Procura de candidatos para contratos de predoutoramento na Universidad Miguel Hernández

O grupo de investigación en Ciencia de Datos y Objetivos de Desarrollo Sostenible (DATOS) do Instituto Universitario Centro de Investigación Operativa (CIO) da Universidad Miguel Hernández (UMH) de Elxe busca candidatos para próximas convocatorias predoutorais con fondos de investigación do grupo, con posibilidade de participar tamén en futuras convocatorias competitivas.

O perfil requirido é o de estudantes de mestrado ou xa titulados e cunha sólida formación no eido das matemáticas, a estatística, a investigación operativa e a informática. En calquera caso, os candidatos deben estar en condicións de matricularse nun programa oficial de doutoramento durante o curso académico 2022-2023.

As persoas interesadas que prevexan incorporarse ao programa de doutoramento no ano 2022 deben enviar á dirección de correo electrónico (Este enderezo de correo está a ser protexido dos robots de correo lixo. Precisa activar o JavaScript para velo.) os seguintes documentos:

• Informe motivador do interese en traballar nunha ou varias liñas de investigación do grupo DATOS,
• listaxe de investigadores do grupo DATOS cos que se estaría interesado en facer unha tese doutoral (valórase o acordo previo de dirección de tese doutoral),
• CV, e
• copia de expediente académico.

Os posibles candidatos interesados que estean en condicións de incorporarse ao programa de doutoramento como máximo en febreiro-marzo de 2023 poden enviar a mencionada documentación non máis tarde do 15 decembro de 2022.

As prazas de predoutoramento poden ter unha duración de ata 2 anos en contratos anuais avaliables e sucesivos. O importe bruto anual de cada contrato é de 22.192, 80 euros.

Máis información e contacto: Este enderezo de correo está a ser protexido dos robots de correo lixo. Precisa activar o JavaScript para velo.