1.- XIII Congreso Galego de Estatística e Investigación de Operacións
Como sabedes, o XIII Congreso Galego de Estatística e Investigación de Operacións celebrarase en Ferrol do 26 ao 28 de outubro de 2017, organizado polo departamento de Matemáticas da Universidade da Coruña.
Lembramos que o envío de traballos e a inscrición a prezo reducido están abertos ata o 15 de setembro de 2017.
Con motivo deste XIII Congreso SGAPEIO está programado un curso de “Actualización en Estatística para profesorado de Secundaria no entorno da LOMCE”, coordinado por Salvador Naya e Covadonga Rodríguez Moldes.
Máis información: http://sgapeio2017.udc.es/ 

2.- Wenceslao González Manteiga , novo membro do IMS
O Institute of Mathematical Statistics (IMS) nomeou como novo membro ao catedrático de Estatística e Investigación Operativa da USC Wenceslao González Manteiga, unha designación reservada a investigadores de recoñecido prestixio no ámbito da estatística e a probabilidade.
Este nomeamento recoñece as súas contribucións á teoría da inferencia non paramétrica, ao bootstrap e á análise de datos funcionais, así como o seu servicio á comunidade, especialmente en Galicia e España.
A cerimonia de presentación dos novos membros do IMS tivo lugar o pasado 31 de xullo de 2017 en Baltimore (EEUU), durante a celebración do Joint Statistics Meeting, que está considerado como un dos eventos máis importantes do mundo no ámbito da estatística.
Más información: http://bulletin.imstat.org/2017/05/2017-ims-fellows/ e na web da SGAPEIO, www.sgapeio.es

3.- Curso de Modelos de Investigación Operativa en Teoría de Xogos
Lembramos que o grupo de Teoría de Xogos da SEIO organiza un curso de Modelos de Investigación Operativa en Teoría de Xogos, que terá lugar os días 13 e 14 de outubro de 2017 en Pontevedra. 
Data de inscrición: Preferiblemente antes do 15 de setembro.
O curso ten como obxectivos dar a coñecer a Teoría de Xogos como ferramenta de utilidade en diversos ámbitos económicos e empresariais, contribuír a que se afiancen as relacións entre estudantes de doutoramento que realicen as súas teses en España en temas próximos á Teoría de Xogos, e favorecer o intercambio de ideas entre estudantes de doutoramento e investigadores que poida dar lugar a novas perspectivas de investigación.
Este curso está dirixido a estudantes de doutoramento para os que a Teoría de Xogos poida ser de utilidade nas súas liñas de investigación, tanto a nivel teórico como práctico. Isto inclúe alumnado de cursos de Economía, Administración de Empresas, Investigación Operativa, Matemáticas, Enxeñeira, Loxística, Ciencias Políticas e Dirección Pública, entre outras.
Máis información: http://docjuegos.webs.uvigo.es/ 

4.- IV Xornada de Usuarios de R en Galicia
A IV Xornada de Usuarios de R en Galicia terá lugar na Aula Magna da Facultade de Matemáticas da Universidade de Santiago de Compostela, o día 19 de outubro de 2017.
Organizada pola Oficina de Software Libre do CIXUG, e patrocinada pola AMTEGA (Xunta de Galicia) incluirá relatorios e talleres co obxectivo de promocionar o coñecemento da linguaxe estatística R e as súas aplicacións, así como proporcionar un punto de encontro para todas aquelas persoas interesadas en intercambiar as súas experiencias e atopar colaboracións do resto da comunidade.
A inscrición, de balde e de libre acceso, pode realizarse a través da seguinte páxina: https://www.r-users.gal/inscricion.
Para presentar algún relatorio sobre un tema relacionado con R, hai que enviar un resumo da idea ao seguinte formulario: https://goo.gl/forms/pIGcZLB4ToNQBjM33. O prazo para o envío de resumos está aberto ata o día 10 de setembro de 2017.
Máis información: https://www.r-users.gal/ 

5.- Stat Wars: El despertar de los datos
“Stat Wars: El despertar de los datos”, un proxecto de divulgación científica impulsado pola rede BIOSTATNET e financiado pola FECYT, xa está presente en redes sociais.
Este proxecto trata de achegar a Estatística aos estudantes de ESO e Bacharelato dunha forma orixinal e divertida, mostrándolles a súa utilidade para a resolución de problemáticas habituais de diversas disciplinas científicas e presentándolles unha profesión con moito futuro. 
Twitter: https://twitter.com/StatWars17 

6.- VIII European Statistical Forum
The eighth edition of the European Statistical Forum (13 November 2017, Barcelona) will be dedicated to the topic of “Statistical Methods for Rare Diseases and Special Populations”. Presentations will focus on:
- Innovative statistical methods for rare diseases and special populations.
- Clinical trials designs, endpoints as well as approaches to evidence synthesis and extrapolation.
- Regulatory views on statistical approaches.
- Practical examples and case studies.
Thereby, the conference will promote the exchange between experts coming from statistics, medicine, regulatory and academia interested in the field of rare diseases and special populations.
More info: https://esf-2017.eventify.it/about 

7.- 1st Spanish Young Statisticians and Operational Researchers Meeting
O primeiro Encontro Español de Novos Investigadores de Estatística e Investigación de Operacións (SYSORM: Spanish Young Statisticians and Operational Researchers Meeting) terá lugar en Granada os días 13, 14 e 15 de novembro de 2017.
O Encontro está organizado por e para novos investigadores (menos de 3 anos de experiencia postdoutoral) baixo o auspicio da Sociedad Española de Estadística e Investigación Operativa (SEIO).
O obxectivo do Encontro é representar e dar visibilidade ás novas xeracións de investigadores en Estatística e Investigación de Operacións, abarcando tanto aspectos metodolóxicos como aplicados, así como facilitar a comunicación profesional entre eles. 
Datas importantes:
- Envío de resumos: 7 de setembro de 2017
- Confirmación de aceptación/rexeitamento: 21 de setembro de 2017
Máis información: https://congresos.ugr.es/sysorm17/ 

8.- Curso de Análise e visualización de datos sanitarios con R
A Escuela Andaluza de Salud Pública organiza un curso presencial de análise e visualización de datos sanitarios co programa estatístico R. Este curso ten por obxectivo introducir aos asistentes nas bases fundamentais da xestión de bases de datos e na análise estatística, tanto numérica como gráfica. 
O curso está dirixido a profesionais sanitarios relacionados coa xestión e análise estatística de bases de datos, que estean interesados en profundar nos seus coñecementos sobre manipulación de ficheiros e análises gráficas. 
- Lugar: Granada
- Datas: 4-6 de outubro de 2017
- Horas: 20
Prazo de inscrición: ata o 6 de setembro de 2017.
Máis información: http://www.easp.edu.es/programadocente/ 

9.- XVI Certame Universitario “Arquímides”
O Ministerio de Educación, Cultura e Deporte convoca o XVI Certame Universitario "Arquímides" 2017 de Introdución á Investigación Científica (BOE nº 188 do 8 de agosto de 2017). O obxecto desta convocatoria é fomentar o espírito investigador dos estudantes universitarios novos mediante a concesión de premios a traballos de investigación.
Os destinatarios son os universitarios matriculados en estudos de master, grao, enxeñería ou arquitectura durante o curso 2016-2017 en centros españois nos que se imparten titulacións oficiais. 
Presentación de solicitudes: ata o 11 de setembro de 2017.
Máis información:
https://www.mecd.gob.es/servicios-al-ciudadano-mecd/en/catalogo/educacion/estudiantes/premios/universitarios/certamen-universitario-arquimedes.html#dg 

10.- Convocatoria de contratos para científicos en formación
Ford España e Apadrina la Ciencia lanzan a súa primeira convocatoria de axudas de investigación para científicos en formación. Os candidatos poden traballar en áreas de Ciencias, Saúde, Matemáticas, Enxeñería, Tecnoloxía, Medio Ambiente e Enerxías Sostibles.
Ford España, co apoio de Ford Motor Company Fund, e Apadrina la Ciencia defenden con esta convocatoria que o investimento en ciencia é investimento de futuro, fonte de coñecemento e riqueza para un país. Neste sentido, unen esforzos para financiar dous contratos de investigación, dun ano cada un, que permitirán a dous estudantes completar a súa educación finalizando a súa tese doutoral. Ademais, estes contratos facilitarán a inserción laboral dos beneficiarios e a súa permanencia en actividades de I+D+i en España.
As solicitudes poderán presentarse ata as 24:00 horas do día 15 de setembro de 2017, a través do email: Este enderezo de correo está a ser protexido dos robots de correo lixo. Precisa activar o JavaScript para velo..
Máis información: http://idealia.wixsite.com/apadrina-la-ciencia 

11.- Oferta de emprego no CESGA
A Fundación Pública Gallega Centro Tecnológico de Supercomputación de Galicia (Fundación CESGA) convoca un proceso selectivo para cubrir por sistema de concurso e mediante contrato temporal, un posto de técnico/a superior de proxecto para a realización dun proxecto específico de investigación.
Titulación requirida:
Nivel 2 (Grao) segundo o Marco Español de cualificacións para a Educación Superior recollido no Real Decreto 1027/2011 de 15 de xullo ou calquera outra equivalente de plans anteriores. A titulación debe ser nalgunha das seguintes áreas de coñecemento: Enxeñaría, Informática, Física ou Matemáticas.
Requisitos:
Coñecementos de técnicas de programación en python, análise de datos e intelixencia artificial.
Presentación de solicitudes: ata as 14:00 h. do 14 de setembro de 2017.
Máis información: https://www.cesga.es/es/ofertas_emprego/ofertas/oferta/idUsuarioOferta/0/id/200

1.- Número 46 de INFORMEST
A partir do vindeiro mércores 26 estará dispoñible na páxina web da SGAPEIO, apartado de PUBLICACIÓNS, o número 46 de INFORMEST. Este número ten o seguinte sumario:
- Editorial: Que me ofrece a SGAPEIO?
- Colaboración: A aplicación de técnicas estatísticas na administración pública galega.
- Entrevista: Alfredo Bermúdez de Castro e Julio González Díaz.
- Actividades da SGAPEIO: VII Edición do Concurso Incubadora de Sondaxes e Experimentos e Fase Nacional.
- Novas do IGE: Novidades na información estatística publicada.
- Traballos de Estatística e Investigación Operativa no SUG: Teses.
- Coñecendo a un socio da SGAPEIO: Raúl Jácome Rodríguez.
- Sabías que?: Cada vez vivimos máis, pero...vivimos mellor?
Máis información: http://www.sgapeio.es 

2.- XIII Congreso Galego de Estatística e Investigación de Operacións
Como sabedes, o XIII Congreso Galego de Estatística e Investigación de Operacións celebrarase en Ferrol do 26 ao 28 de outubro de 2017, organizado polo departamento de Matemáticas da Universidade da Coruña. Como en edicións anteriores, entre os distintos actos incluiranse conferencias, mesas redondas, obradoiros e comunicacións, ademais de actividades de carácter cultural coas que procuramos facer máis atractiva a participación.
Datas importantes:
- Data límite para o envío de traballos: 25 de xullo.
- Data límite para a notificación de aceptación ou rexeitamento: 30 de xullo de 2017. Ampliada ao 1 de setembro.
- Data límite para a inscrición a prezo reducido: 15 de setembro de 2017.
Máis información: http://sgapeio2017.udc.es/

3.- Seminario na Facultade de Matemáticas
O Departamento de Estatística, Análise Matemático e Optimización de Santiago organiza o seguinte seminario que terá lugar o día 27 de xullo de 2017 no Salón de Graos da Facultade de Matemáticas: 12:00 – 13:00. Seyed Morteza Amini (Department of Mathematics, Statistics and Computer Science - University of Tehran).
“Improving genomic prediction of riboflavin production using RNA expression analysis of Bacillus subtilis genome array with sparse partially linear additive noise model”. 

4.- Cursos da EASP no segundo semestre de 2017
A Escuela Andaluza de Salud Pública organiza os seguintes cursos para os próximos meses:
Curso de análise e visualización de datos sanitarios co programa estatístico R (II edición) Dirixido a profesionais sanitarios relacionados coa xestión e análise estatístico de bases de datos interesados en profundar nos seus coñecementos sobre manipulación de ficheiros e análise gráfico.
- Modalidade: presencial.
- Datas: 4-6 de outubro de 2017.
- Duración: 20 horas.
- Prazo de inscrición: ata o 6 de setembro de 2017. 

Aplicación das árbores e bosques aleatorios (random forest) á investigación básica e clínica Dirixido a profesionais interesados en coñecer unha das ferramentas máis empregadas na Ciencia de Datos.
- Modalidade: semipresencial.
- Datas: 28-29 de setembro e 9-10 de outubro de 2017.
- Duración: 30 horas.
- Prazo de inscrición: ata o 2 de setembro de 2017.
Máis información: http://www.easp.edu.es/programadocente/ 

5.- Bolsas de iniciación á investigación no grupo MODES
O grupo de investigación de Modelización, Optimización e Inferencia Estadística (MODES) da Universidade da Coruña (UDC) busca candidatos para bolsas de iniciación á investigación no grupo. Estas bolsas están dirixidas a estudantes que estean matriculados no MTE pola UDC durante o curso 2017-2018. Están orientadas a aqueles estudantes que vaian decantarse pola realización dunha futura tese doutoral.
Os bolseiros iniciarán a súa formación investigadora tanto en aspectos metodolóxicos no ámbito da estatística ou a investigación de operacións, como noutros avances computacionais, permitindo unha futura incorporación nalgún dos proxectos de investigación que o grupo MODES lidera, tanto nos financiados con fondos públicos como naqueles executados en colaboración con empresas.
As bolsas terán unha duración dun semestre comprendido no curso académico 2017/18, no que os seleccionados realizarán colaboracións puntuais en temas de transferencia e investigación desenvolvidos polo grupo e sempre titorizados por algún membro de MODES.
Presentación de solicitudes: ata o 8 de setembro de 2017.
Máis información: http://eio.usc.es/pub/mte/descargas/Anuncio_Becas_Modes_MTE_2017_18.pdf 

6.- Bolsas do IGAPE para proxectos de mellora 2017
O Instituto Galego de Promoción Económica (IGAPE) convoca, en réxime de concorrencia competitiva, o programa de bolsas formativas para a realización de proxectos de mellora nas PEMES galegas, no ámbito do programa Reacciona.
O obxecto da convocatoria aberta é a concesión de 100 bolsas para a realización de prácticas formativas incardinadas en programas de mellora nas PEMES galegas, coa finalidade de formar a titulados universitarios en diversas áreas relacionadas coa profesionalización e desenvolvemento estratéxico da empresa.
A convocatoria está aberta a universitarios galegos que obtivesen a súa titulación en 2011 ou anos posteriores. O prazo para a presentación de solicitudes rematará o próximo 14 de setembro de 2017.
Máis información: http://www.igape.es/gl/ser-mais-competitivo/asesoramento/bolsas-re-acciona 

7.- Bolsas de colaboración en investigación no IMAT
Dentro do PLAN DE LANZAMENTO DA ÁREA DE MATEMÁTICAS, o Instituto de Matemáticas (IMAT), convoca 11 bolsas de colaboración para a iniciación á investigación dirixidas a estudantes matriculados na USC durante o curso 2017-2018 nalgunha das seguintes titulacións: 
- Máster en Matemática Industrial.
- Máster en Matemáticas.
- Máster en Técnicas Estatísticas.
Período de solicitude: do 14 ó 27 de xullo de 2017 
Máis Información: http://www.usc.es/export9/sites/webinstitucional/gl/institutos/matematicas/descargas/Bolsas-IMAT-master-convocatoria-galego_17-18-asinado.pdf 

8.- Praza de xestor de investigación no IMAT
Dentro do PLAN DE LANZAMENTO DA ÁREA DE MATEMÁTICAS, o Instituto de Matemáticas (IMAT) convoca unha praza de xestor de investigación dirixida a licenciados e graduados, para facer as seguintes tarefas: 
- Actividades de xestión do IMAT. 
- Participación en proxectos de investigación nacionais e internacionais.
- Actividades científicas e de divulgación.
- Busca de financiamento.
- Coordinación coas redes dos distintos grupos. 
Período de solicitude: do 14 ao 27 de xullo de 2017.
Máis información: http://www.usc.es/export9/sites/webinstitucional/gl/institutos/matematicas/descargas/Contrato-Xestor-asinado.pdf 

AVISO: A SGAPEIO suspende o envío das novas quincenais ata o mes de setembro. Que pasedes un bo verán!

1.- XIII Congreso Galego de Estatística e Investigación de Operacións
Como sabedes, o XIII Congreso Galego de Estatística e Investigación de Operacións celebrarase en Ferrol do 26 ao 28 de outubro de 2017, organizado polo departamento de Matemáticas da Universidade da Coruña. Como en edicións anteriores, entre os distintos actos incluiranse conferencias, mesas redondas, obradoiros e comunicacións, ademais de actividades de carácter cultural coas que procuramos facer máis atractiva a participación.
Datas importantes:
- Data límite para o envío de traballos: 30 de xuño de 2017. Ampliada ao 25 de xullo!
- Data límite para a notificación de aceptación ou rexeitamento: 30 de xullo de 2017. Ampliada ao 1 de setembro.
- Data límite para a inscrición a prezo reducido: 15 de setembro de 2017.
Máis información: http://sgapeio2017.udc.es/ 

2.- Resolución da VII Incubadora de Sondaxes e Experimentos
Está dispoñible na páxina web da SGAPEIO a información detallada sobre os traballos gañadores da VII edición do concurso Incubadora de Sondaxes e Experimentos:
1º e 2º da ESO:
- Porqué á miña nai non lle gusta o chocolate branco? CPI San Vicente (A Baña). 3º e 4º da ESO:
- Amigos si, pero... a vaquiña polo que vale? CPI As Revoltas (Cabana de Bergantiños). Bacharelato e Ciclos Formativos:
- MACHISMO EN LA SOCIEDAD ¿Somos realmente las nuevas generaciones menos machistas? Colexio Alca (Ames).
Estes traballos representaron a Galicia na VII Fase Nacional dos concursos tipo Incubadora de Sondeos y Experimentos. 

3.- Resolución da VII Fase Nacional “Incubadora de Sondeos y Experimentos”
Os días 28, 29 e 30 de xuño de 2017 tivo lugar en Oviedo a VII Fase Nacional dos concursos tipo Incubadora de Sondeos y Experimentos, coa participación de 12 fases locais.
Os traballos que representaban a Galicia nas categorías de 1º-2º da ESO e 3º-4º da ESO resultaron gañadores na súa categoría.
A relación completa de traballos premiados nesta VII Fase Nacional da “Incubadora de Sondeos y Experimentos” pode consultarse na páxina web do concurso: 
http://bellman.ciencias.uniovi.es/incubadora/nacional/

4.- V Seminario de Inferencia Estatística en Áreas Pequenas
O V Seminario de Inferencia Estatística en Áreas Pequenas vaise celebrar o vindeiro venres, 7 de xullo, ás 10 h, na Aula de Graos Víctor Gulías da Facultade de Informática da Universidade da Coruña. Nel participarán Jiming Jiang (University of California), Thuan Nguyen (Oregon Health & Science University) e Esther López Vizcaíno (Instituto Galego de Estatística).
O seminario poderá seguirse por videoconferencia. 

5.- XV Concurso STUDENT de Estatística Aplicada
O Servei d'Estadística Aplicada da Universitat Autònoma de Barcelona convoca a XV edición do Concurso STUDENT de Estatística Aplicada.
Poderán optar ao concurso tódolos estudantes de grao ou de máster que estean matriculados neste curso académico 2016-17 en calquera universidade española. Os aspirantes deberán analizar un conxunto de datos, enmarcado nun problema real, e propoñer unha solución. O contido do traballo deberá ser inédito e de temática libre.
Outorgaranse tres premios:
- Premio Idescat ao mellor traballo de máster: dotación económica de 500 €.
- Premio SEA ao mellor traballo de grao: dotación económica de 500 €.
- Premio Almirall ao mellor traballo en bioestatística: dotación económica de 500 €.
Data límite para enviar os traballos: 10 de setembro de 2017.
Máis información: http://sct.uab.cat/estadistica/es/content/concurso-student-de-estad%C3%ADstica-aplicada 

6.- I Encontro Conxunto RSME-UMA
O Primeiro encontro conxunto da Real Sociedad Matemática Española (RSME) e a Unión Matemática Argentina (UMA) vaise celebrar en Buenos Aires, Argentina, do 11 ao 15 de decembro de 2017, e terá como sede o Departamento de Matemática da Facultade de Ciencias Exactas e Naturais da Universidad de Buenos Aires (UBA).
Haberá doce conferencias plenarias e once sesións especiais. O Encontro vaise desenvolver de forma simultánea e coordinada coa Reunión Anual da UMA, que comprende ademáis tres actividades tradicionais: o Encontro de Estudantes, a Reunión de Educación Matemática (REM) e o Festival de Matemáticas.
Datas importantes:
- Período de inscrición: do 1 de setembro ao 15 de decembro de 2017.
- Inscrición reducida: do 1 de setembro ao 17 de novembro de 2017.
Máis información: http://uma2017.dm.uba.ar/

7.- The 18th International Conference on Intelligent Data Engineering and Automated Learning (IDEAL'2017) 
The International Conference on Intelligent Data Engineering and Automated Learning (IDEAL) is an annual international conference dedicated to emerging and challenging topics in intelligent data analysis, data mining and their associated learning systems and paradigms. Its core themes include: the Big Data challenges, Machine Learning, Data Mining, Information Retrieval and Management, Bio- and Neuro-Informatics, Bio-Inspired Models (including Neural Networks, Evolutionary Computation and Swarm Intelligence), Agents and Hybrid Intelligent Systems, and Real-world Applications of Intelligent Techniques. Other related and emerging themes and topics are also welcome.
More info: http://ideal2017.guet.edu.cn/ideal/index.html

8.- Prazas de docente de Estatística
A Universidade de Santiago de Compostela covoca concurso para a provisión de 2 prazas de persoal docente para a Facultade de Ciencias da Educación en Santiago de Compostela:
- Departamento: Didácticas Aplicadas.
- Área: Didáctica da Matemática.
- Perfil: Ensino e aprendizaxe da medida, probabilidade e estatística (G3141325).
- Adicación: P3
Máis información: http://www.usc.es/gl/servizos/profesorado/prazasabertas/profesor.html?id=22224&valor=true 

9.- Prazas en Iberdrola para proxecto de Big Data Analytics
Iberdrola oferta dúas prazas para traballar nun proxecto de Big Data Analytics co seguinte perfil: Estudos de Matemáticas/Ciencias Exactas con experiencia no tratamento de datos e implementación de regras analíticas sobre bases de datos non estruturadas.
Máis información: http://eio.usc.es/pub/mte/index.php/es/noticias/1576-vacante-proyecto-big-data-analytics