1.- Publicación do Número 58 do INFORMEST
Infórmase a todos os socios da publicación do novo número do INFORMEST, incluíndo as seguintes seccións:
O documento está accesible a través do seguinte enlace:
https://www.sgapeio.es/INFORMEST/Informest58.pdf.
2.- Consecución do premio internacional Poster Competition 2020-2021
O traballo "What is the Most Effective Fertilizer?", presentado na X Edición do Concurso Incubadora de Sondaxes e Experimentos por Aldán Mosquera, Daniel Iglesias, Valentín Giovani e Xián Paredes, do IES Pontepedriña, sendo a titora Concepción Sieiro, vén de recibir a Mención de Honra no International Poster Competition 2020-2021 (International Statistical Literacy Project).
Desde a SGAPEIO felicitamos a todo o equipo por este magnífico resultado.
Máis información:
https://www.sgapeio.es/index.php/listado-novas/3493-poster-competition-2020-2021
3.- Resolución da Fase Galega do Concurso Incubadora de Sondaxes e Experimentos
Reunido o xurado da Fase Galega do Concurso da Incubadora de Sondaxes e Experimentos, a 11 de xuño de 2021, resolveuse nomear os seguintes premios, finalistas e mencións en cada unha das categorías:
Traballos gañadores:
Traballos finalistas:
Mencións especiais:
A SGAPEIO agradece encarecidamente todo o traballo e ilusión postas por todos os participantes da presente edición, facendo especial fincapé na calidade, orixinalidade e paixón que caracterizan aos traballos presentados. Tamén aproveitamos a agradecer a valiosísima labor de coordinación do equipo organizador, así como o inestimable traballo realizado polos avaliadores.
Máis información: https://www.sgapeio.es/index.php/formacion-e-actividades/premios-sgapeio/3442-xi-concurso-incubadora-de-sondaxes-e-experimentos
4.- Consecución do premio da Fase Nacional da Incubadora de Sondaxes e Experimentos
Reunido o xurado da Fase Nacional do Concurso da Incubadora de Sondaxes e Experimentos, composto por:
Resolveuse outorgar o premio ao mellor traballo na categoría de Bacharelato as gañadores da fase galega, Laura Alonso Simón, Sabela Cambón Martínez, Sara Castelo Paredes, Alejandra Guimeráns Guillen, Samuel Vidal Mariño, sendo titoras Trinidad Pazos Celis e Olga Simón Cruz, do IES Cacheiras (Teo).
Desde a SGAPEIO felicitamos a todo o grupo, polo seu fantástico traballo, polos inmellorables resultados, representando magnificamente á estatística galega.
Máis información sobre todos os gañadores en:
http://www.seio.es/Incubadora/premiados-2020-21.html
5.- Premio SEIO-FBBVA á mellor contribución metodolóxica en estatística outorgado a membros da SGAPEIO
Recentemente falláronse os Premios Sociedad de Estadística e Investigación Operativa (SEIO) – Fundación BBVA, na súa edición do 2021, resultando como gañadores á mellor contriibución metodolóxica en Estatística o traballo dos investigadores da Universidade da Coruña e membros da SGAPEIO Ricardo Cao Abad, María Amalia Jácome Pumar e Ana López Cheda, en colaboración con Ingrid Van Keilegom (Katholieke Universiteit Leuven, Bélxica) titulado “Nonparametric incidence estimation and bootstrap bandwidth selection in mixture cure models” e publicado na revista Computational Statistics & Data Analysis.
Desde a SGAPEIO felicitamos aos gañadores e, por extensión, a toda a estatística galega polo éxito acadado neste ámbito tan competitivo no eido nacional.
Máis información: https://www.fbbva.es/noticias/fallados-los-premios-sociedad-de-estadistica-e-investigacion-operativa-seio-fundacion-bbva-2021/
6.- XV Congreso Galego de Estatística e Investigación de Operacións
Temos o pracer de anunciar que os días 4, 5 e 6 de novembro do ano 2021 celebrarase en Santiago de Compostela o XV Congreso Galego de Estatística e Investigación de Operacións.
O congreso, organizado polo Departamento de Estatística, Análise Matemática e Optimización da Universidade de Santiago de Compostela, por encargo e coa colaboración da Sociedade Galega para a Promoción da Estatística e a Investigación de Operacións (SGAPEIO), ten por obxecto contribuír á divulgación dos avances na teoría, nas aplicacións e na didáctica da Estatística e da Investigación de Operacións, así como facilitar a súa relación con todos os eidos do coñecemento científico e tecnolóxico. Con tales fins, entre os distintos actos incluiranse conferencias, mesas redondas, obradoiros e sesións de comunicacións orais e tipo póster.
Tendo en conta a situación sanitaria motivada pola pandemia da COVID-19, as actividades do congreso cumprirán todas as medidas necesarias para garantir a seguridade das persoas participantes no congreso. Por este motivo, contémplase a posibilidade de que algunhas sesións se realicen de maneira telemática, mentres que as sesións que podan realizarse de maneira presencial respectarán as restricións de aforo e outras medidas preventivas. As actividades culturais, que esperamos poder celebrar, tamén estarán suxeitas a estas restricións.
Comunícase que está aberto o prazo para presentarse aos premios para a mellor comunicación presentada por investigadores novos, ademais do concurso de pósteres de MTE, para pósteres de estatística e investigación de operacións realizados por estudantes do Mestrado en Técnicas Estatísticas.
A data límite para a presentación de comunicacións vén de estenderse ata o 27 de xullo. Máis información: http://xvcongreso.sgapeio.es
7.- Seminario na USC impartido por Vojtěch Kika
Desde o departamento de Estatística, Análise Matemática e Optimización e o Instituto de Matemáticas da Universidade de Santiago de Compostela convidámosvos ao seguinte seminario que terá lugar o día 29/07/2021 en liña a través de Zoom e presencial na facultade.
16:00 – 16:45 Vojtěch Kika (Department of Probability and Mathematical Statistics, Charles University, Czech Republic) “Multivariate tail coefficients and their estimation”. Certificarase unicamente a asistencia aos alumnos do programa de doutoramento en Estatística e Investigación Operativa das 3 universidades galegas. É necesario previamente rexistrarse en Zoom.
Contacto:
8.- Praza de Profesor Axudante Doutor na Universidade de Vigo
O 20 de xullo saíu publicada no DOG a convocatoria dunha praza de Axudante Doutor no Centro Universitario da Defensa - ENM (centro adscrito á Universidade de Vigo).
O perfil está asociado á docencia en "Cálculo I" e "Álxebra e Estatística", polo que a titulación requirida é a licenciatura en Matemáticas ou graos afíns.
O prazo finaliza o próximo 31 de agosto.
Máis información https://cud.uvigo.es/concurso-profesorado
9.- Procura de candidatos para contratos de predoutoramento no grupo MODES (UDC)
O grupo de investigación Modelización, Optimización e Inferencia Estatística (MODES) da Universidade da Coruña (UDC) busca candidatos para próximas convocatorias de contratos de predoutoramento, sufragados con fondos de investigación do grupo e do CITIC, con posibilidade de participar tamén en futuras convocatorias competitivas. O perfil requirido é o de estudantes de máster ou xa titulados, cunha sólida formación no ámbito das matemáticas e a estatística. En calquera caso, os candidatos deben estar en condicións de matricularse nun programa oficial de doutoramento ao longo do curso 2021-2022. As persoas interesadas que teñan pensado incorporarse ao programa de doutoramento en setembro de 2021, poden enviar a súa expresión de interese, xunto co seu CV e copia do seu expediente académico, a estas direccións de correo electrónico (
1.- XV Congreso Galego de Estatística e Investigación de Operacións. Segunda circular
A Sociedade Galega para a Promoción da Estatística e a Investigación de Operacións (SGAPEIO) celebrará en Santiago de Compostela, do 4 ao 6 de novembro de 2021, o XV Congreso Galego de Estatística e Investigación de Operacións.
Vén de habilitarse unha páxina web na dirección http://xvcongreso.sgapeio.es/, onde se atopará toda a información sobre as actividades do congreso e se poderá facer a inscrición e o envío de comunicacións.
En concreto, xa é posible enviar os traballos tanto se se van a presentar en forma oral como en formato póster. Os traballos poderán remitirse en galego, castelán, portugués ou inglés indistintamente. O prazo para o envío de traballos remata o 5 de xullo.
2.- XI Concurso Incubadora de Sondaxes e Experimentos
A Sociedade Galega para a promoción da Estatística e da Investigación de Operacións (SGAPEIO), convocou o XI Concurso Incubadora de Sondaxes e Experimentos para proxectos de estatística e investigación de operacións realizados por estudantes de ESO, FP Básica, Bacharelato e Ciclos Formativos de Grao Medio da Comunidade Autónoma de Galicia.
Máis información: https://www.sgapeio.es/index.php/formacion-e-actividades/premios-sgapeio/3442-xi-concurso-incubadora-de-sondaxes-e-experimentos.
3.- Bases da Fase Nacional do Concurso “Incubadora de Sondaxes e Experimentos”
A Sociedad de Estadística e Investigación Operativa (SEIO), a través do comité de organizadores locais dos concursos “Incubadora de Sondaxes e Experimentos”, vén de aprobar as bases do concurso a nivel nacional.
Máis información en: http://www.seio.es/Incubadora/II-Fase-Nacional-del-Concurso-Tipo-Incubadora-de-Sondeos-y-Experimentos-4.html
4.- Publicación do Número 57 do Informest
Vén de publicarse neste mes de marzo, o número 57 do Informest, o boletín da SGAPEIO. Podes acceder a lectura ou descarga desta publicación en
https://www.sgapeio.es/index.php/2-uncategorised/3472-numero-57-de-informest
5.- Convocatoria VIII edición do concurso Explícoche Matemáticas 2.0
A Comisión de Normalización Lingüística da Facultade de Matemáticas, convoca a IX edición do concurso Explícoche matemáticas 2.0, o seu obxectivo é promover a utilización do galego como medio de transmisión das matemáticas e estimular a creatividade do alumnado cos medios audiovisuais.
Pode participar o alumnado das universidades públicas de todo o Estado español de todas as titulacións de grao, mestrado e doutoramento, así como alumnado de 3º e 4º da ESO e de bacharelato dos centros de educación secundaria de Galicia e comunidades limítrofes en grupos cun máximo de tres estudantes dirixidos por un profesor ou profesora.
Máis información en:
https://www.usc.gal/gl/servizos/snl/
6.- Bolsas para estadías de investigadores/as novos/as 2021 - BIOSTATNET
A Rede Nacional de Bioestatística, lanza la "BOLSA DE ESTANCIAS JÓVENES INVESTIGADORES 2021".
O obxectivo do Programa é potenciar o coñecemento do persoal membro de grupos de investigación na área da Bioestatística, especialmente daqueles que se atopan na súa etapa de formación.
Máis información: www.biostatnet.com.
7.- XIV Foro de Interacción Matemática Industria
O XIV Foro de Interacción Matemática Industria terá lugar o venres 4 de xuño de 2021 no Edificio do Centro de Investigación en Ciencias da Tecnoloxía da Información e as Comunicacións (CITIC), (UDC).
Esta proposta anual, xa na súa decimocuarta edición, é unha iniciativa dos grupos de Matemática Aplicada, Estatística e Investigación Operativa das tres universidades galegas, que consolidan a súa labor de transferencia de tecnoloxía á industria e ó sector productivo a través de ITMATI.
Máis información: http://www.itmati.com/XIV-foro
8.- European Meeting on Game Theory 2021 (SING16)
O European Meeting on Game Theory 2021 (SING16), organizado polo Departamento de Económicas da Universidade de Granada (España) terá lugar do 30 de xuño ó 2 de xullo de 2021 de maneira virtual.
Máis información en: https://congresos.ugr.es/sing16/
9.- Seminarios GEOMED
O GEOMED organiza unha serie de conferencias interdisciplinarias sobre estatística espacial e epidemiolóxica así coma aspectos xeográficos de saúde pública. Máis información sobre datas e poñentes en: https://sites.uci.edu/geomed2022/events/
10.- CFP CAEPIA 20/21
A Conferencia da Asociación Española para a Intelixencia Artificial (CAEPIA) é un foro bienal aberto a investigadores de todo o mundo para presentar e debater os seus últimos avances científicos e tecnológicos en Intelixencia Artificial (I.A.). Terá lugar en Málaga do 22 ó 24 de setembro na modalidade híbrida online/presencial.
Máis información en: https://caepia20-21.uma.es/inicio.html
1.- XI Concurso Incubadora de Sondaxes e Experimentos
A Sociedade Galega para a promoción da Estatística e da Investigación de Operacións (SGAPEIO), convocou o XI Concurso Incubadora de Sondaxes e Experimentos para proxectos de estatística e investigación de operacións realizados por estudantes de ESO, FP Básica, Bacharelato e Ciclos Formativos de Grao Medio da Comunidade Autónoma de Galicia.
Poden participar estudantes (matriculados en centros da Comunidade Autónoma de Galicia no curso 2020-2021) de ESO, FP Básica, Bacharelato e Ciclos Formativos de Grao Medio. A participación pode ser individual ou en grupo (máximo de 5 estudantes). Cada participante ou grupo deberá contar polo menos cun docente-titor do seu centro, que supervise o traballo presentado. Distínguense tres categorías:
Non hai limitación de concursantes por un mesmo centro, nin de traballos titorizados por un mesmo docente. Só se permite unha participación por estudante.
Datas importantes:
Máis información:
https://www.sgapeio.es/index.php/formacion-e-actividades/premios-sgapeio/3442-xi-concurso-incubadora-de-sondaxes-e-experimentos.
2.- VIII Xornada de Formación para Elaborar Proxectos de Estatística
O pasado 6 de febreiro veu de celebrarse a VIII Xornada de Formación para Elaborar Proxectos de Estatística, organizada pola Sociedade Galega para a Promoción da Estatística e a Investigación de Operacións (SGAPEIO) e a Asociación Galega de Profesorado de Educación Matemática (AGAPEMA). Dirixida a profesores de ESO e Bacharelato, en formato online, contou coa participación de docentes de secundaria e das universidades galegas, ademais da presentación dos traballos gañadores da X Incubadora de Sondaxes e Experimentos, que se poden visualizar a través da ligazón https://www.sgapeio.es/index.php/estatistica-no-ensino/3458-videos-da-xornada-de-formacion-sgapeio-agapema-2020.
3.- XV Congreso Galego de Estatística e Investigación de Operacións
Temos o pracer de anunciar que os días 4, 5 e 6 de novembro do ano 2021 celebrarase en Santiago de Compostela o XV Congreso Galego de Estatística e Investigación de Operacións.
O congreso, organizado polo Departamento de Estatística, Análise Matemática e Optimización da Universidade de Santiago de Compostela, por encargo e coa colaboración da Sociedade Galega para a Promoción da Estatística e a Investigación de Operacións (SGAPEIO), ten por obxecto contribuír á divulgación dos avances na teoría, nas aplicacións e na didáctica da Estatística e da Investigación de Operacións, así como facilitar a súa relación con todos os eidos do coñecemento científico e tecnolóxico. Con tales fins, entre os distintos actos incluiranse conferencias, mesas redondas, obradoiros e sesións de comunicacións orais e tipo póster.
Tendo en conta a situación sanitaria motivada pola pandemia da COVID-19, as actividades do congreso cumprirán todas as medidas necesarias para garantir a seguridade dos congresistas. Por este motivo, contémplase a posibilidade de que algunhas sesións se realicen de maneira telemática, mentres que as sesións que podan realizarse de maneira presencial respectarán as restricións de aforo e outras medidas preventivas. As actividades culturais, que esperamos poder celebrar, tamén estarán suxeitas a estas restricións.
Nos próximos días habilitaremos unha páxina web onde estará dispoñible a información do congreso.
Agardamos a vosa participación.
4.- Libro X INCUBADORA DE SONDAXES E EXPERIMENTOS
Infórmase que se ven de publicar o libro da X Incubadora de Sondaxes e Experimentos (2020), que recolle todos os traballos premiados, finalistas con mención e os finalistas con mención especiais presentados ao X Concurso Incubadora de Sondaxes e Experimentos (2020). O documento pode consultarse a través da ligazón
https://www.sgapeio.es/descargas/X%20Incubadora%20de%20sondaxes%20e%20experimentos.pdf
5.- Curso de introdución a python
Desde o IMAT (Instituto de Matemáticas) está a organizarse un Curso de introdución a python, animados pola boa acollida deste curso en 2020 así como a demanda dunha nova edición desde diversos sectores da facultade de matemáticas. A continuación, concrétanse os datos do curso:
A destacar que aínda que inicialmente o curso vai ser impartido de maneira presencial, se as circunstancias sanitarias así o recomendasen pasaría a impartirse desde a plataforma MS TEAMS.
6.- Curso gratuíto de Excel aplicado a finanzas
12 Febreiro 2021
Curso gratuíto de Excel aplicado a finanzas para alumnos de penúltimo e último ano de carreira, que che axudarán a adquirir as competencias máis valoradas polas empresas nestes momentos.
O coñecemento de Excel abrirache as portas ao mundo laboral. Excel é unha das ferramentas máis utilizadas e versátiles para poder facer calquera tipo de cálculo.
O obxectivo deste curso de Excel é formar no manexo das funcións máis relevantes de Excel así como na creación de gráficos e táboas dinámicos.
Máis información: https://www.afiescueladefinanzas.es/curso-de-excel?utm_source=mailchimp&utm_medium=email&utm_campaign=cursos-gratuitos&utm_term=&utm_content=
7.- Cursos Transmitting Science
Infórmase á comunidade da SGAPEIO dos seguintes cursos organizados por Transmitting Science:
8.- Curso ECAS-SFdS. Text Mining: do básico ás ferramentas deep learning, Fréjus (Francia)
A próxima escola ECAS-SFdS terá lugar do10 ao 15 de outubro de 2021 na Riviera francesa. O tema é "Text Mining: do básico ás ferramentas deep learning". Farase unha revisión dos métodos clásicos neste ámbito, ademais de describir os avances máis recentes no procesamento de datos de texto. Diversos casos de estudo no ámbito da industria servirán para ilustrar as contribucións das novas representacións e o modo de procesalas mediante redes neuronais profundas.
Máis información: https://www.sfds.asso.fr/fr/ecas/632-home/
9.- Programa de Seminarios Virtuais IMUS
Infórmase a todos os membros da SGAPEIO do ciclo de seminarios en liña do Instituto de Matemáticas de la Universidad de Sevilla (IMUS), a cargo de profesionais e académicos de renombrado prestixio, ademais de incluir presentación de xoves investigadores.
Ciclos en marcha:
10.- Premios de Investigación Matemática Vicent Caselles
A Fundación BBVA e a Real Sociedade Matemática Española (RSME) colaboran na convocatoria e adxudicación da sétima edición dos Premios de Investigación Matemática Vicent Caselles. Os premios levan o nome de quen foi profesor das universidades de Valencia, Illas Baleares e Pompeu Fabra, en recordo da súa figura científica e humana.
Nesta convocatoria concederase un máximo de seis premios, cada un coa dotación bruta de 2.000 euros, todos eles na modalidade de Investigación Matemática.
Os premios están dirixidos a investigadores en matemáticas de nacionalidade española, ou doutra nacionalidade que realizasen o seu traballo de investigación nunha universidade ou centro científico de España, que sexan menores de 30 anos ao 31 de decembro de 2020 e por tanto nacesen nos anos 1991 ou seguintes.
Sen excluír ningunha rama temática que se considere pertinente dentro do rango da investigación matemática á que se refiren os premios, considéranse incluídas as seguintes: combinatoria, optimización, estatística, teoría da información, lóxica, teoría de números, álxebra, xeometría algebraica, topoloxía, xeometría, teoría de representacións, análise, sistemas dinámicos, ecuacións en derivadas parciais, modelización e simulación, computación e aproximación, física matemática, matemáticas da vida e da Terra, matemáticas económicas e sociais.
O prazo de presentación de candidaturas, a través do correo electrónico
Máis información: https://www.fbbva.es/premios/premios-investigacion-matematica-vicent-caselles-2021/
11.- Bolsas Leonardo a Investigadores e Creadores Culturais Fundación BBVA
As Bolsas Leonardo a Investigadores e Creadores Culturais Fundación BBVA están destinadas a apoiar o desenvolvemento de proxectos persoais de investigadores e creadores culturais en estadios intermedios da súa carreira, de entre 30 e 45 anos e cunha produción científica, tecnolóxica ou cultural altamente innovadora.
Os proxectos terán unha duración mínima de 12 meses e máxima de 18 meses.
Concederanse polo menos 55 bolsas para o conxunto da convocatoria, dotada cada unha delas cun importe bruto máximo de 40.000 euros, nas seguintes áreas:
Data límite de recepción de candidaturas: 25 de febreiro de 2021, ás 19:00 h (hora peninsular).
Máis información: https://www.redleonardo.es/wp-content/uploads/sites/6/2020/11/Bases-Becas-Leonardo-2021.pdf
https://www.redleonardo.es/becas/becas-leonardo-investigadores-creadores-culturales-2021
12.- Prazas de profesor Contratado Doutor e de Axudante Doutor na UAM
O Departamento de Matemáticas da Universidade Autónoma de Madrid (UAM) ten previsto convocar en breve unha praza de Contratado Doutor Interino na área de Estatística e Investigación Operativa. Así mesmo, nos próximos meses (antes de fin de curso) é previsible a convocatoria de prazas de Axudante Doutor no mesmo área. Os interesados poden enviar o seu CV aos Profesores Javier Cárcamo (
13.- Oferta de traballo para xestor de valorización tecnolóxica en math-in
Convocatoria para a contratación dun xestor de valorización tecnolóxica para a Plataforma Española de Tecnoloxías de Modelización, Simulación e Optimización nunha Contorna Dixital (PET MSO-ED) aberta ata o 2 de marzo de 2021.
Máis información: http://eamo.usc.es/pub/mte/descargas/OfertaEmpleo_PET_MSO_ED.pdf
14.- Convocatoria contrato de predoutoramento na Universidade de Deusto
Cruz E. Borges (Cruz Enrique Borges Hernández) e Diego Casado-Mansilla (Diego Casado-Mansilla) ambos os investigadores da Universidade de Deusto, Bilbao (España) ofertan unha praza para cursar un doutoramento no campo da conservación de enerxía, modelización causal e factores humanos.
Título da praza: Modelización causal para comprender a demanda enerxética nos sectores residencial e de servizos.
Tema: Non se estudou suficientemente o papel que desempeñan os seres humanos nos obxectivos de descarbonización da UE. O obxectivo desta praza aberta é atopar un estudante cunha sólida formación en ciencias do comportamento e modelos causales para definir formalmente cales son as motivacións que teñen as persoas en relación co uso de enerxía dentro dos fogares e cales son os impulsores do cambio de comportamento proambiental (tamén se poden incluír edificios terciarios).
Perfil do candidato:
Como se pode observar, psicoloxía, economía, informática/enxeñería ou socioloxía son os títulos universitarios ou másteres que esperamos dos candidatos.
Prazo: 05/03/2021 15:00 - Europa / Bruxelas.
Se ten algunha pregunta, non dubide en preguntar a Cruz (
Máis información:
https://researchpositions.deusto.es/causal-modeling-for-understanding-of-the-energy-demand-on-the-residential-and-service-sectors/
15.- Prazas no grupo BCAM IKERBASQUE
O Centro Vasco de Matemática Aplicada (BCAM), xunto con IKERBASQUE, convida a postularse para un posto de Líder de Grupo en Modelización Matemática Aplicada á Saúde. Esta convocatoria de Group Leader ofrece un posto de investigación permanente para un Group Leader que desexe desenvolver unha carreira científica a longo prazo no País Vasco. Esta convocatoria está aberta a:
O comité de avaliación considerará aos candidatos máis fortes con excelentes capacidades de liderado e un historial de investigación sobresaliente. Espérase que o candidato seleccionado realice unha investigación independente e coordine as actividades que está a realizar o centro en modelización matemática aplicada á saúde en colaboración con institucións sanitarias vascas co apoio do Gobierno Vasco nun proxecto específico. Trátase dun proxecto ambicioso con investigación centrada nas matemáticas aplicadas, que aborda cuestións fundamentais na epidemioloxía da saúde pública (incluída a vixilancia), a xestión do sistema de saúde e a medicina personalizada. O proxecto cobre áreas de investigación que van desde a ciencia de datos e a intelixencia artificial ata a bioloxía matemática ou a epidemioloxía e a dinámica de biofluidos (de enfermidades infecciosas, incluíndo pero non limitándose a COVID-19).
Requírese que os candidatos sexan capaces de desenvolver non só investigación metodolóxica senón tamén aplicacións multidisciplinares en colaboración con centros de investigación, institucións sanitarias, hospitais… O candidato debe ser capaz de promover colaboracións internacionais, captar financiamento competitivo e constituír os seus propios grupos de investigación.
Máis información:
http://www.bcamath.org
1.- XI Concurso Incubadora de Sondaxes e Experimentos
A Sociedade Galega para a promoción da Estatística e da Investigación de Operacións (SGAPEIO), convocou o XI Concurso Incubadora de Sondaxes e Experimentos para proxectos de estatística e investigación de operacións realizados por estudantes de ESO, FP Básica, Bacharelato e Ciclos Formativos de Grao Medio da Comunidade Autónoma de Galicia.
Poden participar estudantes (matriculados en centros da Comunidade Autónoma de Galicia no curso 2020-2021) de ESO, FP Básica, Bacharelato e Ciclos Formativos de Grao Medio. A participación pode ser individual ou en grupo (máximo de 5 estudantes). Cada participante ou grupo deberá contar polo menos cun docente-titor do seu centro, que supervise o traballo presentado. Distínguense tres categorías:
Non hai limitación de concursantes por un mesmo centro, nin de traballos titorizados por un mesmo docente. Só se permite unha participación por estudante.
Datas importantes:
Máis información:
https://www.sgapeio.es/index.php/formacion-e-actividades/premios-sgapeio/3442-xi-concurso-incubadora-de-sondaxes-e-experimentos.
2.- VIII Xornada de Formación para Elaborar Proxectos de Estatística
A Sociedade Galega para a Promoción da Estatística e a Investigación de Operacións (SGAPEIO) e a Asociación Galega de Profesorado de Educación Matemática (AGAPEMA) organizan a VIII Xornada de Formación para Elaborar Proxectos de Estatística. Esta xornada está dirixida a profesores de ESO e Bacharelato e impartirase nunha única edición Online.
Programa provisional:
Máis información: https://www.sgapeio.es/index.php/estatistica-no-ensino/3447-xornada-de-formacion-sgapeio-agapema-2020.
3.- Seminario Adam Smith 2021
O Seminario Adam Smith é un seminario de investigación interdisciplinario para a presentación de novos traballos en economía, política e filosofía, neste caso a través do prisma da Teoría de Xogos. As linguas vehiculares serán o inglés ou o alemán. Este seminario está organizado por Manfred J. Holler, do Centro de Resolución de Conflitos de Múnic, en cooperación con Gregor Berz, do Instituto de Deseño de Mecanismos Aplicados (IFAMD), de Múnic e Saarbrucken, ademais de Florian Rupp da Universidade Internacional de Kutaisi e de Eva Wolf, tamén do Centro de Resolución de conflitos de Munich. As charlas impartiranse en liña, normalmente os luns de 17:00 a 18:30, concretamente o 1, 8 e 15 de febreiro, sendo organizadas pola IFAMD. Prégase se poñan en contacto con
Programa confirmado:
1 de febreiro de 2021. Peter Emerson: O voto maioritario como catalizador do populismo: toma de decisións preferente para unha democracia inclusiva. Introdución e presentación a cargo de Shanti Chakravarty (University College of North Wales en Bangor).
Máis información: www.ccr-munich.de
4.- Seminario web da ISBIS: Data Science in Industry
28 de xaneiro de 2021
A Sociedade Internacional de Estatística Industrial e Empresarial (ISBIS) presenta o seminario web Data Science in Industry.
O almacenamento de datos en todo o mundo aumenta drasticamente día a día, e as empresas precisan administrar os datos que recompilan para extraer información útil que lles sirva para tomar decisións. En consecuencia, a profesión de Científico de Datos ou Data Scientist está a estenderse en moitas empresas. Pero, que fai realmente un científico de datos nunha empresa? Como xestionan e elaboran realmente os datos? Que tipo de problemas resolven usando a estatística? Neste seminario web, tres científicos de datos explicarán os seus traballos en Pinterest, Amazon e T-Mobile.
Máis información: https://www.isi-web.org/component/jevents/eventdetail/86/-/data-science-in-industry?Itemid=1
5.- Spatial and Temporal Statistics Symposium (STSS)
17 de febreiro - 19 de febreiro de 2021
Este simposio virtual ten como obxectivo principal o desenvolvemento, formación dos estudantes de estatística espacial e temporal, así como o fomento da colaboración entre eles. Estimularase a discusión sobre avances recentes en metodoloxía e aplicacións da estatística espacial e temporal.
Máis información: https://stss2021.wordpress.com.
6.- Contrato para técnico superior de investigación
Perfil: Grao en Física, Matemáticas, Estatística ou Enxeñería (Biomédica, Industrial, Telecomunicación, Informática) ou similares.
Proxecto: "Desenvolvemento dun sistema de IA para a adecuación da intensidade asistencial de pacientes críticos de COVID-19 na UCI integrando técnicas de Machine e Deep Learning". Proxecto financiado por GAIN- FEDER, Código: IN845D-2020/29.
Condicións/Duración: 20 meses.
Data límite: 25/01/2021.
Requisitos imprescindibles: Estar a cursar (2º ano) ou cursar un mestrado de estatística, enxeñería industrial, telecomunicacións, ou similar. As ofertas que non cumpran con todos os requisitos imprescindibles quedarán automaticamente descartadas.
Requisitos que tamén serán valorados:
Máis información e solicitudes:
http://empleo.fundacionbiomedica.es/ofertastrabajo/inscripciones/33
7.- Contrato de doutor/a na Universidade do Minho
Vense de abrir o concurso, de ámbito internacional, para a contratación, na modalidade de contrato de traballo indefinido (a termo incerto) segundo o Código do Trabalho de Portugal, de un doutor/a para o exercicio de actividades de investigación científica no Centro de Matemática da Universidade do Minho nas seguintes áreas: Álxebra, Lóxica, Análise, Xeometría, Topoloxía, Probabilidades, Estatística e Investigación de Operacións.
Data límite para a presentación de solicitudes: 28 de xaneiro de 2021.
As candidaturas deberán ser formalizadas de acordo coa convocatoria dispoñible no sitio web http://www.cmat.uminho.pt/Default.aspx?lang=en-US.