Pai Fillo Nai

Xacobe, esta semana sacas ti os cans a pasear?. Non, Alén. Decidirémolo xogando tres partidas de pai fillo nai (ese xogo que tamén se chama tres en raia); o que gañe dúas consecutivas queda liberado, e o outro saca os cans. Os empates non contan, cada partida se repite ata que hai un gañador, e se non hai dúas vitorias consecutivas entre as tres partidas volvemos a empezar.

Paréceme ben. Penso que nós os dous temos o mesmo nivel, gañamos cada un aproximadamente a metade das partidas que xogamos, pero ti sabes que neste xogo o que empeza ten vantaxe (gaña con probabilidade 0,6 en troques de 0,5), e se xogamos tres partidas alternando a saída, un de nós vai ter vantaxe empezando dúas veces, mentres o outro só empeza unha vez. Non obstante hoxe síntome xeneroso, Xacobe, así que deixarei que ti empeces a primeira e a terceira, e eu empezarei a segunda.

Realmente é xeneroso Alén ou hai algunha trampa no seu razoamento?

Solución