadora-sondaxes/idEdicion-2019-06-19/idNoticia-1189524/
https://www.lavozdegalicia.es/noticia/santiago/2019/06/19/premios-centros-area-santiago-concurso-incubadora-experimentos/0003_201906S19C4995.htm
https://www.sgapeio.es/index.php/listado-novas/3253-ganadores-do-concurso-ix-concurso-incubadora-de-sondaxes-e-experimentos
3.- Gañadores Fase Nacional do IX Concurso Incubadora de Sondeos y Experimentos
Durante os últimos anos en diferentes puntos de España puxéronse en marcha diversos concursos de ámbito autonómico con características similares e que poderían agruparse baixo a etiqueta de “Incubadora de Sondaxes e Experimentos”. Estes concursos están dirixidos a estudantes de ensino secundario obrigatorio, bacharelato e ciclos formativos, que participan presentando un traballo de estatística. O obxectivo principal destas iniciativas é espertar nos estudantes a curiosidade pola estatística como ferramenta fundamental na investigación, tanto en ciencias experimentais como en ciencias sociais.
A Sociedade de Estatística e Investigación Operativa (SEIO) foi co-organizadora da IX Fase Nacional do Concurso, en colaboración coa Universidade Pública de Navarra, a Universidade de Navarra, o Instituto de Estatística de Navarra e o Goberno Navarro, sendo a súa sede Pamplona (entre o 2 e o 4 de xullo), e na que participaron os gañadores das comunidades autónomas de Andalucía, Aragón, Asturias, Cantabria, Castela a Mancha, Cataluña-Baleares, Estremadura, Galicia, A Rioxa, Madrid, Navarra e País Vasco.
O 3 de xullo de 2019 deuse a coñecer o fallo do tribunal, sendo os seguinte:
O concurso foi, en todo momento, un evento enriquecedor, unha oportunidade extraordinaria para a aprendizaxe e a convivencia entre rapaces, tutores e representantes das diversas comunidades autónomas. Desde a SGAPEIO agradecemos vivamente a participación dos representantes galegos, a calidade das súas presentacións, rigor, orixinalidade e actitude, que deixou fonda pegada no concurso.
Máis información:
http://www.seio.es/Incubadora/II-Fase-Nacional-del-Concurso-Tipo-Incubadora-de-Sondeos-y-Experimentos-4.html
4.- Curso Análise e visualización de datos sanitarios
Datas previstas: Granada, 2, 3 e 4 de outubro de 2019.
Coordinación: Carmen Sánchez-Cantalejo Garrido.
Horas Totais: 20 Modalidade Presencial.
Código: 311501.
Data límite para a inscrición: 23/08/02019.
Matrícula: 170 €.
Preinscrición: ONLINE.
Dirixido a: Profesionais sanitarios relacionados coa xestión e análise estatístico de bases de datos interesados en profundar nos seus coñecementos sobre manipulación de ficheiros e análises gráfico interactivo.
Requisitos: Dispoñibilidade para asistir a todas as sesións.
Obxectivo Xeral: Introducir aos asistentes nas bases fundamentais da xestión de bases de datos e na análise estatística, tanto numérico como gráfico.
Obxectivos Específicos: Ao finalizar o curso os alumnos estarán capacitados para:
Contidos:
Metodoloxía
Esta actividade formativa é de carácter presencial e está orientada á práctica, polo que as explicacións teóricas combinaranse cos casos prácticos.
Para a obtención do certificado é obrigatoria a asistencia polo menos ao 90% das horas presenciais do curso e a realización dos traballos prácticos na aula.
Máis información: https://www.easp.es/cursos/?idCurso=311501NA19
5.- Modelos do deep learning para a análise de datos ómicos con keras para R
Tipo de curso: Certificado de Extensión (Título Universitat Barcelona).
Número de créditos: 3.
Duración en anos académicos: 1.
Modalidade: Presencial.
Centro impulsor: Facultade de Bioloxía.
Importe da matrícula: 125 €.
Datas da docencia: 9, 10, 11, 12 e 13 de setembro, de 16 a 20 h.
Obxectivos: Saber aplicar modelos básicos do deep learning a partir dunha implementación baseada en Kera para a análise de datos ómicos.
Destinatarios: Graduados, licenciados ou profesionais que queiran analizar datos con modelos de deep learning.
Requisitos de acceso: nivel básico de estatística e da linguaxe R.
Institución ou contacto: Facultat de Biologia e Departament d'Estatística.
Dirección: Av. Diagonal, 643 Aulari - segona planta 08028 Barcelona.
Dirección electrónica:
Páxina web:
https://www.ub.edu/web/ub/es/estudis/oferta_formativa/extensions/fitxa/M/201811565/index.html
Teléfono: 934021560.
Fax: 934020946.
6.- Curso Joint Modelling of Longitudinal and Survival Data
Descrición: O Instituto de Saúde Pública da Universidade do Porto (ISPUP) está a organizar o workshop que ten por título "Joint Modelling of Lonxitudinal and Survival Data", a realizar de 9 a 12 de setembro, no ISPUP. O curso pretende facer unha introdución á modelización conxunta de datos lonxitudinais e de supervivencia, explicando a súa relevancia para a investigación en ciencias da saúde. Este curso está orientado aos investigadores, estudantes de mestrado e doutoramento nos eidos da estatística, matemáticas, medicina, saúde ou outras áreas relacionadas.
Para máis información sobre o curso e a respetiva taxa de inscrición, consulte, por favor, o seguinte link: http://ispup.up.pt/academics/short-courses/next/578/
7.- VI Xornada de Usuarios de R en Galicia
10 de outubro de 2019
Santiago de Compostela, España
Descrición: A VI Xornada de Usuarios de R en Galicia terá lugar na Aula Magna da Facultade de Matemáticas da Universidade de Santiago de Compostela, o día 10 de outubro de 2019. Organizada pola Oficina de Software Libre do CIXUG, e patrocinada pola AMTEGA (Xunta de Galicia), incluirá relatorios e talleres co obxectivo de promocionar o coñecemento da linguaxe estatística R e as súas aplicacións, así como proporcionar un punto de encontro para todas aquelas persoas interesadas en intercambiar as súas experiencias e atopar colaboracións do resto da comunidade.
Envío de traballos: Se queres presentar unha charla sobre algún tema que che interese ou organizar un taller, tes toda a información no apartado call for papers. Se prefires enviarnos calquera outra suxestión tamén podes contactar con nós a través do formulario de contacto. Inscrición: A inscrición é de balde, e de libre acceso.
Seguimento: Para aquelas persoas que non poidan asistir o día da xornada, esta retransmitirase en directo a través desta páxina web, e con posterioridade subiranse os vídeos á canle de YouTube das xornadas.
Esta iniciativa enmárcase no convenio de colaboración asinado entre a Amtega e o CIXUG para a realización de actividades de fomento do software libre en Galicia.
Máis información en: https://www.r-users.gal/
8.- Conferencia “Datos e matemáticas. Os propulsores das compañías data driven” na 1t Conference on Transfer between Mathematichs & Industry (CTMI 2019)
22 de xullo de 2019 – 24 de xullo de 2019
Santiago de Compostela, España
Descrición: Entre os días 22 e 24 de xullo celebrarase en Santiago de Compostela a 1 st Conference on Transfer between Mathematichs & Industry ( CTMI 2019), congreso organizado de forma conxunta entre o Instituto Tecnolóxico de Matemática Industrial (ITMATI) e a Rede Española Matemática - Industria (math- in). Con motivo do CTMI 2019, organizouse a seguinte conferencia externa de divulgación aberta á sociedade en xeral: “Datos e matemáticas. Os propulsores das compañías data driven” da man de Antonio Pita, Global Head of Consulting & Analytics en LUCA, a Unidade de Datos de Telefónica en España.
Esta charla terá lugar o martes 23 de xullo de 20:00 a 21:00 h no auditorio Abanca (rúa Preguntoiro) en Santiago de Compostela. Versará sobre o valor do dato para as empresas, considerado un activo estratéxico das compañías que están a realizar a súa transformación dixital. Tedes máis información na ligazón
http://www.itmati.com/ctmi2019/dissemination-event
A asistencia a este evento é completamente gratuíta.
9.- Workshop Statistics and Innovation for Industry 4.0
20 de febreiro de 2020 – 21 de febreiro de 2020
Florencia, Italia
Descrición: O StEering 2010 é un acontecemento centrado na Estatística e Enxeñaría, especificamente o tema é Teoría, Métodos e Aplicacións para Industria 4.0. Terá lugar en Florencia, Italia, entre o 20 e o 21 de febreiro de 2020, no Dipartimento di Statistica, Informatica, Applicazioni 'Giuseppe Parenti'. O workshop, organizado polo centro de investigación interuniversitario StEering (www.steering.academy), estará articulado en diversas Sesións Especiais, cada unha relacionada cos principais temas do congreso. Os relatores internacionais compartirán o seu coñecemento e estudos de innovación no campo de estatística, enxeñaría, administración e tecnoloxía para un mundo global e sustentábel. As presentacións efectuadas por membros do sector industrial, que ilustrarán aplicacións da estatística en eidos tecnolóxicos particularmente esixentes e complexos, de seguro dará lugar ao debate e á proposta de posibles solucións de innovación desde a perspectiva da Industria 4.0. Tamén se dará a oportunidade de que as persoas interesadas, sexa da industria ou academia, presenten os seu traballos en formato póster.
Data límite de presentación de resumos: 15 de xaneiro de 2020.
Máis información: http://www.steering.academy/WS2020/index.html
10.- Praza a tempo completo de Profesor Contratado Interino de Substitución na Universidade da Coruña
Descrición: Con data do 3 de xullo de 2019, convocouse a praza de profesorado Contratado Interino de Substitución a tempo completo, referencia número 19/7022, na área de Estatística e Investigación Operativa, con docencia na Facultade de Humanidades do Campus de Esteiro (Ferrol), na UDC. A praza inclúe docencia de estatística a nivel de primeiro nos novos graos de Xestión Industrial da Moda e Xestión Dixital da Información.
Parte da docencia levarase a cabo en inglés.
O prazo de solicitudes é de 10 días laborables a partir da publicación da convocatoria.
Máis información: https://sede.udc.gal/services/electronic_board/EXP2019/005536
11.- Postos vacantes no Centro Vasco de Matemática Aplicada - BCAM
Técnicos de investigación:
Estamos a buscar 3 técnicos de investigación en Aprendizaxe Automática para unirse á nosa Unidade de Transferencia de Coñecementos. Os candidatos colaborarán en proxectos de transferencia de coñecemento coa industria e entidades de investigación. Deben ter unha Mestría en Estatística, Informática ou un campo estreitamente relacionado, ademais de unha sólida formación en Estatística e Matemáticas:
Data límite: 20 de agosto de 2019 (14:00 CET).
Bolsas de postdoutoramento:
Ofértanse 5 postos de postdoutoramento para que investigadores prometedores se unan aos nosos grupos de investigación e traballen nos seguintes temas:
Data límite: 20 de agosto de 2019 (14:00 CET).
Outras convocatorias abertas:
BCAM é unha institución de acollida elexible para o programa de bolsas individuais Marie Skłodowska-Curie. Se desexa postularse para un posto no BCAM, escriba un correo electrónico a
Tamén somos unha institución elixible de acollida para a convocatoria de líderes de grupos de investigación que o Ikerbasque lanzou para reforzar a investigación e a carreira científica no País Vasco. Se desexa solicitar un dos 10 postos permanentes que se están a ofrecer, escriba un correo electrónico a
Máis información: http://www.bcamath.org/es/
12.- Contrato de investigador/a no grupo GEN da Facultade de Ciencias Empresariais e Turismo de Ourense
O grupo de investigación GEN, da Facultade de Ciencias Empresariais e Turismo de Ourense, oferta un contrato de investigador/a para realizar tarefas de apoio ao subproxecto “Optimizar os indicadores de circularidade económica mediante a inclusión de factores correctores que non penalicen ao sector agroalimentario da provincia de Ourense” no marco dos proxectos INOU 2019.
Requisitos:
Características do contrato:
Procedemento de solicitude: Envío de documentación, CV e xustificantes acreditativos dos méritos, antes das 14:00 horas do 1 de xullo de 2019 ao correo electrónico
Procedemento de selección: A selección será levada a cabo por unha comisión formada por membros do grupo de investigación GEN atendendo a:
Resolución prevista do procedemento: 12 de xullo de 2019.
Máis información: http://infogen.webs.uvigo.es/
13.- XVII Concurso STUDENT de Estatística Aplicada
Descrición: O Servei d'Estatística Aplicada da Universitat Autònoma de Barcelona ten o pracer de anunciarvos a próxima edición do XVII Concurso STUDENT de Estatística Aplicada.
Mediante este concurso, o Servei d'Estatística Aplicada e o Institut d'Estatística de Catalunya queren potenciar o espírito investigador e o gusto pola Estatística Aplicada entre os estudantes das diferentes universidades do Estado español, así como dar a coñecer o papel destacado da Estatística na obtención de novos coñecementos tanto á comunidade universitaria como á sociedade en xeral.
Os aspirantes deberán afrontar a análise dun conxunto de datos, enmarcado nun problema real, para o cal terán que propoñer unha solución. A base de datos así como o contido do traballo deberán ser inéditos e de temática libre.
Poderán optar ao concurso todos os estudantes de grao ou de máster que estean matriculados este curso académico 2018-19 en calquera universidade do Estado español.
Outorgaranse tres premios:
Todos os gañadores terán durante un ano a cota gratuíta de socio/á a Societat Catalá d'Estatística.
Data límite para enviar os traballos: 10 de setembro de 2019.
Entrega de premios: Dia de l'Estatística a Catalunya (4 de outubro de 2019).
Máis información: http://sct.uab.cat/estadistica/es/content/concurso-student-de-estad%C3%ADstica-aplicada
1.- XIV Congreso da SGAPEIO
24 de outubro de 2019-26 outubro de 2019
Vigo, España
Descrición: O Departamento de Estatística e Investigación Operativa da Universidade de Vigo organiza, respondendo á petición da Sociedade Galega para a Promoción da Estatística e a Investigación de Operacións (SGAPEIO), o XIV Congreso Galego de Estatística e Investigación de Operacións.
Invítase a tódolos colectivos a participar nestas xornadas e a que envíen os seus traballos, tanto teóricos coma aplicados, para a súa presentación durante o congreso, que terá lugar na Escola de Enxeñería Industrial (Sede Cidade) de Vigo do 24 ao 26 de outubro de 2019. Nesta edición, a programación oficial contará cunha sesión temática de Biometría, que será organizada pola SGAPEIO e a Sociedade Portuguesa de Estatística (SPE) dando continuidade aos Encontros Galaico-Portugueses organizados polas dúas sociedades desde o ano 2013. Esta colaboración ten como obxecto a promoción e divulgación da Estatística e I.O. en distintas áreas de aplicación, fomentando novas ideas e colaboracións de interese para as dúas comunidades.
Ademais, o programa ofrecerá actividades de carácter social e cultural, que esperamos que sexan do agrado dos asistentes.
Datas límite importantes:
Máis información: http://sgapeio2019.webs.uvigo.es/
2.- Entrega de Premios do IX Concurso Incubadora de Sondaxes e Experimentos
O próximo día 18, na Facultade de Matemáticas da Universidade de Santiago de Compostela, terá lugar a culminación da fase galega do concurso de Sondaxes e Experimentos co seguinte programa:
10:00 - 12:30h.
• Inicio do acto no Salón de Actos da Facultade de Matemáticas
• Presentación dos traballos finalistas (15 minutos cada un):
o 1º e 2º da ESO:21 DIAS CO GALEGO E +, ¿FUNCIONOU NO IES PONTEPEDRIÑA? IES Pontepedriña (Santiago de Compostela).
o 1º e 2º da ESO: COCHES VS CO2. IES Agra do Orzán (A Coruña).
o 3º e 4º da ESO: O EFECTO ROCK AND ROLL. CPI San Vicente (A Baña).
o 3º e 4º da ESO: PERFILANDO O RISCO. IES Cacheiras (Teo) e IES de Ribeira (Ribeira).
o 3º e 4º da ESO: O DEBATE DO X. IES Anxel Fole (Lugo).
12:30 - 13:30. Descanso e deliberación do xurado.
13:30 - 14:00. Lectura da acta do xurado do concurso (a cargo do Secretario do xurado do IX concurso Incubadora de Sondaxes e Experimentos) e entrega de premios e diplomas.
14:00. Clausura.
3.- Curso Modelos de regresión multivariante
Introducción: Os modelos de regresión multivariante son técnicas estatísticas que permiten estudar a relación entre un efecto e varios factores, controlando a confusión e as posibles interaccións entre eles. Ademais, poden utilizarse para predicir o comportamento da variable dependente en función dos valores que tomen as variables independentes, sendo un dos métodos estatísticos máis utilizados no ámbito da saúde. Esta actividade formativa é un curso de nivel medio que pretende capacitar aos asistentes para a análise multivariante da información e a lectura crítica de publicacións científicas que utilicen modelos de regresión multivariante, sendo de especial interese para aquelas persoas que, tras realizar unha actividade formativa de iniciación á Estatística, desexen ampliar os seus coñecementos nesta área de coñecemento. O curso é a continuación dun itinerario formativo en Estatística aplicada que comeza co curso “Estatística básica para a análise de datos biosanitarios”.
Dirixido a: Profesionais con formación básica en Estatística interesados en coñecer e aplicar os modelos de regresión multivariante máis utilizados en Ciencias da Saúde.
Obxectivo: Capacitar para a análise multivariante da información, a lectura crítica de publicacións científicas que utilicen modelos de regresión multivariante e o seguimento de accións formativas máis avanzadas nesta área de coñecemento.
Data límite para a inscrición: 5 de xullo de 2019.
Data de realización: Granada, 11 de setembro ao 8 de novembro de 2019. Sesións presenciais: 11 ao 13 de setembro / 2 ao 4 de outubro / 23 ao 25 de outubro.
Coordinación: Ricardo Ocaña Riola.
Matrícula: 690€.
Horas Totais: 75.
Modalidade: Semipresencial.
Observacións: A inscrición e realización do curso será gratuíta para profesionais vinculados ao SAS que o soliciten segundo o procedemento establecido, conten coa autorización do seu centro e sexan finalmente seleccionados.
Máis información: http://www.easp.es/cursos/?idCurso=312302NA19.
4.- Convocatoria dos premios de doutoramento da ELLIS Society
Descrición: Infórmase da recente convocatoria dos premios PhD Award que xestiona, por primeira vez, a ELLIS Society, nas áreas de intelixencia artificial e machine learning. Un dos requirimentos é que as teses foran defendidas en 2016, 2017 ou 2018.
Data límite de presentación: 30 de xuño de 2019.
Máis información: https://ellis.eu/award
5.- WONNOW Awards 2019
Descrición: A entidade financeira CaixaBank, S.A., con NIF A-08663619 e domicilio en C/ Pintor Sorolla, 2-4, Valencia e MICROSOFT IBÉRICA S. R. L. con CIF B-78603495 e domicilio social en Paseo do Club Deportivo, 1 – Edificio 1, Pozuelo de Alarcón (Madrid) convocan conxuntamente os Premios WONNOW 2019, cuxa finalidade é galardoar a excelencia, tanto académica como persoal, de mulleres estudantes da área de ciencias, tecnoloxía, enxeñería e matemáticas nas que a presenza feminina é reducida.
Os presentes premios diríxense a persoas físicas de sexo feminino, maiores de idade e con residencia fiscal no territorio nacional, que ademais cumpran os requisitos, requirimentos e condicións expresadas nas Bases Legais, baixo a modalidade de concurso de participación gratuíta.
Desta maneira, as entidades convocantes queren contribuír a superar un problema social importante, avanzando máis en conseguir a igualdade de xénero en nichos laborais e profesionais importantes, onde a participación feminina é proporcionalmente escasa.
Data límite de presentación de solicitudes: 16 de xuño de 2019.
Bases da convocatoria na ligazón: https://www.wonnowawards.com/bases
6.- Seminario de Andrea Meilán na Universidade da Coruña
27 de xuño de 2019
A Coruña, España
Descrición: O próximo 27 de xuño, xoves, ás 12:00 h na Aula de Graos, Andrea Meilán impartirá o seminario "Nonparametric multivariate regression estimation for circular responses".
Resumo: Os datos circulares poden ser considerados como puntos cuxo apoio é un círculo, medidos en graos ou radians e con natureza periódica. Exemplos de datos circulares xorden en moitos campos: bioloxía, meteoroloxía (dirección do vento), oceanografía (correntes dos océanos), entre outros. Ás veces, a finalidade é analizar a relación entre unha variábel resposta circular e unha ou máis predictores lineais, utilizando un modelo de regresión. Neste contexto, se propuxeron e estudaros estimadores nonparamétricos para a función de regresión baseados en Nadaraya-Watson e estimadores polinómico locais.
Hora: 12:00.
Lugar: Aula de Graos Víctor Gulías – Facultade de Informática.
7.- 24th International Conference on Computational Statistics (COMPSTAT 2020)
25 de agosto de 2020 – 28 de agosto de 2020
Boloña, Italia
Descrición: Este congreso está financiado pola European Regional Section of the IASC e organizado polo Departamento de Scienze Statistiche da Università de Bologna, en Italia. O congreso procura a xuntanza de investigadores e usuarios para discutir os recentes avances, desenvolvementos en métodos computacionais, metodoloxías para a análise de datos e as aplicacións da estatística. Se considerarán todos aqueles temas na ampla confluencia entre as ciencias da computación e a estatística.
Poñentes invitados:
Datas importantes:
Ademais, tamén terá lugar, entre o 29 e o 30 de Agosto de 2020 o congreso satélite CSDA & EcoSta Workshop on Statistical Data Science (SDS 2020).
Máis información: http://www.compstat2020.org
8.- Ampliación do prazo para o envío de traballos ao ECMI Posgraduate MW/VI Iberian MW/NeEDS Modeling Week
8 de xullo de 2020 – 13 de xullo de 2020
Sevilla, España
O comité organizador informa que, en atención aos requerimentos dos participantes, o prazo límite para o envío de traballos extendese ata o 14 de xuño de 2019.
Máis información en http://gestioneventos.us.es/22663/dates/ecmi-postgraduate-vi-iberian-needs-modelling-week.html
9.- Convocatoria prazas de profesor axudante doutor na Universidad de Oviedo
Descrición: Infórmase da convocatoria no Departamento de Estadística e Investigación Operativa y Didáctica de la Matemática da Universidad de Oviedo de 4 prazas de profesor axudante doutor:
Máis información: https://sede.asturias.es/bopa/2019/05/30/2019-05469.pdf
10.- Contrato de predoutoramento en Matemática Aplicada
Descrición: Ábrese a convocatoria dun contrato de predoutoramento en matemáticas aplicadas no Departamento de Matemáticas da Universidad Carlos II de Madrid (UC3M).
O proxecto de doutoramento consiste no desenvolvemento de novos algoritmos para o denominado Probabilistic or Stochastic Domain Decomposition (PDD), ademais de axudar na programación dunha librería en C++/MPI enfocada no PDD. Este traballo ten como obxectivo ultimo producir resultados que permitan competir no Gordon Bell Prize de computación paalela. Tamén hai posibilidades de impartir docencia na Escuela de Ingeniería da UC3M.
Os candidatos terán que ser previamente admitidos no Programa de Doctorado en Ingeniería Matemática:
https://www.uc3m.es/ss/Satellite/Doctorado/en/Detalle/Estudio_C/1422588164036/1371210298470/Mathematical_Engineering#access
A solicitudes tramitaranse online no enlace:
http://portal.uc3m.es/portal/page/portal/inicio/universidad/empleo_universidad/personal_docente_e_investigador/contratos_predoc_proy_inv
Para máis información contáctese coa dirección de correo
1.- XIV Congreso da SGAPEIO
24 de outubro de 2019-26 outubro de 2019
Vigo, España
Descrición: O Departamento de Estatística e Investigación Operativa da Universidade de Vigo organiza, respondendo á petición da Sociedade Galega para a Promoción da Estatística e a Investigación de Operacións (SGAPEIO), o XIV Congreso Galego de Estatística e Investigación de Operacións.
Invítase a tódolos colectivos a participar nestas xornadas e a que envíen os seus traballos, tanto teóricos coma aplicados, para a súa presentación durante o congreso, que terá lugar na Escola de Enxeñería Industrial (Sede Cidade) de Vigo do 24 ao 26 de outubro de 2019. Nesta edición, a programación oficial contará cunha sesión temática de Biometría, que será organizada pola SGAPEIO e a Sociedade Portuguesa de Estatística (SPE) dando continuidade aos Encontros Galaico-Portugueses organizados polas dúas sociedades desde o ano 2013. Esta colaboración ten como obxecto a promoción e divulgación da Estatística e I.O. en distintas áreas de aplicación, fomentando novas ideas e colaboracións de interese para as dúas comunidades.
Ademais, o programa ofrecerá actividades de carácter social e cultural, que esperamos que sexan do agrado dos asistentes.
Datas límite importantes:
Máis información: http://sgapeio2019.webs.uvigo.es/
2.- Retraso na Publicación dos finalistas IX Concurso da Incubadora de Sondaxes e experimentos
Na semana do 27 de maio publicaránse os traballos finalistas do Finalistas VIII Concurso da Incubadora de Sondaxes e Experimentos, (a data prevista inicialmente era o 26.05.2019).
3.- 5º Edición do programa de formación continua “Estadística Aplicada con R”
Descrición: A Facultade de Ciencias da Universidade Autónoma de Madrid ( UAM), en colaboración cos Departamentos de Bioestadística de GEICAM e do Instituto IMDEA Alimentación, organiza a 5º Edición do programa de formación continua en “Estadística Aplicada con R” que se vai a impartir en Madrid en 2019 de forma presencial. O programa está composto por 8 módulos que poden ser cursados de forma independente. A destacar que este ano incorporamos 2 novos módulos, “Visualización Interactiva de Datos co paquete Shiny” e “ Deep Learning con R”, coa intención de ampliar a nosa oferta formativa.
Módulos e Datas 2019:
Lugar: Todos os módulos impartiranse na Facultade de Ciencias da UAM.
Máis información: https://tinyurl.com/y5wjlpq9
Temario detallado: https://tinyurl.com/y5suhc94
4.- A Facultat de Matemàtiques i Estatística (UPC) organiza a XIII Summer School in Statistics
12 de xuño de 2019 – 7 de xullo de 2019
Barcelona, España
Descrición: A XIII Summer School consta de 11 cursos regulares que se imparten en inglés ou castelán, así como 2 cursos especiais. Os cursos regulares teñen unha duración de 15 horas e inclúen clases teóricas e prácticas. Algúns dos cursos regulares están relacionados co deep/machine learning e a análise de Big Data. Un dos cursos especiais consiste na participación nun Hackaton para enfermidades raras nun grupo multidisciplinar (é un evento sen ánimo de lucro). O segundo curso consiste, despois dalgunhas sesións introdutorias, na participación na reunión de primavera da International Statistical Engineering Association, que este ano vira en torno ao concepto de Enxeñería Estatística. A inscrición xa está aberta na ligazón https://mesioupcub.masters.upc.edu/en/xiii-summer-school-2019/xiii-summer-school-2019, onde tamén se pode atopar información adicional sobre os cursos.
Para máis información, contactar a través de
5.- Escuela Latinoamericana de Verano en Investigación Operativa (Operations Research Summer School for Young Latin American Scholars), ELAVIO 2019
1 de xullo de 2019 – 5 de xullo de 2019
Lleida, España
Descrición: A primeira edición de ELAVIO tivo lugar en Chile en 1994. Desde entón, a Escola organizouse cada verán co obxecto de promover educación en investigación de operacións entre os estudantes (PhD e mestrado) e investigadores. O propósito de ELAVIO é estimular o desenvolvemento de novas redes de colaboración e animar a implicación dos xoves na IO a través de conferencias en cursos. Os participantes tamén teñen a oportunidade de presentar os seus propios traballos. É de salientar o forte senso de camaradería establecido entre os participantes ao longo de todas as edicións desta Escola, facilitando un grande número de contactos enriquecedores entre investigadores e grupos de diferentes paísese.
Na ELAVIO XXIII 2019, que terá lugar na Universitat de Lleida, Lleida, España, do 1 ao 5 de xullo, abordaranse os seguintes temas:
Máis información: http://www.eco.unc.edu.ar/files/internacionales/Elavio_2019.pdf, Lluís M. Plà Aragonès
6.- Taller sobre os servicios de Eurostat de 3 horas
10 de xuño de 2019
Santiago de Compostela, España
Obxectivo: O obxectivo da formación é incrementar a visibilidade dos datos e servizos ofrecidos por Eurostat. Para iso, a empresa Sogeti Luxembourg, encargada de deseñar e levar a cabo a estratexia de difusión en España dos datos e servizos dispoñibles en Eurostat, ofrece seminarios introductorios e gratuítos en entidades colaboradoras para dar a coñecer o portal da Oficina Estatística da Unión Europea. Este taller aborda tanto o acceso aos datos (localización e extracción) así como as ferramentas e outros servizos dispoñibles na páxina web de Eurostat. Para levar a cabo a formación, necesitamos unicamente a colaboración da súa institución para xestionar:
Duración do curso: A duración do curso adoita ser de aproximadamente 2-3 horas.
Normalmente o curso consiste nunha hora de presentación, unha pequena pausa e unha hora e media de sesión práctica, ademais dunha rolda de preguntas.
Público obxectivo: Para participar nesta actividade non se require coñecemento previo en estatística ou métodos cuantitativos. Convídase a profesionais e todos aqueles interesados en estatísticas europeas a asistir a este taller introdutorio, deseñado para unha audiencia non experta. Con todo, si é aconsellable que o nivel de coñecemento dos participantes sobre o uso da base de datos de Eurostat sexa parecido.
Estrutura do curso: A primeira parte da sesión céntrase na presentación da función de Eurostat, as súas principais actividades, os diferentes temas estatísticos, bases de datos e ferramentas de extracción de datos dispoñibles na páxina web de Eurostat. A segunda parte é máis práctica e involucra aos participantes nunha serie de actividades relacionadas coa extracción de datos. Os participantes poden traballar individualmente nos seus propios computadores portátiles e/ou en grupos compartindo un computador. Durante este tempo o formador axudará aos participantes coas tarefas asignadas. Poderá asistirse por videoconferencia desde as universidades de Vigo e Coruña.
Programa
Contacto:
Data límite de inscrición: 3 de xuño.
7.- Xornada de Primavera da SoCE L’estadística de les Coses (#DataScienceSoCE)
Descrición: A Xornada de Primavera da SoCE L’estadística de les Coses
(#DataScienceSoCE) terá lugar o 5 de xuño de 2019 no salón de actos da Escola Tècnica Superior d’Arquitectura de Barcelona (ETSAB), Avinguda Diagonal, 649, 08028 Barcelona.
Programa:
Inscricións ata o 3 de xuño (gratuítas) no seguinte formulario:
https://docs.google.com/forms/d/e/1FAIpQLSe9WD8ZvJPPlrGvLhqlFzow2BNRimttMHcDrMza2Kis1lF2Sg/viewform
8.- Curso de análise de datos en investigación cualitativa
Descrición: Organiza o Centro de Estudos Andaluces e Escola Andaluza de Saúde Pública. Esta actividade deberase financiar individualmente, non admite matrículas con cargo a cotas de prazas reservadas polo Organismo.
Dirixido a: Profesionais, investigadores e alumnado de mestrado ou doutoramento interesados na análise de datos cualitativos aplicado á planificación, avaliación e investigación sanitaria e en Ciencias Sociais.
Obxectivos:
Data límite para a inscrición: 17 de xuño de 2019
Data de realización: 24 ao 26 de xuño de 2019
Coordinación: Sandra Pinzón Puído
Matrícula: 150 €
Máis información: http://www.easp.es/cursos/?idCurso=312901NA19#C
9.- Congreso XoveTIC
5 de setembro de 2019 - 6 de setembro de 2019
Santiago de Compostela, España
Descrición: Informámosvos que os días 5 e 6 de setembro terá lugar o II Congreso XoveTIC. Este congreso, organizado polo CITIC e de inscrición gratuíta, está destinado a mozos investigadores (predoutorais e posdoutorais) de universidades galegas e do norte de Portugal que presentarán comunicacións orais ou pósteres das súas investigacións no ámbito das tecnoloxías da información e as comunicacións (TIC). O obxectivo é construír un espazo de encontro para o debate científico e contribuír así á súa formación. Este ano, o Congreso XoveTIC está integrado na 27ª Conferencia Europea de Procesamento de Sinais, EUSIPCO 2019, que contará con relatores, investigadores e persoeiros pertencentes ao ámbito da industria de relevancia internacional. As contribucións ao congreso poderán ser orixinais ou traballos adaptados xa presentados noutros foros. Todos aqueles traballos que se acepten serán publicados nun libro de actas. Ademáis, haberá premios destinados a recoñeceren a calidade, a excelencia e a orixinalidade das comunicacións.
Máis información relativa a este congreso en: https://xovetic.citic.udc.es/
10.- Contratos na modalidade Visiting Assistant Professor (Contratado Interino) no Departamento de Estadística da Universidad Carlos III de Madrid
Descrición: O Departamento de Estadística da Universidad Carlos III de Madrid (UC3M) oferta dous contratos de Visiting Assistant Professor (non-tenure-track). As súas funcións serán a docencia en estatística e cursos relacionados, tanto en inglés coma en español, ademais de contribuír ás liñas de investigación do Departamento. O contrato dará comezo o 1 de setembro de 2019 e rematará o 15 de xuño de 2020.
Avaliarase especialmente o currículo investigador dos candidatos, tanto a súa calidade como o seu axuste ás liás de investigación do Departamento. O Comité de Selección de Ciencias Sociais, que xestionará o proceso, estará composto por: Beatriz García Osma (Presidente), Raquel Carrasco Perea (Secretaria), Paloma Aguilar Fernández (membro), José Niño Mora (Director do Departamento), e representantes dos empregados da universidade.
Os candidatos deberán posuír o título de doutor no momento do comezo do contrato, como tamén experiencia nos eidos da Econometría, Investigación de Operacións, Probabilidade e Estatística.
O contrato é por un ano, anualmente renovable ata un máximo de tres anos.
Salario anual: 23,268 euros.
Data límite de envío de solicitudes: 15 de xuño de 2019.
Máis información: http://www.uc3m.es/departamento.estadistica
Os solicitantes deberán ter permiso previo para traballar en España. As solicitudes se enviarán á dirección
11.- Convocatoria prazas de profesor axudante doutor na USC
Descrición: Convocatoria prazas de profesor axudante doutor, Concurso 1001 a 1082/19-20, prazas de profesor axudante doutor nas áreas de Análise Matemática e Estatística e Investigación Operativa
Publicado por: Servizo de Planificación de PDI
Data de Resolución Reitoral/DOG/BOE: 08.05.2019
Data de publicación de Resolución Reitoral/DOG/BOE: 16.05.2019
Data límite de entrega de solicitudes: O prazo de presentación de solicitudes remata o 03.06.2019, ás 23:59 horas
Máis información:
http://www.usc.es/gl/servizos/profesorado/modules/convocatorias_recentes/convocatoria_0012.html
12.- Contrato de pre-doutoramento na Universitat Autònoma de Barcelona (España)
Descrición: Se ofertan 3 anos de formación para desenvolver metodoloxía estatística aplicada á Biodosimetría, no Programa de Doutoramento en Matemáticas na Universitat Autònoma de Barcelona (UAB). O contrato se enmarcará nun proxecto interdisciplinar entre a UAV e o Institut de Radioprotection et de Sûreté Nucléaire (IRSN). A persoa seleccionada pasará a metado do tempo do contranto en cada unha das mencionadas institucións, de feito será un plan de doutoramento con mención internacional.
Contactos:
13.- Oferta de emprego para un responsable de bioestatística na Clinipace Clinical Research
Descrición: Clinipace é unha organización de servizos clínicos globais (CRO) para empresas relacionadas coa industria farmacéutica, a biotecnoloxía e a instrumentación médica.
Localización: Madrid (no ámbito rexional, “home-based”)
Descrición do posto: Proporcionar todos os servizos de bioestatística necesarios para satisfacer os requisitos de todos os clientes de Clinipace, incluíndo servizos completos, bioinformática e outros estudos tipo.
Funcións e responsabilidades de traballo:
Espérase que un responsable da área de bioestatística sexa un exitoso bioestatístico sénior que leve a cabo e lidere un traballo de calidade cuxo obxectivo sexa a excelencia nos seguintes aspectos:
Máis información: https://www.clinipace.com/current-openings/
1.- XIV Congreso da SGAPEIO
24 de outubro de 2019-26 outubro de 2019
Vigo, España
Descrición: O Departamento de Estatística e Investigación Operativa da Universidade de Vigo organiza, respondendo á petición da Sociedade Galega para a Promoción da Estatística e a Investigación de Operacións (SGAPEIO), o XIV Congreso Galego de Estatística e Investigación de Operacións.
Invítase a tódolos colectivos a participar nestas xornadas e a que envíen os seus traballos, tanto teóricos coma aplicados, para a súa presentación durante o congreso, que terá lugar na Escola de Enxeñería Industrial (Sede Cidade) de Vigo do 24 ao 26 de outubro de 2019. Nesta edición, a programación oficial contará cunha sesión temática de Biometría, que será organizada pola SGAPEIO e a Sociedade Portuguesa de Estatística (SPE) dando continuidade aos Encontros Galaico-Portugueses organizados polas dúas sociedades desde o ano 2013. Esta colaboración ten como obxecto a promoción e divulgación da Estatística e I.O. en distintas áreas de aplicación, fomentando novas ideas e colaboracións de interese para as dúas comunidades.
Ademais, o programa ofrecerá actividades de carácter social e cultural, que esperamos que sexan do agrado dos asistentes.
Datas límite importantes:
Máis información: http://sgapeio2019.webs.uvigo.es/
2.- Curso non presencial estatística avanzada con R para profesionais da saúde
Descrición: Está aberta ata o 25 de maio a inscrición no Curso de Formación da Universidade de Vigo “Estatística Avanzada con ‘R’ para Profesionais da Saúde”, totalmente non presencial para que os titulados deste ámbito (ou estudantes universitarios de último curso) poidan seguilo en horario libre e desde calquera lugar de modo compatible coa súa actividade. O curso realizarase desde o 1 de xuño ata o 15 de xullo de 2019. O programa estatístico R é totalmente gratuíto e pódese instalar libremente en calquera computador e sistema operativo. Converteuse en poucos anos no programa estatístico de uso xeral máis potente e versátil, con gran diferenza sobre calquera outro programa existente. A comunidade estatística mundial colabora de forma desinteresada co proxecto R (R Project), e miles de investigadores achegan constantemente rutinas e utilidades aplicables a todos os campos, incluído o ámbito da saúde. O curso inclúe algunhas das técnicas estatísticas avanzadas máis utilizadas na investigación médica: análise de supervivencia, deseños de investigación, meta-análise, regresión de Cox, regresión de Poisson, regresión ordinal, regresión loxística multinomial, con datos e exemplos paso a paso, alcanzables para usuarios non expertos. Non é necesario ter un nivel elevado de Estatística ou coñecer previamente o programa R, aínda que sen dúbida eses coñecementos poden aumentar o rendemento do alumno. É eminentemente práctico e aplicado, e realizarase de forma virtual mediante secuenciación das unidades didácticas e tarefas a través de Faitic, a plataforma de teledocencia da Universidade de Vigo. Este curso ten concedido o recoñecemento da Consellería de Sanidade da Xunta de Galicia como actividade de formación continua (5,3 créditos) para todos os profesionais sanitarios titulados (licenciados, diplomados, grao). Ese recoñecemento é válido para todo o sistema nacional da saúde.
Custo da matrícula 125 euros (parados/estudantes 90 euros).
Máis información e inscrición en: https://bubela.uvigo.es/curso/3467
3.- Próximos seminarios do grupo MODES da Universidade da Coruña
21 de maio de 2019, 12:00 h
Simultaneous inference for empirical best predictor under generalized linear mixed models Katarzyna Reluga
Geneva School of Economics and Management
23 de maio de 2019, 16:00 h
Optimización heurísitca con GRASP
Rafael Martí
Universitat de València
Lugar: Aula de Graos Víctor Gulías – Facultade de Informática.
4.- Workshop on Modelling Economic and Financial Time Series
7 de xuño de 2019
Madrid, España
Descrición: O Comité de Organización invita a todos os interesado ao Workshop on Modelling Economic and Financial Time Series, que terá lugar o venres 7 de xuño de 2019, nas instalacións do Departamento de Estatística e o Instituto Flores de Lemus da Universidad Carlos III de Madrid (Campus Puerta de Toledo).
O grupo de Econometría UC3M-SD é un foro emprazado no Departamento de Estatística da Universidad Carlos III de Madrid para o intercambio e diseminación da investigación en econometría, series de tempo e as súas aplicación nos eidos da economía e das finazas. Este workshop proporciona unha excelente oportunidade para o establecemento de novas redes de investigación entre académicos e o intercambio de ideas ao máis alto nivel de calidade.
Conferenciantes invitados:
Rexistro en liña a través de:
http://www.est-econ.uc3m.es/MEFiTS2019/registration.html
Máis información:
http://www.est-econ.uc3m.es/MEFiTS2019/index.html
5.- Próximo congreso CMStatistics 2019 (ERCIM 2019)
14 de decembro de 2019 – 16 de decembro de 2019
Londres, Reino Unido
Descrición: O 12º Congreso Internacional ERCIM WG de Estatística Computacional e Metodolóxica (CMStatistics 2019) terá lugar na Senate House, University of London, do 14 ao 16 de decembro de 2019. Os cursos de R terán lugar o venres 13 de decembro. Este congreso está organizado polo ERCIM Working Group on Computational and Methodological Statistics (CMStatistics) e a Birkbeck University of London. A nova revista Econometrics and Statistics (EcoSta) e o seu suplemento, o Annals of Computational and Financial Econometrics son os principáis espónsores do congreso. Por outra banda, as revistas Econometrics and Statistics e Computational Statistics & Data Analysis publicarán aqueles artigos seleccionados en números especiais e regulares. O congreso terá lugar xuntamente co 13th International Conference on Computational and Financial Econometrics (CFE 2019). Este congreso ten unha gran reputación debido a alta calidade dos traballos presentados. De feito, o número de participantes superou os 1600 en pasadas edicións.
Para máis información contáctese con
6.- As matemáticas, vector estratéxico de progreso económico
7 de xuño de 2019
Santiago de Compostela, España
Obxectivo: O obxectivo desta serie de xornadas é difundir o potencial das Matemáticas como vector estratéxico de progreso económico. Recentemente presentouse o estudo do “Impacto socio-económico da investigación matemática e da tecnoloxía matemática en España”, elaborado por Analistas Financieros Internacionales (Afi) e promovido desde a Red Estratégica en Matemáticas. Entre outras conclusións, móstrase como as profesións con alta intensidade matemática achegan á economía española o mesmo que o sector do turismo, e que a súa produtividade hora é ata un 50% superior á alcanzada noutras profesións sen intensidade matemática. As Matemáticas constitúen por tanto un vector estratéxico de crecemento que esta serie de xornadas pretende impulsar. Para iso tratarase de sensibilizar á industria, ás institucións e á sociedade en xeral, achegando casos de éxito nos que as matemáticas foron unha ferramenta crave de innovación na industria, e presentar as distintas opcións que unha empresa ten ao seu alcance para axudarlle a incorporar na súa estratexia este motor de innovación.
Organizadores: Estas xornadas están patrocinadas pola Red Estratégica en Matemáticas (REM), pola Red Española Matemática – Industria (math- in) e polo Centro para el Desarrollo Tecnológico e Industrial (CDTI). Colaboran tamén na súa organización o Instituto de Matemática Interdisciplinar da UCM (IMI), o Instituto de Matemáticas da Universidad de Sevilla (IMUS), o Instituto Tecnolóxico de Matemática Industrial (ITMATI), a rede Temática Matemática – Industria, as Universidades da Coruña (UDC), La Rioja (UR), Rey Juan Carlos (URJC), Santiago de Compostela (USC) y Vigo (UVigo).
Edición en Galicia:
Programa:
Duración: 2 horas (3 horas se inclúe o debate).
Máis información: http://www.itmati.com/en/jornadas-en-colaboraci%C3%B3n-con-el-cdti-%E2%80%9Clas-matem%C3%A1ticas-vector-estrat%C3%A9gico-de-progreso-econ%C3%B3mico%E2%80%9D
7.- 3rd Annual Meeting of CINBIO
1 de xuño de 2019 – 2 de xuño de 2019
Vigo, España
Descrición: O comité organizador e científico comprácese en anunciar a apertura do período de inscricións e envío de resumos correspondentes á terceira reunión anual CINBI O, “3rd Annual Meeting of CINBIO”. Este ano, o tema é “Do banco á cama: diagnose, análise de datos e terapia”, e terá lugar na Sala de Conferencias da Facultade de Ciencias da Universidade de Vigo, do 1 ao 2 de xullo de 2019. Este terceiro CINBIO é un congreso interdisciplinar que será organizado polos investigadores novos do CINBIO, que incidirá especialmente nos traballos multidisciplinares, levados a cabo por grupos internacionais, aspectos que caracterizan ao noso Centro Investigador. Por tanto, terán lugar conferencias a cargo de expertos en eidos coma a investigación do cancro, análise e deseño de nanomateriais, bioinformática, bioestatística, inmunoloxía, e síntese química, entre outras investigacións dirixidas polo noso centro. Entre outros temas de discusión, se abordará o tema das novas ferramentas para elaborar os medicamentos do futuro, que abrirá o programa de conferencias. Desde o comité organizador animamos a todas as persoas interesadas a participar e mandar comunicacións orais e tipo póster, que poderán optar a premio outorgado polo congreso. Os certificados de asistencia serán proporcionados por correo electrónico, ademais de publicarse un libro de abstracts.
Inscrición, de balde, en:
https://docs.google.com/forms/d/e/1FAIpQLSdJg-ojDEOUqIOsepmFV_TdtIEBeg8_6gDK9QqJK_8rqwdrAQ/viewform
Máis información en: http://amcinbio.webs.uvigo.es/
Contacto:
8.- Oferta de contrato para titulado superior
Proxecto: Deseño Óptimo de Experimentos Aplicado á Industria Agroalimentaria, Farmacéutica e Metalmecánica financiado pola Consejería de Educación, Cultura y Deportes da Junta de la Comunidad de Castilla - La Mancha.
Requisitos: Diplomatura e/ou licenciatura/grao e/ou mestrado e/ou doutoramento. Preferencia en Estatística, Matemáticas ou calquera outra con base estatística sólida.
Obxectivo xeral: Realización de tarefas de colaboración no proxecto de investigación.
Duración de contrato: Un ano (desde o 15 de xuño de 2019 ata o 15 de xuño do 2020).
Prazo: Desde a publicación da convocatoria, ata o día 20 Maio 2019.
Solicitudes: Quen desexe tomar parte nesta convocatoria deberán presentar solicitude electrónicamente, cumprimentando o modelo dispoñible na páxina da internet, de acceso público, da Universidad de Castilla-La Mancha:
https://convocatorias.rrhh.uclm.es/index.aspx?t=1, ou accedendo directamente desde a páxina principal da Universidade (www.uclm.es) ,INVESTIGACIÓN, CONVOCATORIAS, CONVOCATORIAS DE PERSOAL CON CARGO A PROXECTOS DE INVESTIGACIÓN, Ref.: 2019-COB-9325.
Lugar de traballo: Grupo de investigación Diseño Óptimo de Experimentos no campus tecnolóxico “Fábrica de Armas” de Toledo.
Contacto: Os candidatos interesados poden contactar con Dr. Raúl Martín Martín (
Máis información: https://bit.ly/2E1tOXO