Novas da SGAPEIO, 17 de marzo de 2025

1.- XVII Congreso Galego de Estatística e Investigación de Operacións

O Departamento de Estatística e Investigación Operativa da Universidade de Vigo, a petición da Sociedade Galega para a Promoción da Estatística e a Investigación de Operacións (SGAPEIO) organiza o XVII Congreso Galego de Estatística e Investigación de Operacións. Nesta ocasión, o congreso celebrarase en OURENSE do 23 ao 25 de OUTUBRO de 2025. Como en edicións anteriores, entre os distintos actos incluiranse conferencias, mesas redondas, obradoiros e comunicacións, ademais de actividades de carácter cultural coas que intentaremos facer mais atractiva a participación. O obxectivo deste congreso é contribuír á divulgación dos avances na teoría, nas aplicacións e na didáctica da Estatística e da Investigación de Operacións.

O Comité Organizador convida a todos aqueles vinculados coa Estatística e a Investigación de Operacións a participar nestas xornadas, amosando as súas experiencias e resultados máis recentes.

Máis información: http://xviicongreso.sgapeio.es/

2.- XV Concurso Incubadora de Sondaxes e Experimentos

A Sociedade Galega para a promoción da Estatística e da Investigación de Operacións (SGAPEIO) ven de convocar o XV Concurso Incubadora de Sondaxes e Experimentos para proxectos de estatística e investigación de operacións realizados por estudantes de ESO, Formación Profesional Básica, Bacharelato e Ciclos Formativos de Grao Medio da Comunidade Autónoma de Galicia.

Datas importantes:

• Inscrición de traballos: desde o 24 de marzo ata o 7 de abril de 2025.
• Entrega dos traballos finalizados: desde o 24 de marzo ata o 11 de abril de 2025.
• Fallo do xurado: do 19 ao 23 de maio de 2025.

Máis información: https://www.sgapeio.es/index.php/formacion-e-actividades/premios-sgapeio/3659-xv-concurso-incubadora-de-sondaxes-e-experimentos

3.- Workshop sobre especificación de modelos estatísticos no CITMAga

O CITMAga, en colaboración co grupo MODESTYA da USC, organiza o workshop "Statistical models specification under a kernel-based approach" o 21 de marzo de 2025. Trataranse diversos aspectos do ámbito estatístico con expertos na materia.

Programación:

• 10:00h - 11:00h | Pedro Galeano (Universidad Carlos III de Madrid).
• 11:00h - 11:30h | Coffee break.
• 11:30h - 12:00h | María Vidal García (USC).
• 12:00h - 12:30h | Laura Freijeiro González (Universidad de Oviedo).
• 12:30h - 13:00h | Daniel Diz Castro (USC).

Modalidade: Presencial e virtual.

Data: 21 de marzo de 2025.

Lugar: Salón de Graos da Facultade de Matemáticas (USC).

Hora: 10:00h - 13:00h.

Máis información: https://citmaga.gal/w/statistical-models-specification-under-a-kernel-based-approach

4.- "Nuevas soluciones con Big Data" organizado polo UC3M-Santander Big Data Institute (IBiDat)

O UC3M-Santander Big Data Institute (IBiDat) organiza un novo seminario da serie "Nuevas soluciones con Big Data", onde se presentarán problemas reais en distintos campos e as solucións aportadas utilizando todos os datos dispoñibles. Os seminarios intentan ser un punto de encontro de profesionais e académicos para presentar problemas e analizar posibles solucións baseadas en Big Data.

• Data e lugar: O seguinte seminario será o xoves 20 de marzo de 2025, de 16:00 a 17:30. Será en formato presencial e en liña, no campus da Universidade Carlos III, en Getafe, na sala 17.2.75.
• Título e poñente: Nesta ocasión, o seminario terá como título "Mi Salud Genómica: Uso Preventivo de Whole Genome Sequencing" e será impartido por Jesús Jerónimo, Director de Innovación en Salud Digital de Sanitas.
• Organización: Os seminarios son de carácter aberto e gratuíto, organizados por Celia Rico (Este enderezo de correo está a ser protexido dos robots de correo lixo. Precisa activar o JavaScript para velo.) á que podes dirixirte para información adicional.

Máis información: https://docs.google.com/forms/d/e/1FAIpQLSeYjQioaJsM37yMiaWAZrHPa0dgGgc0ziOwQ_qh60hxHvuoSA/viewform?pli=1

5.- Madrid UPM Machine Learning and Advanced Statistics Summer School

A Universidad Politécnica de Madrid (UPM) organizará novamente a escola de verán 'Madrid UPM Machine Learning and Advanced Statistics'. A escola de verán terá lugar en Boadilla del Monte, preto de Madrid, do 16 ao 27 de xuño. Esta edición inclúe 12 cursos semanais (15 horas de clase cada un), impartidos durante dúas semanas (seis cursos cada semana). Os asistentes poden rexistrarse en cada curso de forma independente. Non hai restricións, ademais das impostas polos horarios, sobre o número ou elección de cursos. Hai un desconto do 25% para membros das sociedades españolas AEPIA e SEIO. Por favor, compartide esta información cos vosos colegas, estudantes e quen consideredes que poida estar interesado.

Máis información: https://www.dia.fi.upm.es/MLAS

6.- Curso: Estatística Aplicada con R (6ª Edición)

A Universidade Autónoma de Madrid organiza a sexta edición do curso “Estadística Aplicada con R”, dirixido a estudantes, investigadores e profesionais interesados na análise de datos mediante R. O curso é modular, permitindo a inscrición completa ou por módulos específicos.

Datas: Do 24 de marzo ao 24 de xuño de 2025.

Modalidade: Presencial.

Módulos dispoñibles:

• Introdución a R.
• Visualización Interactiva de Datos con Shiny.
• Métodos de Regresión e Análise Multivariante.
• Estatística Aplicada á Investigación Biomédica.
• Machine Learning con R e tidymodels.
• Deep Learning con R.

Máis información: https://fuam.es/curso-corto/estadistica-aplicada-con-r-ed-6/

7.- IASS Webinar 51: Inferential Issues in Model-based Small Area Estimation

A Asociación Internacional de Estatísticos de Enquisas (IASS) organiza o webinar "Inferential Issues in Model-based Small Area Estimation: Some History and Selective Recent Developments", impartido por J.N.K. Rao, profesor distinguido da Universidade de Carleton, Ottawa. O evento terá lugar o 30 de abril de 2025, de 14:00 a 15:30 CET. O webinar abordará o crecemento da estimación de áreas pequenas (SAE) nos últimos 25 anos, destacando desenvolvementos recentes e métodos de estimación robustos.

Máis información: https://isi-web.org/webinar/iass-webinar-51-inferential-issues-model-based-small-area-estimation-some-history-and

8.- Workshop de Estatística Non Paramétrica (NP) da SEIO

Do 16 ao 18 de xullo de 2025, terá lugar un novo workshop organizado polo grupo de Estatística Non Paramétrica (NP) da SEIO no Campus de Mieres (Universidade de Oviedo, Asturias). O evento busca presentar avances recentes en NP e fomentar a colaboración entre investigadores.

Inscrición: ata o 6 de xuño de 2025.

Envío de resumos: ata o 12 de maio de 2025.

Poñentes confirmados:

• Ingrid Van Keilegom (KU Leuven).
• Javier Cárcamo Urtiaga (Universidade do País Vasco).
• Wenceslao González Manteiga (Universidade de Santiago de Compostela).
• María Dolores Jiménez Gamero (Universidade de Sevilla).
• Alicia Nieto Reyes (Universidade de Cantabria).
• Carlos Tenreiro (Universidade de Coímbra).

Máis información: https://sites.google.com/view/wnpseio

9.- Selección de congresos internacionais de estatística 2025

A continuación, preséntanse algúns congresos internacionais de estatística que terán lugar en 2025. Estes eventos ofrecen unha excelente oportunidade para investigadores, profesionais e estudantes de compartir coñecementos, presentar os seus traballos e establecer colaboracións.

• BIOSTAT 2025: 27th International Scientific Symposium on Biometrics, organizado pola Croatian Biometric Society. Terá lugar en Varaždin, Croacia, do 11 ao 14 de xuño de 2025. Máis información: http://www.hbmd.hr/biostat-2025.
• International Symposium on Forecasting (ISF 2025): O 45º Simposio Internacional de Forecasting terá lugar en Beijing, China, do 29 de xuño ao 2 de xullo de 2025. Máis información: https://isf.forecasters.org/.
• MASEMO 2025: Workshop on Markov, Semi-Markov Models and Associated Fields, que se celebrará na Université Paris Sorbonne, Francia, do 1 ao 4 de xullo de 2025. Máis información: https://masemo.sciencesconf.org/.
• DSSV 2025: Data Science, Statistics & Visualisation, organizado pola International Association for Statistical Computing, terá lugar no Kruger National Park, Sudáfrica, do 7 ao 9 de xullo de 2025. Máis información: https://iasc-isi.org/dssv2025/.
• International Vilnius Conference on Statistics and Its Applications: Conferencia que terá lugar en Vilna, Lituania, do 27 ao 29 de agosto de 2025. Máis información: https://www.statistics-vilniusconference.eu/.
• RSS International Conference 2025: Conferencia organizada pola Royal Statistical Society, que se celebrará en Edimburgo, Escocia, en setembro de 2025. Máis información: https://rss.org.uk/training-events/conference-2025/.
• Bayes Pharma 2025: Bayesian Biostatistics Conference, organizada pola Adolphe Quetelet Society, que terá lugar en Leiden, Países Baixos, do 22 ao 24 de outubro de 2025. Máis información: https://www.bayes-pharma.org/.
• uRos2025: The Use of R in Official Statistics, organizado polo Romanian National Statistics Institute, que terá lugar en Bucarest, Romanía, do 24 ao 26 de novembro de 2025. Máis información: https://r-project.ro/conference2025.html.
• 65th ISI World Statistics Congress: Congreso organizado pola International Statistical Institute, que terá lugar en The Hague, Países Baixos, do 5 ao 9 de outubro de 2025. Máis información: https://www.isi-next.org/conferences/isi-wsc2025/.
• METMA LATAM II: 2nd Latin American Conference on Spatio-Temporal Modelling, organizada pola Universidad del Norte, que terá lugar en Barranquilla, Colombia, do 25 ao 27 de xuño de 2025. Máis información: https://www.uninorte.edu.co/web/investigacion-desarrollo-e-innovacion/metma-latam-ii.
• EURO 2025: 34th European Conference on Operational Research, organizada pola Operational Research Society, que terá lugar en Leeds, Reino Unido, do 22 ao 25 de xuño de 2025. Máis información: https://euro2025leeds.uk/.
• OR 2025: International Conference on Operations Research, organizada pola German Operations Research Society, que terá lugar en Bielefeld, Alemaña, do 2 ao 5 de setembro de 2025. Máis información: https://or2025.de/. 

Todos estes eventos poden ser unha excelente oportunidade para estar ao día dos últimos avances na estatística, IO e as súas aplicacións, así como para establecer contactos con outros profesionais do sector.

10.- Premios Fundación BBVA Fronteras del Conocimiento: Convocatoria Aberta

Os Premios Fundación BBVA Fronteras del Conocimiento recoñecen contribucións fundamentais en diversos campos do coñecemento científico, tecnolóxico, humanístico e artístico. Estes premios distinguen avances disciplinares ou interdisciplinares que teñen un impacto significativo no mapa do coñecemento do século XXI.

Prazo de presentación: Desde o 1 de xaneiro de 2025 ata o 30 de abril de 2025.

Categorías:

• Ciencias Básicas (Física, Química, Matemáticas)
• Bioloxía e Biomedicina
• Tecnoloxías da Información e a Comunicación
• Cambio Climático e Ciencias do Medio Ambiente
• Economía, Finanzas e Xestión de Empresas
• Humanidades
• Ciencias Sociais
• Música e Ópera

Dotación: Cada premio ten unha dotación de 400.000 €, un diploma e un símbolo artístico. No caso de que o premio sexa compartido por máis dunha persoa, a dotación económica repartirase por igual entre todas elas.

Requisitos dos candidatos: Poden ser candidatos unha ou máis persoas físicas de calquera nacionalidade, así como organizacións científicas ou culturais que teñan realizado contribucións excepcionais nos ámbitos do coñecemento científico, a creación cultural, as actuacións fronte ao cambio climático e a conservación do medio ambiente. Os premios non poderán outorgarse a título póstumo.

Máis información: https://www.premiosfronterasdelconocimiento.es/informacion-y-bases/

11.- Premios SEIO-Fundación BBVA 2025: Convocatoria Aberta

A Sociedad de Estadística e Investigación Operativa (SEIO) e a Fundación BBVA anuncian a convocatoria dos Premios SEIO-Fundación BBVA 2025. Estes premios están destinados a recoñecer contribucións científicas particularmente relevantes nos campos da Estatística e a Investigación Operativa. O obxectivo é incentivar a investigación e a súa proxección á sociedade, destacando traballos que aporten avances significativos e orixinais nestas disciplinas.

Prazo de presentación: Desde o 18 de marzo de 2025 ata as 14:00 horas do 30 de abril de 2025.

Categorías:

• Contribución metodolóxica en Estatística: Premia avances significativos na metodoloxía estatística.
• Contribución metodolóxica en Investigación Operativa: Premia innovacións metodolóxicas en investigación operativa.
• Contribución aplicada en Estatística: Premia aplicacións prácticas da estatística en diversos campos.
• Contribución aplicada en Investigación Operativa: Premia aplicacións prácticas da investigación operativa en distintos sectores.
• Mellor contribución desde a Estatística e a Investigación Operativa á Ciencia dos Datos e o Big Data: Premia traballos que integren estas disciplinas para avanzar na ciencia dos datos e os Big Data.

Máis información: https://www.fbbva.es/premios/premios-seio-fundacion-bbva-2025/

12.- Premios Fundación Banco Sabadell á Investigación

A Fundación Banco Sabadell convoca anualmente os Premios á Investigación para recoñecer o talento investigador en diversos campos. As categorías inclúen:

• Investigación Económica: Dirixido a investigadores en economía, empresa e ciencias sociais.
• Investigación Biomédica: Enfocado a avances en biomedicina.
• Ciencias e Enxeñería: Premia investigación en ciencias e enxeñería.
• Sustentabilidade Mariña: Recoñece traballos sobre sustentabilidade e conservación mariña.

Prazo de solicitude: 3 de febreiro - 3 de abril de 2025.

Máis información: https://www.fundacionbancosabadell.com/premios/.

13.- Convocatoria de axudas para a preparación e xestión de proxectos europeos

A Axencia Estatal de Investigación (AEI) anuncia a convocatoria de axudas para a preparación e xestión de proxectos europeos e facilitar a atracción de talento internacional 2025. Estas axudas teñen como obxectivo reforzar as estruturas das institucións solicitantes e os coñecementos necesarios para a promoción, preparación, apoio e xestión de proxectos internacionais, co fin de mellorar as súas posibilidades de participación no Programa Horizonte Europa.

Prazo de presentación: Desde o 20 de marzo de 2025 ata as 14:00 horas do 10 de abril de 2025.

Obxectivos:

• Incrementar a participación de todos os axentes do sistema español en proxectos e programas internacionais.
• Aumentar o retorno económico conseguido polas entidades españolas a través de maior financiamento da Unión Europea.
• Impulsar o liderado das entidades españolas nos proxectos de Horizonte Europa.
• Fomentar a internacionalización do persoal investigador das institucións executoras de I+D+i.
• Apoiar o acceso a Horizonte Europa de entidades españolas sen experiencia previa.
• Promover a busca e captación de talento internacional nas institucións de I+D.

Máis información: https://www.aei.gob.es/convocatorias/buscador-convocatorias/preparacion-gestion-proyectos-europeos-facilitar-atraccion-13

14.- Contrato de persoal investigador predoutoral (antigas FPI) na UVigo

A Universidade de Vigo vén de convocar un contrato de persoal investigador predoutoral asociado ao proxecto "MECANOS4" sobre avances en estatística non paramétrica e semiparamétrica.

• Investigadores principais: Jacobo de Uña Álvarez, Juan Carlos Pardo Fernández.
• Candidaturas: Grao e mestrado en Estatística.
• Prazo de solicitude: 14 de marzo - 10 de abril de 2025.

Máis información: https://secretaria.uvigo.gal/uv/web/convocatoria/public/show/1456, Este enderezo de correo está a ser protexido dos robots de correo lixo. Precisa activar o JavaScript para velo., Este enderezo de correo está a ser protexido dos robots de correo lixo. Precisa activar o JavaScript para velo. e Este enderezo de correo está a ser protexido dos robots de correo lixo. Precisa activar o JavaScript para velo..